FAA YÁKƐ KƆ́LƆI 16:18 - Kɛ́lɛ Niinaí

¹⁸ Ngeleí i ɣɛi áá ɣɛ́ míỹa míỹa. Ngele bandɛ́i í pɛ́lɛ bɔɔlɔ́ma, ngoí yá ngí w̃ɔ́nu, ndɔwɔlɔ́i í bɛ́li ngwala. Táingi ná h̃uu lɔ́ ndɔwɔlɔ́i í kpɛ́lii ỹɔú ỹɔ́u ngwalaí wóni kɛɣɛ́laa fíli áá nɛ́ɛ́ ɣɛ́i. Sí h̃úú ỹɔ́ungɔ i ɣɛí lá í lɔ́ve pekaítii kpɛ́lɛɛ mbá.

FAA YÁKƐ KƆ́LƆI 16:18 Iomraidhean Croise

MÁFIYU 24:21

Sífaa, maanɔw̃ɔ́ wála lɔɔ vá láma táingi ná h̃ú. Aáva maa w̃áánɔw̃ɔi h̃úú áá ɣɛ́ ỹɔ́u, í lɔ́ve maanɔw̃ɔ́ kpɛ́lɛɛ mbá í lánga í séi ngetéyangi sí lɔkúla héimai w̃a í fólo sí h̃úi w̃a, aáva maa w̃áánɔw̃ɔi gɛɣɛ́laa fíli ɛi mɔɔ ɣɛ́ na.

FAA YÁKƐ KƆ́LƆI 11:13

Ngamá nɔ́ɔ́, ndɔwɔlɔ́i í bɛ́lini ngwála. Ná taa walái ná ɔ́ɔ́ wɔ́lɛ su púú, seiw̃aá yílangi lɔ́ í ỹáánini, nuu tásu ngɔ́felangɔ tí há su. Nungáá w̃átai sítii tí ɣɛ́i loní, nduwá wála í vúi tí h̃u. Faalɔ, Ngala lɛ́i í ngelegóóh̃u tí ndaaw̃áálɛni.

FAA YÁKƐ KƆ́LƆI 11:19

Ngalangí Hɛ́ɛ́ma Yála Pɛ́lɛi í ngelegóóh̃u, ndaawóngɔ i ɣɛí lá, Kɛ́lɛ Kal̃áŋal̃a Ngwalaí i na. Ngeleí í ɣɛí áá ɣɛ́ míỹa míỹa ngele bandɛ́i áá bɔ́ɔ́lɔ na ngoí yángi í w̃ɔ́nu. Ndɔwɔlɔ́i áá bɛ́li na, sakɔ́ búú wála walaí áá vú.

FAA YÁKƐ KƆ́LƆI 4:5

Mbéi masa ngwálai bɔ́kpɔngi sí í na, ngeleí i ɣɛí áá ɣɛ́ na míỹa míỹa, ngele bandɛ́i áá bɔ́ɔ́lɔ na, ngoí yángi w̃ɔ́nu na. Ngalí ngɔ́felangɔ i ɣɛi lóni masa ngwálai bɔ́kpɔngi gákala áá hó. Ngalí ngɔ́felangɔi nátii tɔ ti ngáá Ngalangí ỹína ngɔ́felangɔitii.

FAA YÁKƐ KƆ́LƆI 6:12

Kɛ ngí Mbaalaí lɔ́nga í tókovongi wɔhíta kélei w̃ááleve. Ná í mááleveni, ndɔwɔlɔ́i í bɛ́lini ngwála, foloi i lɛ́i tí tí kíya nɔ́ɔ kula lɛí, ngalúngi í bíỹa kíya nɔ́ɔ ŋááw̃ɔ.

FAA YÁKƐ KƆ́LƆI 8:5

Kɛ malékai í ísɛ paningí sí yéɣenga í ndááhe ngáá Ngala saáɣa gula tútui h̃uu wɔ́mbui, í píli ngelewu. Ngele bandɛ́i í pɛ́lɛi bɔɔlɔ́ma, ngoí yángi í w̃ɔ́nu, ná vólu, ngeleí áá ɣɛ́ míỹa míỹa, ndɔwɔlɔ́i í bɛ́li.