FAA YÁKƐ KƆ́LƆI 14:4 - Kɛ́lɛ Niinaí

⁴ Nungái sítii tɔ faa ỹɔ́u fíli áá ɣɛ́i ti h̃u, ná wáá ngáá, nápa taá ɣɛí faa fíli kɔ́lɔ kɔwɔ́ato nyah̃á háá wa. Tiyá lɔ́ɔ Mbaalaí sí vólu mbéi fíli áá lí na. Tiyá vá tɔ́ mɔ́ɔ ti wúmaawongɔ ngeleí sí wu. Nungáitii su, tiyá hése tɔ́ tí Ngalá ɛ́ɣɛ Mbaalaí hááw̃a.

FAA YÁKƐ KƆ́LƆI 14:4 Iomraidhean Croise

MÁFIYU 19:12

Sífaa háwu bih̃íw̃aa lɔ́ na áá kɛ siỹɛngái tɛí nyah̃á yéɣe. Ti lɛ́ingaa taá tí le ti wúúhaangɔ, ti lɛ́ingaa siỹɛngáá taá tí wúúvaa, ti lɛ́ingaa vá tɛí kɛ tɔɔ́ nyah̃á yéɣe Ngalángi w̃ásandai hááw̃a, kɛ́ nuí fíli áá hómbo í hítɛ kalambóngi sí volú, bɛlɛ́ maa w̃ɔ́i í hítɛ polú.”

MÁFIYU 25:1

Kɛ Jísu i ɣɛa vólu yélaitii ma, “Ná nuí síí w̃ɔ́i taa ɣɛ́ ma Nuu Búsa Goo H̃ú Loí vaalaí áá ɣɛ́a foló ma, Ngalángi w̃ásandai ɣɛ kíli aa gula ngáá faanɛ́ɛ́ngi sí. Nyah̃á béla púúngɔ lɔ wɔ́lɔ ti ɣɛ́i na, tí tí hɛ́fɛ lambongáitii ngéɣei, tí lí nyah̃á wɔ́li mɔ́i lúwɔ.

MÁFIYU 8:19

Naa h̃u kpéiŋ, kɛ kaamɔí ta Ngala sávai hááw̃a, i vaangá Jísu yelé, i ɣɛ ma, “Kaamɔ́ɔ́, nyá lɔ́ɔ to í wá mbéi fíli yáá lí na.”

NJƆÚ 10:27

Ní wáálaitii taá wolílo ngói w̃a, ngí ti wɔlɔ́ aáva taá hítɛ pólu.

NJƆÚ 12:26

Nuí fíli áá ɣɛ́ í ɣɛ ngáá ní yénge mɔɔ, kɛ maa w̃ɔ́i aa hitɛ́ pólu, kɛinɔɔ́ mbéi ngáá ɣɛ́ na, naa lɔ maa w̃ɔ́i áá ɣɛ́ na laá bɛ́lɛ. Ní Kɛ́ɛ́ɣɛ Ngalá ngáá ngufemaí he nuí sí yɛ áá ɣɛ́ ngáá ní yénge mɔɔ.”

NJƆÚ 13:37

Pítɛ í mɔ́ɔ́ mɔɔníni, i ɣɛ ma, “Kɛɛɣɛ́, ndéénii le ngɛ́i tó í wa h̃íí féa? Ngáá lɛɛh̃úi gúla kɛlɛ́ma í hááw̃a.”

NJƆÚ 8:12

Ná Jísu í yɛ́pɛni mɔɔ nungái ngele, í ndéni, í ɣɛ ta, “Nyá lɔ́ ngí ngáá lámbongi ngeleí sí wuu yélaitii faaw̃a. Nuí fíli pá áá ɣɛ́ ngáá pólu w̃ɔ́ɔ ɛi hiya kpíndii h̃u kɛ́ aa lámbongi sí w̃ááhɔlɔ áá ndɛ́ɛ́h̃ui gitei he ngeyá.”

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

KƆ́L̃E HESENDAA GƆLƆÍ 16:15

Wú kɔlɔ́ ngáá Sitɛ́fɛnɔ vɛlɛ lowaí wúú yélai hése tɔ ti vílini Ngalá fɛ́lindai wa Akáya lataí h̃u aáva ti bɔ́wɔ gulaá kɛ́lɛma ngengengí hááw̃a Ngalángi vóngaitii mbɛ. Wú w̃áánɛɛnɛngɔɔ lé mu mbála Yalá fɛ́li mbélai,

KƆ́L̃E HESENDAA GƆLƆÍ 6:20

I wú h̃ɔ́w̃ɔ hengɔ́ ngáá ŋani. Faalɔ, bɛlɛ́ í ngúfema w̃ááhɔlɔ wú lúwui w̃aa véle w̃a.

KƆ́L̃E HESENDAA GƆLƆÍ 7:28

Kɛ́ ná nuu áá nyah̃á wɔ́li ná aa ngáá faa ỹááni. Ná nyáh̃ai sí ɛ́i ɣɛ́ nɛ́nɛ kɛmbɛhéi h̃u áá wála siỹɛ́ ngeyá, kɛ aa faa ỹááni fíli mbóngɔ. Kɛ́ sítii tí kɛ́mbɛhei h̃u, taá faa bɔ́lunda bih̃i bih̃i maahɔ́lɔ ti lɛ́ɛ́h̃ui h̃u. Kɛ́ nyáá va ngáá loí ná w̃aa háa bɔlundái ɔ́ɔ́ ɣɛ́ wú wa.

KƆ́L̃E GƆ́LƆI HELE KÉLEI 11:2

Nyáá ngáá wú w̃áálolo gúla kíya nɔ́ɔ Ngalá ngáá wú w̃áálolo gúla. Wú gúlangɔɔ lé ngáá kpelaniiná ɛ́i ɣɛ́ nɛ́nɛ siỹɛ fáá wɔlɔ́ aáva ngí kúúlo mbónga wú wála fááw̃a kɛmbɛhéi h̃u siỹɛ ngílaa ngéya, aáva maa h̃íỹɛngi sí vá taá ɣɛ́ ma Kílisitii.

Ɛ́FƐSƆ 1:14

Hɛ́ɛ́ma Ỹínangi í mú volú i kɛngá a mu ɣɛ́ kɔlɔ ngáá sí Ngalángi í ngi vóngaitii kuulongɔ la, aa kɛ. Aáva í mɔ́ɔ kɛ mu ɣɛ́ kɔ́lɔ ngáá sítii ti ngáá Ngalángi vóngaitii tí wumááwongɔ áá ɣɛ́ la. Ná vá tɔ́ í kɛ́a táa Ngalá ndaaw̃áálɛ ngi yákpangi hááw̃a.

Ɛ́FƐSƆ 5:27

ngáá ti ɣɛ́ váni, faa ỹɔ́u fíli álaa ɣɛ́ tí h̃u, ɛ́ɣɛ faa fíli álaa ɣɛ́ ti wa, aáva í tí yéɣe ngáá ngi vóngaa kíya nɔ́ɔ nyah̃a bélangi áá ɣɛ na faa fíli ɛ́i ɣɛ́ mba, taa mbala siỹɛ́ ngeyá.

TÍMOTI HESENDAA GƆLƆÍ 4:3

Nungái sítii tɔ taá kalambongí wó ngáá aa pele w̃a ngáá Ngala fɛ́li mɔ́ɔ́ ɔ́ɔ́ nyáh̃a yéɣe ɔɔ ɔ́ɔ́ wála siỹɛ́ ngéya. Ná vólu, mɛɛni lɛ́ingaa lɔ na bɛ́ kpɛ́ kule áá Ngala fɛ́li mɔ́ɔ́ w̃a ɔ́ɔ́ mɛ. Kɛ́ Ngalá ngí mɛɛní kpɛ́lɛɛ kpátɛngɔ a mu haáw̃a ngáá mú mɛ. A muỹɛ́i vá a mu langɔ́ ngáá Jísu Kílisitii, aáva a mu tɔɔỹái wɔlɔ́ náa, mɛɛní fíli maa ɣɛ́ mú mɛ maá sɛ́ɣɛɛ gula nɔ́ɔ Ngalá ma faaw̃a a mú mɛ́.

HÍBULU 12:23

Wú váánga Ngalángi léngaa liiwáá ndiyalaí ŋál̃aa gúlangɔɔ ti yɛ, tiyɛ́i ti laahéingaitii pɔ́nɛngɔ ngelegóóh̃u. Wú váánga naa Ngalá ngéle lɛ́i áá nuu kpɛ́lɛɛ kɔ́sɔ pele w̃a, ɛ́ɣɛ sítii ti h̃úúyafuw̃angaitii ti ngele tiyɛ́i ti ɣɛ́i ngáá telembo mbélaa Ngalá ngááh̃u tiyá lɔ́ na tiyɛ́i Ngala ngí ti ɣɛ kíli batɛngɔ́ fó fóndei.

JIMISÍ 1:18

Ngalá kpútei tɔɔỹaá gééla woí w̃aa véle w̃a i mu wɔngá ngáá ndɛɛh̃ú gítei. I kɛní h̃íí ná sífaa i kpatɛ́i gí ma ngáá í kɛ. Aáva i ɣɛngɔ loí mu ɣɛ́ ngáá maifɔ́lɔ mbélaa ngi bátɛ wɔlingái kpɛ́lɛɛ ndííwaa.

PÍTƐ HESENDAA GƆLƆÍ 2:9

Kɛ́ wá lɔ́ ngáá Ngalá tokoló mba yélaa wú ngáá ngi hááɣa gula mbélaa wáá yénge Ngalá mbɛ́ lɛ́i í ngáá Masa Ngwalái. Wú gálihangɔɔ lé Ngalá ma, Ngalángi ndá nungáá gíte gíte wáá ngáá wu ye. Wá lɔ ná ngáá wú ɣɛ wáá faa lé kɔwɔ́ato káámaa háitii mba Ngalá ngáá tí ɣɛ́ lɛ́i í wú w̃áálolinga wú gúla faa ỹɔ́u ɣɛ kpíndii h̃u, wú gúla kalá kála ma naa walá w̃aanɛ́ɛ́ngɔi.

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 21:22

Ngáá Hɛ́ɛ́ma Yála Pɛ́lɛ lɔí taa walái ná h̃u, bɔw̃álale Ndemɔí Ngalá ɛ́ɣɛ Mbáálai tiyá lɔ́ tí ná ngáá Hɛ́ɛ́ma Yála Pɛ́lɛi hɔ́wɔ fíli.

FAA YÁKƐ KƆ́LƆI 21:23

Taa walái sí aa ɣɛi bɛndɛí fólo hááw̃a taá ngálu, bɔw̃álale Ngalángi múw̃a muw̃angí lɔ́ áá naa ɣɛ́ kpál̃au. Mbaalaí lɔ í ná ngáá lámbongi.

FAA YÁKƐ KƆ́LƆI 3:4

Kɛ́ wú lɛ́ingaa wú Sadé nɛ́nɛ, wú gúlaitii kp̃ɔɔŋngɔ́ laá le, ná wáá ngáá, faa ỹɔ́u áá wú h̃u. Maa wúyeni tɔ máá vá ɣɛ́ma vólu kúla woléngi h̃u, bɔw̃álale wú lúva veléi í ngákɛnga ngáá kɛ wú gúlaɣɛngɔ le ngáá maa wúyeni a mu ɣɛ́ vúlu.

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.