FAA YÁKƐ KƆ́LƆI 15:1 - Kɛ́lɛ Niinaí

¹ Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 15:1 Iomraidhean Croise

FAA YÁKƐ KƆ́LƆI 10:3

Kɛ i tolíngi wónga wóo wála h̃ú kíya nɔ́ɔ kpéi njála ááyaa híkɔ. Ná í tólingi wóni, ngele bandɛ́ ngɔ́felangɔ i tolí ngói yapóteni woo wála h̃u.

FAA YÁKƐ KƆ́LƆI 11:14

Faa bámai hele kélei í vílaa ngáá la. Kɛ́ í longá ngáá sawa kélei áá vá vaáma h̃umbuwa.

FAA YÁKƐ KƆ́LƆI 14:10

Ngalangí lííyaw̃al̃ai áá foló ma. Ndiiyaw̃ál̃a wálai ná kulangɔ́ ngáá ndɔɔ yakpangɔ́ wála maa w̃ɔ́i aa kpɛ́lɛɛ kpɔ́le. Sítii kínɛi taa sítii kɛ, tiyá lɔ́ taa maanɔw̃ɔ́ wálai sí yeɣé ngɔmbu hóngi sí yá ɛ́ɣɛ ngɛi w̃ááku nyɔu ỹɔungí áá w̃ɔ́ ngwála kíya nɔ́ɔ fukú i ná hɛ́ɛ́ma w̃álekaitii ɛ́ɣɛ Mbaalaí yaah̃ú w̃a.

FAA YÁKƐ KƆ́LƆI 14:19

Kɛ malékai sí i ngí wówa yandiilingí yéɣea í ngélei sí wu gilépiitii kula la. I ti vú mbéi taá gilépiitii nganjɔ́wɔlɔ na. Ná vá tɔ áa ló Ngalangí lííyaw̃al̃a walaí yákɛ fááw̃a ngáá faa ỹɔ́u yélaitii.

FAA YÁKƐ KƆ́LƆI 16:1

Kɛ ngí ngoo wála ỹɛ́nia áá gúla Hɛ́ɛ́ma Yála Pɛ́lɛi wu, áá ɣɛ́ maléka ngɔ́felangɔitii ma, “A lí, wú páni ngɔ́felangɔitii ngeɣé Ngalángi lííyaw̃al̃ai í tí h̃u wú pú ngelewu.”

FAA YÁKƐ KƆ́LƆI 17:1

Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 21:9

Kɛ maléka ngɔ́felangɔi ngapúmaa haa bama ngɔfelangɔi í ɣɛ́i páningi h̃u suulaahéngɔ tí yaá, ngilángi i vaá ngéle, i ɣɛ má, “Vá, ngí Mbáálai Ỹáh̃a Niinaí ɣɛ́ ngáá í yé áá vá wálama ngeyá.”

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”

FAA YÁKƐ KƆ́LƆI 8:2

Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.

FAA YÁKƐ KƆ́LƆI 8:6

Kɛ maléka ngɔ́felangɔi nátii búlu ngɔ́felangɔi í tí yáa, tí ɣɛ́ kíli batɛngá ngáá tí tí hɛ.

FAA YÁKƐ KƆ́LƆI 9:20

Nuu búsa w̃átaitii kínɛi taa hááni faa bámai sítii su, taa vólu yáfeni tí yaa háitii mba. Taa béni ỹína nyɔu ỹɔungáitii fɛlindái wa ɛ́ɣɛ kɔɔ kɔɔ ŋániitii tɔ́ɔ́ kpatɛ ngáá góóli tɔ́ɔ ti yeɣé ngáá ngalángaa, kɔlu woléngi, báhi kɔ́lu, kɔtúi ɛ́ɣɛ ngulúi tiyɛ́i tɛ́i ỹanda lɔ, tɛ́i faá ỹɛ́ni kɛlaa tɔɔ́ híya.