FAA YÁKƐ KƆ́LƆI 14:7 - Kɛ́lɛ Niinaí

⁷ I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 14:7 Iomraidhean Croise

MÁFIYU 25:13

Jísu i faanɛ́ɛ́ngi sí vólui ɣɛí, i ɣɛ ta, “Faalɔ, a w̃aah̃ú béle, sífaa wáá fóloi wɔlɔ́ ɔɔ táingi í fóloi ná h̃u sí Nuu Búsa Goo H̃ú Loí áá vá ma.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:18

Ti tá yiláá bɛ́lɛ nɔ́ ɛ́i belé yangáima kɛ nɔ́ɔ léi sotángi sí yílaa kpé í yangáimangɔ ngáá í Ngalá tɛ?”

TI GƐ́Ɛ́ HAÍTII 14:15

“Mu mbálangaa, ndeé lɔ wúwaa sí ɣɛ́ ma? Niỹá bɛ́lɛ nɔ niỹá lɔ nɔ́ɔ́ ngáá nuu búsa, aáva niỹá lɔɔ vá ngáá keela woó vandaí wú yéle náa nde wú w̃a ngáá wú volú yafé ngambalámba wɔ́lingai sítii mba, wú vóte Ngalángi sí wa ndɛɛh̃úi í su lɛ́i i ngeleíni ngaa ndɔwɔlɔí sí bátɛngɔ ɛ́ɣɛ yívoi kpahangɔ́ sítii kínɛi mbá tí tí h̃u.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

FAA YÁKƐ KƆ́LƆI 11:13

Ngamá nɔ́ɔ́, ndɔwɔlɔ́i í bɛ́lini ngwála. Ná taa walái ná ɔ́ɔ́ wɔ́lɛ su púú, seiw̃aá yílangi lɔ́ í ỹáánini, nuu tásu ngɔ́felangɔ tí há su. Nungáá w̃átai sítii tí ɣɛ́i loní, nduwá wála í vúi tí h̃u. Faalɔ, Ngala lɛ́i í ngelegóóh̃u tí ndaaw̃áálɛni.

FAA YÁKƐ KƆ́LƆI 11:18

Sítii taá ngáá í vóngaa ti liiyaw̃ál̃angɔ i ɣɛngɔ lá ngwala, bɔw̃álale faa bámai yáá vá ndáma ɛ́ɣɛ saa yeláitii ti gɔsɔ́ndai i folóa ma. Kuí i folónga ma ngáá yáá vá náa í yénge mbeláitii maaỹáá féma, ná wáá ngáá, í láa haa lé mbélaitii, ɛ́ɣɛ í vóngaitii kpɛ́lɛɛ tiyɛ́i í wúfema í tí yaá, sítii ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa. Kuí i folónga ma yáá vá sítii kɛ kíli ỹaanimá táa ngelewuí sí ỹááni!”

FAA YÁKƐ KƆ́LƆI 15:4

Yɛ́i yí ngáá Ndemɔí, ele lɔ ɛ́i wúfe í w̃a? Ele lɔ ɛ́i kɛ ɔ́ɔ́ í lɛ́? Í yílaa kpé tɔ́ faa ỹɔ́u áá í h̃ú. Ngeleí sí wuu yélaitii kpɛ́lɛɛ tiyá lɔ́ɔ vá í gákala ti í hɛ́li bɔw̃álale í lélembongi ya ngí ɣɛa ngáá ti ye.”

FAA YÁKƐ KƆ́LƆI 16:9

Folo lúye nduyengí wála bandingɔ́ i ɣɛi lá í pɛ́lɛ nungáitii mɔ́ma ngáá suulɔ́vengɔ. Nungái sítii tí pɛ́lɛ Ngalá ngɛ́ɛ́lima, lɛ́i ngakpá ngí ngeyá faa bámai sítii mááh̃u. Kɛ́ taá kɛi tɔɔ bé tí háá ỹɔítii mba tɔɔ́ Ngalá ndaaw̃áálɛ.

FAA YÁKƐ KƆ́LƆI 18:10

Taa ló p̃óuma bɔw̃álale taa ɣɛ́ taa lúwa ngáá tɔ́ɔ́ ngí w̃áánɔw̃ɔi tá yéɣe, táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ ndúwa háá wála ngáá Ngalá ngáá ngakpa táá walaí sí Babél̃ɔ woló nɔ́ɔ háwa yílaa ndáá lówah̃u ngí háá ỹɔítii fááw̃a!”

FAA YÁKƐ KƆ́LƆI 18:17

Háwa yiláá ndáá lówah̃u, ngi bátɛ walaí kpɛ́lɛɛ i ỹaaniá.” Sitíma hiya mbélaitii kpɛ́lɛɛ í báha yawo w̃ááhiya mbélaitii ɛ́ɣɛ njɛ ya ngénge mbeláitii kínɛi ɛ́ɣɛ sitímai h̃u yélaitii tí lói p̃óuma,

FAA YÁKƐ KƆ́LƆI 18:19

Tí tutuwángi híyani wú mba, tíwaa wɔ́lɔ ɛ́ɣɛ táá w̃ááw̃aanu, tí ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ nduwá háá wála taa walái sí hááw̃a. Aá lɔ́ ngáá taa walá sítii kínɛi sitímai í tí yaá tí bátɛi ngí bátɛi h̃u. Háwa yiláá ndáá lówah̃u, taa walái sí bátɛi kpɛ́lɛɛ i ỹaaniá.”

FAA YÁKƐ KƆ́LƆI 19:5

Kɛ ngí ngoí ỹɛniá í gúla Ngalángi w̃ása kpɔ́kpɔngi ŋál̃aa véle, ngoí ná i ɣɛi ngáá sí, “Wú kpɛ́lɛɛ wáá wúfe Ngala ma wú ngáá Ngalá ngénge mbélaitii ɛ́ɣɛ nuu kpɛ́lɛɛ taa wúfe ma, ti ɣɛ́i ngáá ndaahéi mbá yélaa ɔɔ taa ɣɛ́i ngáá ndaahéi mbá yélaa, a mú mú Yálangi laaw̃áálɛ!”

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 4:9

Fulú wɔ́li nááningɔi sítii ti ɣɛi taá Ngalá ndaaw̃áálɛ taá ngufema hé mbɛ́ taá sɛ́ɣɛɛ gulá ma ngule h̃u, lɛ́i í héini masa kpɔ́kpɔngi h̃u kúnafɔ taá ngí ndá gúnafɔ. Ná taá ná ɣɛ́,

FAA YÁKƐ KƆ́LƆI 8:10

Kɛ malékai háwa kélei i ngi ndá búlui hɛ́nga. Ná í ná ɣɛ́ni, temúleɣa wála yílaa i gúlai ngeleí ya íwaa w̃ɔ́ kíya nɔ́ɔ ngalí, í vú njɛítii ma. Ná wáá ngáa, njɛ wála wálaitii ɛ́ɣɛ njei yɛ́ gólo gulóaitii kpɛ́lɛɛ ngeleí sí wú ná kɔlɛmái áá ɣɛ́ sú sáwa, seiw̃aá yílangi gɛ́ɣɛlai lɔ́ í vúi ti w̃a.