FAA YÁKƐ KƆ́LƆI 16:14 - Kɛ́lɛ Niinaí

¹⁴ Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 16:14 Iomraidhean Croise

MÁFIYU 24:14

Aáva keela woó vándai sí kɔwɔ́ato Ngalángi w̃ásandai wa, pólu yélaitii taá ndé ỹandáitii kpɛ́lɛɛ ngeleí sí wu. Ná vá ngáá ɣɛ́ kɛinɔɔ́ nuu kpɛ́lɛɛ tí Ngála kééla woí ỹɛ́ni. Ná ná áá ɣɛ́, ngetéyangi aa vilá naá.”

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:22

Sífaa nungáá tiyá lɔɔ vá vaamá, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa taá nde ngáá tiyá lɔ ti ngáá Ngalá ndaa háá lé mbélaitii. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kindáá vilí faa kɛinɔɔ́ ná wɔlíi ɔ́ɔ́ ɣɛ ngáá solowo fáá ti yaá, ti sítii ngákpolowa Ngalá ngí lókolonga tí wa ngáá ngi vóngaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1

Táingi ná h̃uu vá Njɔú léngɔ í ɣɛ́i náá la, Lóómi Lɔwɔlɔ́ W̃asa Ngwalaí sí tɔ́ɔ ɣɛ́ ma Ɔgɔ́sitɔ, i sava laní nungáitii ngeyá Lóómi lɔwɔlɔí ná h̃u ngáá tí laahéingitii pu kɔlɔ w̃a.

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

LÓÓMI 1:8

Maifɔ́lɔ mbáá ngáá, ngáá sɛ́ɣɛɛ gula Ngalá ma wú hááw̃a Jísu Kílisitii w̃áá véle w̃a bɔw̃álale, wú w̃áá woo híyangɔɔ lé hááli hááli ỹandá kpɛ́lɛɛ ndɔwɔlɔ́i sí h̃u kɔwɔ́ato wú lángi wa wú sú ngáá Jísu Kílisitii.

TƐSALÓNIKA GƆ́LƆI HELE KÉLEI 2:9

Nyaama ỹáni walaí sí áá vá Setána yákpangi h̃ú, aa káámaa haa bih̃i bih̃i kɛ taá kíndaa víli fááni kɛ́ tí kpɛ́lɛɛ taá ɣɛ́ nɔ́ɔ ngáá ngakpolówa fáa lee léé.

TÍMOTI HESENDAA GƆLƆÍ 4:1

Hɛ́ɛ́ma Ỹínangi í ndengɔ́ kpál̃au ngáá ngetéyangi sí yákɛɛlɛmai laa lówah̃u, nungái ti lɛ́ingaa taá lókogula ndangí h̃u tí su ngáá Jísu Kílisitii, ti hítɛ ỹína ỹɔítii pólu, nátii táá ti yakpólowa ngáá ndɛɛ gálambongaitii.

JIMISÍ 3:15

Kele ɣelé táálii ná ɛi gula Ngalá ngeyá kɛ́ aa ɣɛ ngáá ngetéyangi sí h̃uu géle ɣelengí sí Hɛ́ɛ́ma Ỹínangi ndá ɛ́i ɣɛ́ mba, kɛ́ aa ɣɛ gulaí ỹína nyɔítii ngeyá.

NJƆÚ HESENDAA GƆLƆÍ 5:19

A mú súúwɔlɔ ngáá muỹá lɔ́ ngáá Ngalángi ndá núngaa aáva mu súúwɔlɔ ngáá nungáá vékaitii kpɛ́lɛɛ tí ngeleí sí wu tiyá lɔ́ Nyaama W̃ɔ́i wu.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:3

Ỹanda wála héingɔ i ɣɛi lá ngakpa súwai sí wú ngiláángi wa ngáá ɔ́ɔ́ ɣɛ́ pááni kɛ́ i ɣɛi náá béni. Ná i kɛi nungáitii kpɛ́lɛɛ tí ngélei sí wú ti ɣɛ́i wu nga wúúlee ngwala aáva tí hítɛ súwai sí vólu.

FAA YÁKƐ KƆ́LƆI 16:16

Ỹína nyɔí sítii tí kɛ́i ngáá háwu ndɔwɔlɔ w̃ásangaitii tí yátɛmba ỹandái sí taa lolí ngáá Ámagɛdɔ Híbulu woí h̃u.

FAA YÁKƐ KƆ́LƆI 16:7

Kɛ ngí ngoí ỹɛ́ninga áá gúla Ngalá sááɣa gúla tútui ŋál̃aa véle, áá ɣɛ́ ta, “Ndemɔí Ngakpá Ngála Ngwalaí, í háá waalévendai aá lɔ́ ngáá tɔɔỹaá i ngáá telembo.”

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 20:8

Ndɔwɔlɔ́i sítii pa taa ti lolí ngáá Gó ɛ́ɣɛ Mágo, maa yélaitii tiyɛ́i ti bih̃íngɔ kíya nɔ́ɔ kaha í ná tí vahá fáhangɔ ngélei sí wu, Setána lɔɔ vá tí yakpólowama í vá ngáá ti ye kɔɔ wɔ́mai

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 6:17

Táingi i fólonga ma táá vá tí háá báma walaí láma nungáá w̃a aáva nuu fíli ɛi hombó ɔ́ɔ́ wúmaa wo sú.”