FAA YÁKƐ KƆ́LƆI 14:6 - Kɛ́lɛ Niinaí

⁶ Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú.

FAA YÁKƐ KƆ́LƆI 14:6 Iomraidhean Croise

MÁFIYU 10:27

Sí ngáá nde wú w̃á a nde nuu kpɛ́lɛɛ ndiiwáá. Londo kúlo h̃u hái fíli, a nde ngáá seehé.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 16:15

A lí ndɔwɔlɔ́i kpɛ́lɛɛ kpɛ́lɛɛ su, wú Ngalángi gééla woo vandaí lé nuu kpɛ́lɛɛ má.

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

KƆLƆ́SE 1:23

Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.

TƐSALÓNIKA GƆ́LƆI HELE KÉLEI 2:16

Bɛlɛ́ mu Lemɔ́i Jísu Kílisitii laá gíte ɛ́ɣɛ mu Kɛ́ɛ́ɣɛ Ngala ti wú lííwuulɛ ɛ́ɣɛ ti wú h̃úúba faa vánda kpɛ́lɛɛ nde fááw̃a ɛ́ɣɛ kɛ fááw̃a. Ngala ndóngɔɔ lé ngáá mu ye aáva ngi háá bɔwɔí w̃áá véle w̃a, í kitomáá vánda hengá mú yɛ, í kɛ ngáá háwu mu lííwuulɛngi áa ndi ngu ma kúnafɔ.

HÍBULU 13:20

Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.

PÍTƐ HESENDAA GƆLƆÍ 1:25

kɛ́ Ndemɔí Ngalángi gééla woí lɔ́ na kúnafɔ.” Keela woí sí va mbaa ngáá keela woó vándai na ti ndéni wú w̃a.

FAA YÁKƐ KƆ́LƆI 10:11

Kɛ ti mɔ́ɔ ɣɛa má, “Lí, yí Ngála ndáa háá lé múl̃ɔ ndɔwɔlɔ w̃ása ngwala waláitii ma ndɔwɔlɔ kpɛ́lɛɛ su, ti híítii ma ɛ́ɣɛ ti laawóitii su.”

FAA YÁKƐ KƆ́LƆI 10:7

ná malékai wɔ́fela kélei áá ngí ndá búlui hɛ́. Sí Ngala ngí súúbatɛngɔ ndɔɔwu h̃u, áá sítɛ náá nga, kíya í ndéni ngi yénge mbeláitii ma, ná wáá ngáá, ndaa háá lé mbélaitii.”

FAA YÁKƐ KƆ́LƆI 13:7

Ngakpa ngí ɣɛ́i súwai sí yáá táingi sí laa lówah̃u ngáá í lápi ngáá Ngalá ngí vóngaitii í hómbo tí w̃a. Ngakpa ngí ɣɛi ngeyá mɔ́ɔ híítii maah̃u tiyɛ́i taá híí woítii nde bɛ́kpɛ tí gúlangɔ paatiitíí su tí ndɔ́wɔlɔ kpɛ́lɛɛ sú.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”