FAA YÁKƐ KƆ́LƆI 14:6 - Kɛ́lɛ Niinaí6 Kɛ ngí maléka véka lɔngá áa góvo ngeleí yá kélei. I ɣɛi áá kúnafɔ gééla woo vandaí lé nungáitii ma tí ngélei sí wú taá gúla híítii su bɛ́kpɛ tiyɛ́i taá híí woítii ndé bɛ́kpɛ ti gúlangɔ paatiitíí sú tí ndɔwɔlɔ́i kpɛ́lɛɛ sú. Faic an caibideil |
Kɛ́ a ndi ngu ma ngáá wu lángi wú su ngáá Kílisitii wú ló gite su kpáŋ kpáŋ. A waa híɣe nda pélei sí wa wɔ́ɔ́ gíkula wú gítomai h̃u wú maahɔ́lɔngɔ ná wú keela wóó vándai ỹɛ́nini. Nyɛ́i vá ngí ngáá Pɔ́ɔ, ngí ɣɛ́a ngáá ngenge mɔ́ɔ́ keela wóó vándai sí lé fááw̃a í lénga nungáitii kpɛ́lɛɛ má ngeleí sí wu.
Ngala ngí kɛ́a ngáá háwu a mu Lemɔ́i Jísu Kílisitii í yóóɣe sái h̃u. Jísui sí vá kulangɔ́ɔ́ lé ngáá mbaala w̃ááh̃u béle mɔ́ɔ́ yakpángɔ wála kɔwɔ́ato saáɣa haí wa í mbóni. Sái ná lɔ́ náa í kɛ́ngɔ ngáá háwu kɛ́lɛngi Ngala ngí ngéɣeni ti lówah̃u taá ngí vóngaitii í ndó ma. Bɛlɛ́ Ngalá lɛ́i áá ndiihéi gúla kɛ́lɛma í kɛ́ ngáá háwu wú ɣɛ́ kíli batɛ́ngɔ í ɣɛ́ la faa vánda híí kpɛ́lɛɛ kɛ́ fááw̃a ngáá kɛinɔɔ́ sí áá ɣɛ́ loí wú kɛ́ wú kɛ, aáva bɛ́lɛ Jísu Kílisitii w̃áá véle w̃a í mu ya ngengé kíya fíli áá ndiivó. Aáva maayáá Jísu Kílisitii lɛ máá wúfe ma kúnafɔ taá ngí ndá gúnafɔ! Amíína.
Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.