FAA YÁKƐ KƆ́LƆI 16:5 - Kɛ́lɛ Niinaí

⁵ Kɛ ngí malékai sí woo ỹɛ́nia njei yɛ́itii tí tóko h̃u i ɣɛ ta, “Yɛ́i faa ỹɔ́u áá í h̃ú, yɛ́i yí ɣɛ́ngɔ na wɔ́lɔ, yí na sí h̃u, yí fái sí waalévea ngáá telembo péle.

FAA YÁKƐ KƆ́LƆI 16:5 Iomraidhean Croise

NJƆÚ 17:25

Kɛɛɣɛ́ yɛ́i í lélembongɔ, ngeleí sí wúu yélaitii kái kái taá kɔlɔ́ ngáá ele gíte wáa ngáá í ye, kɛ́ nyá ngi kɔlɔ́ ele gíte wáa ngáá í ye. Aáva pólu yélai sítii yí ti hengɔ́ ngéya tí suuwɔ́lɔ ngáá yá lɔ yí tɔ́vengɔ ngeleí sí wu.

LÓÓMI 2:5

Kɛ́ wú wóli h̃u bɔlɔngɔ́ɔ́ lé aáva wú lélenga ngáá wú vóte Ngála mba. Ná vá kɛngɔ́ wá lɔ́ɔ suu ɣɛ́ nɔ́ɔ ỹɔú bɔ́wɔ w̃a ngwala fóloi ná w̃a Ngalangí lííyaw̃al̃a walaí áá vá gúlama kɛ́lɛma. Ná wáá ngáá, ná h̃u Ngalá ngáá vá nuu kpɛ́lɛɛ kɔ́sɔma kahá vó fíli ɛ́i ɣɛ́ mbá.

LÓÓMI 3:5

Kɛ́ ná mú háá ỹɔu ɣɛndái áá Ngálangi lélembongi yákɛ kpál̃au, kɛ ná ná áá ɣɛ́, kɛmbɛ ɛi mɔɔ ɣɛ pele w̃a ngáá Ngalá ngɔ́ɔ́ fáá bá nda a mu w̃a a mu háá ỹɔu ɣɛ́ndai hááw̃a, kɛ́lɛ? Nyá lɔɔ sí lé h̃íí ngáá kíya nuu búsa áá maa hái yákpele.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 1:8

Ndemɔí Ngákpa Ngála Ngwalaí lɛ́i í ná kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma i ndéni, í ɣɛ ta, “Nyáá lɔ́ ngí ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i.”

FAA YÁKƐ KƆ́LƆI 11:17

táa ɣɛ́ ta, “Ndemɔí Ngakpa Ngála Ngwálai, yá lɔ́ yí ná aáva yá lɔ́ yí ɣɛ́ngɔ na wɔ́lɔ. Ní sɛ́ɣɛɛ gúla í w̃á ngáá yí í yákpa ngwálai w̃ááhɔlɔnga aáva yí í w̃ásandai lɔ́kula héinga.

FAA YÁKƐ KƆ́LƆI 16:4

Kɛ malékai hawa kélei i vaá í ngí ndái vu njei yɛ́ wála walaí ɛ́ɣɛ njei yɛ́ gúlo guloítii nga aáva ti kpɛ́lɛɛ ti vótei ngáá ŋaaw̃ɔ.

FAA YÁKƐ KƆ́LƆI 16:7

Kɛ ngí ngoí ỹɛ́ninga áá gúla Ngalá sááɣa gúla tútui ŋál̃aa véle, áá ɣɛ́ ta, “Ndemɔí Ngakpá Ngála Ngwalaí, í háá waalévendai aá lɔ́ ngáá tɔɔỹaá i ngáá telembo.”

FAA YÁKƐ KƆ́LƆI 19:2

Ngi háá waalévendai aa ɣɛ ngáá tɔɔỹaá ɛ́ɣɛ telembo. I kɔlɔsiyá mɔ́ɔ walaí sí wáálevea ngáá kɛ aa veléi bɔw̃álale i ngeleí sí wuu ỹáánia ngáá ngí gɔ́lɔsiyangi. Ngalá tɔɔ́ faa bá ndáma, bɔw̃álale, i Ngalangí yénge mbélaitii paangɔ́.”

FAA YÁKƐ KƆ́LƆI 4:8

Kovóngi i ɣɛi fulú wɔ́li nááningɔi nátii mba ngáá ngɔhíta ngɔ́hita, ɛ́ɣɛ ti yaah̃úi i ɣɛi ti yelé mbélengɔ, ti góvongitii mbu ɣéle tɔ. Tiyá lɔ́ɔ nɔ́ɔ fɔ́ ngule hɔ́ɔ́lɛndaa ya kpindí p̃ɛ́ɛ́ taá foló. Ti ɣɛ́i taá ɣɛ́ ta, “Ndemɔí Ngála, lɛ́i í ngáá ngakpa mɔ́ɔ́ walaí faa ỹɔ́u fíli áá sú, lɛ́i í na kúnafɔ, lɛ́i í ɣɛ́i na wɔ́lɔ ɛ́ɣɛ lɛ́i áá vá vááma.”

FAA YÁKƐ KƆ́LƆI 6:10

Ti ɣɛ́i taá yɛ́pɛ woo wála h̃u, táa ɣɛ́ ta, “Ndemɔí Ngakpa Mɔ́ɔ́ Wálai, yɛ́i sí faa ỹɔ́u áá í h̃u aáva í lɔ́ɔ́ỹangɔ, kuí bɛ́ɛ́ lɔ́ áá fólo ma sítii tí ní váángɔ ngeléwu yɔ́ɔ́yaa tí waaléve ngáá táa vélei, yí fáá bá ndá tí w̃a?”