FAA YÁKƐ KƆ́LƆI 14:3 - Kɛ́lɛ Niinaí

³ Nuu tásu seiw̃aá hɔ́ndɔ ngilaa púu nááningɔ maah̃úú nááningɔi (144,000) sítii ti ɣɛ́i lóóni Ngalangí w̃ása kpɔkpɔngí wútuwɔ, mbéi fúlu wɔ́li nááningɔi ɛ́ɣɛ kele ɣelé mbélaitii ti ɣɛ́i lóóni na. Nungái nátii sɔ́ingi lɔ́ Ngala ngí ɣɛ́i náa ti wúmaawoi, tiyá lɔ́ nɔ́ɔ ti ɣɛ́i taa ngulé niinái sí hɔ́ɔ́lɛ. Nuu véka fíli ɛ́i belé hómbo ɔ́ɔ́ náá wɔ́li kɛ nɔ́ɔ léi tiyá.

FAA YÁKƐ KƆ́LƆI 14:3 Iomraidhean Croise

KƆ́L̃E HESENDAA GƆLƆÍ 1:18

Keela wói kɔwɔ́ato Kílisitii váándai wa kulɔ́sii w̃a, aá lɔ́ ngáá faa ỹááka sítii ngeyá tí wú ngáá ló sú. Kɛ́ muỹɛ́i Ngala ngáá mu wúmaawo, aa lɔ ngáá ngi yákpangi yaáh̃u ɣɛ́ngɔ ngáá mu ye.

KƆ́L̃E HESENDAA GƆLƆÍ 2:14

Nuí fíli Hɛ́ɛ́ma Ỹínangi ɛ́i ɣɛ́ polú, ɛi lokohéi sítii mbu taa gúla Hɛ́ɛ́ma Ỹínangi yaa, sífaa taá ɣɛ ngáá faa ỹááka laá ngeyá. Aáva ɛi ti yatɔ́ mbá sífaa Hɛ́ɛ́ma Ỹínangi ɛi ɣɛ́ polú ɔ́ɔ́ kɛ́ ngáá háwu ɔ́ɔ́ ti yatɔ́ mba.

FAA YÁKƐ KƆ́LƆI 14:1

Kɛ ngí wɔ́lɛa, ngí Mbáálai lɔ́ i lóóni taa nuu tásu seiw̃aá hɔ́ndɔ ngiláá púu nááningɔ maah̃úú nááningɔitii (144,000) ngihéngi sí wú mbá taa tolí ngáá Sáỹa. Nungái nátii tɔ Mbaalaí taa ngí Kɛ́ɛ́ɣɛ ti laahéingi vɔ́nɛngɔ í ɣɛ́i la ti lavála.

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 5:9

Tí ngúle niiná hɔ́ɔ́lɛni, tí ɣɛ́ ta, “Yá lɔ́ í gúlaɣɛngɔ ngáá nuu yáá hómbo yí kɔ́lɔ w̃ááɣalangɔi yeɣé, yí tókovongitii teve, sífaa yí bɔ́wɔ gúlani kɛ́lɛma ti í váá. Saáɣa haí ná vá yí mbóni, í nungáá wúmaawonga Ngála mbɛ́ táá gúla híítii sú bɛ́kpɛ, tiyɛ́i taá híí woítii ndé bɛ́kpɛ ti gúlangɔ paatiitíí su tí ndɔ́wɔlɔi kpɛ́lɛɛ su.

FAA YÁKƐ KƆ́LƆI 7:4

Tí ndéni má ngáá kɛ sítii kínɛi tí Ngalángi lókovongi vúni ti lavála, ti ɣɛ́i ngáá nuu tásu seiw̃aá hɔ́ndɔ ngiláá puu nááningɔ maah̃úú naaní (144,000). Nungái nátii kpɛ́lɛɛ tí gúlani nde kpambi púúngɔ maah̃úú félengɔitii su Ísulɔ yélaitii su.