FAA YÁKƐ KƆ́LƆI 17:1 - Kɛ́lɛ Niinaí

¹ Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 17:1 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:32

Kɛ tí pɛlɛngá ỹɔw̃ɔ́ ỹɔ́w̃ɔ w̃ɔ́ɔ́nima táá ɣɛ ta, “Kɛmbɛ mu góó h̃úi i ɣɛngɔ ɣɛi súwuvɛ súwuvɛ ngáá kooh̃unɛ́i ná í ɣɛ́ngɔ áá yɛ́pɛ mu yelé peleí h̃ú ɛ́ɣɛ ná sí pɔ́nɛngɔ Ngalá Kɔ́lɔi h̃u i ngakɛ́ni kpál̃au ngáá mu ye, kɛ́lɛi?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:30

Ngamá nɔ́ɔ, siỹɛ́ félengɔ ti ɣɛ́i lóóni taa Jísu, tíwaa yɛ́pɛ. Tí laahéingaitii ti ɣɛ́i ngáá Muusé, ɛ́ɣɛ Iláija. Aáva siỹɛndópo félengɔi sítii tí vááni Ngalángi múw̃a muw̃angi hólongi h̃u. Ti yɛ́pɛni kɔwɔ́ato sái wa Jísu í ɣɛ́i náa áá vá maahɔ́lɔma sí í ɣɛ́i áá va hitɛmá nga Jɛlúsɛl̃ɛ.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 16:19

Taa walaí sí i wali sú sáwa, taa walá wálaitii kínɛi ti ndɔwɔlɔ vékaitii su ti kpɛ́lɛɛ tí wólo ngóloni. Faa ỹɔ́i sí kínɛi í ɣɛ́i áá ɣɛ́ taí ná h̃u, Ngala ngí giséini ti w̃a. Náá hááw̃a, i ngi lííyaw̃al̃a walaí lɛ́ni taí sí w̃a. Ngi lííyaw̃al̃a walaí ná kúlangɔɔ lé ngáá ndɔɔ yakpángɔ wála kule áá ɣɛ́ nuu w̃á ngáá í kpɛ́lɛɛ kpɔ́le.

FAA YÁKƐ KƆ́LƆI 18:1

Ná sí í gúlai su, ngí mɔ́ɔ maléka véka lɔí áá gúla ngelegóóh̃u. Ngakpa ngwála i ɣɛi ngeyá aáva íwaa hólo ngwala. Ngi hólo mil̃a mil̃angí í ngelewui sí kpɛ́lɛɛ súú ɣɛi kpál̃au.

FAA YÁKƐ KƆ́LƆI 19:2

Ngi háá waalévendai aa ɣɛ ngáá tɔɔỹaá ɛ́ɣɛ telembo. I kɔlɔsiyá mɔ́ɔ walaí sí wáálevea ngáá kɛ aa veléi bɔw̃álale i ngeleí sí wuu ỹáánia ngáá ngí gɔ́lɔsiyangi. Ngalá tɔɔ́ faa bá ndáma, bɔw̃álale, i Ngalangí yénge mbélaitii paangɔ́.”

FAA YÁKƐ KƆ́LƆI 19:9

Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 21:15

Malékai sí í yɛ́pɛni ngéle, suw̃á ngúlui i ɣɛi ngeyá kpatɛngɔ́ ngáá góólii. I ɣɛi ngeyá ngáá í táá walái ná h̃úw̃a la ɛ́ɣɛ sásai láitii taá máa hásai gite.

FAA YÁKƐ KƆ́LƆI 21:9

Kɛ maléka ngɔ́felangɔi ngapúmaa haa bama ngɔfelangɔi í ɣɛ́i páningi h̃u suulaahéngɔ tí yaá, ngilángi i vaá ngéle, i ɣɛ má, “Vá, ngí Mbáálai Ỹáh̃a Niinaí ɣɛ́ ngáá í yé áá vá wálama ngeyá.”

FAA YÁKƐ KƆ́LƆI 4:1

Ná ná í gúlani su, ngí wɔ́lɛni ngí kó tɔ́ ndaawóngɔ ngelegóóh̃u. Ngoí sí ngí mɛ́ni hése kulangɔ́ ngáá búlu wóó ngí mɔ́ɔ mɛniní, i ɣɛ má, “Vá mbéi ngeleí yá. Nyá lɔ́ɔ vá kɛ́ma ngáá í yé sí kúle í ma í ɣɛ́ ná sí áá gúla su.”