FAA YÁKƐ KƆ́LƆI 14:13 - Kɛ́lɛ Niinaí

¹³ Kɛ ngí ngoí ỹɛ́ninga í gúla ngelegóóh̃u, i ɣɛ ta, “Sí vɔ́nɛ. Í séi náa sí h̃úi w̃á í lí ngáá naá wútuwɔ, aa lɔ́ ngáá faa vánda sítii kínɛi mbɛ́ taa lá ngáá Ndemɔí tí wála lɛɛh̃úi w̃a faaw̃a.” Hɛ́ɛ́ma Ỹínangi i ndéni, i ɣɛ ta, “Tɔɔỹáá lé. Tiyá lɔ́ɔ vá liivó kɛ́ma ngáá ndɛɛlɛmbó ti yénge kpa kpangí yá, bɔw̃álale, ná lɔ́ í ngáá kulasuunumái ti yénge pandaí hááw̃a.”

FAA YÁKƐ KƆ́LƆI 14:13 Iomraidhean Croise

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:25

Kɛ́ Lébilah̃au i kpatɛ w̃ɔ́i woo yápoteni, i ɣɛ ma, ‘Ní lóu, ná h̃u yí ɣɛ́ngɔ ngelewu ndɛɛh̃ú h̃u yí faa vánda vándaitii maahɔ́lɔni yí ɣɛ́i loní la, Lásɔlɔ va faa ỹɔ́itii tɔ í maahɔ́lɔni, kɛ́ sí h̃u aá lɔ náa mbéi ngapɔpɔ́ su, yáa vá yí nduwu ya fuulɛ́ wála h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 16:9

Jísu í mɔ́ɔ ɣɛ ti w̃a, “Faalɔ, nyá lɔɔ́ ndé wú w̃á ngáá, wú mbala lopoa wɔlí ngáá ngeleí sí wuu bátɛitii kɛinɔɔ́ na kúna ngeleí sí wuu bátɛitii taa víla wú yáa, wú tókohei mbú w̃aahɔ́lɔ ngelegóóh̃u.

LÓÓMI 14:8

A mú lói ndɛɛh̃ú h̃u, a maa lo su Ndemɔí Ngala faaw̃a, a mú haaní a maá há Ndemɔí Ngalá fááw̃a. Faalɔ, a mú lói ndɛɛh̃ú h̃u baa a mú haaní Ndemɔí Ngála tɔ́ po ngí ngáá mu ye.

KƆ́L̃E HESENDAA GƆLƆÍ 15:18

Ná ná áá ɣɛ́, kɛ sítii kéle tɔ ti ɣɛ́ngɔ laí ngáá Kílisitii í lóngɔ su ti háángɔ kɛ ti betévengɔɔ lé Ngala mba.

KƆ́L̃E HESENDAA GƆLƆÍ 15:20

Kɛ́ tɔɔỹái waa ngáá Ngalá ngí Kílisitii wuyoɣénga sái h̃u. Aáva sí lɔ́ áá ngákɛ ngáá sítii kele tɔ ti háángɔ aá lɔɔ vá ti wúyoɣema sái h̃u.

KƆ́L̃E HESENDAA GƆLƆÍ 15:58

Faalɔ, mu mbála Yalá fɛ́li mbélai, a ló kpáŋ! Waá kɛ faa fíli ɔ́ɔ́ wú híɣe vomá. A bɔwɔ́ gula kɛlɛ́ma hɔ́wɔ fíli Ndemɔí Jísu yengengí hááw̃a, bɔw̃álale wú kɔ́lɔ ngáá sí fíli wáá mbo Ndemɔí Jísu yengengí h̃u aa gbááma.

KƆ́L̃E GƆ́LƆI HELE KÉLEI 5:8

Faalɔ, nyá lɔ́ɔ nde búte ngáá kitomáá lɔ mu yɛ hɔ́wɔ fíli. Maa ɔ́ɔ́ ɣɛ́ nɛ́ɛ́ni ná a mɔ́i belé mɔ́ɔ ɣɛ ngeleí sí wúu lúwui sí h̃u, kɛ́ áa ɣéle, a mɔ́ɔ́ ɣɛ́ Ndemɔí Jísu lóów̃a nduwúi ná h̃u áá vá púma mu w̃a.

FÉLEPA 2:17

Wú lángi sí wú su ngáá Ngalá wú waá maah̃ú haa ɣɛ́ mbɛ í ngeyá ngáá saáɣa ɣɛ kíli, bele pá bɛ́lɛ ní ỹááw̃ɔi áá vú maah̃u ngáá saáɣa wɔli, ná aa kóóh̃unɛɛ. Aáva ní góóh̃unɛi ná vá, a mu kpɛ́lɛɛ maá mbo.

TƐSALÓNIKA HESENDAA GƆLƆÍ 4:14

A mu langɔ́ɔ́ lé lá ngáá Jísu i haaní aáva í mɔ́ɔ́ wuyoɣé sái h̃u. Faalɔ, a mú lángɔɔ lé lá ngáá sítii ti langɔ́ í ɣɛ́ngɔ lá ngáá Jísu í ló sú tí há, Ngala ngáá ti yooɣé sái h̃u, í tí báha Jísu wa.

TƐSALÓNIKA HESENDAA GƆLƆÍ 4:16

Ná Ndemɔí Jísu áá ɣɛ áá gúla ngelegóóh̃u áá va, áá wóó gúla, malékai ti wutúwɔi bɛ́lɛ í wóó gúla, kɛ Ngalángi lólimbo búlu walaí í hɛngá. Nungái sítii ti langɔ í ɣɛ́ngɔ lá ngáá Kílisitii í ló su ti há tiyá hése tɔ taá wúyoɣe naá sái h̃u ngáá tí Ndemɔí Jísu laaw̃ɛ́ɛ́.

TƐSALÓNIKA HESENDAA GƆLƆÍ 5:10

Jísu í haangɔ́ mu haáw̃a ngáá kɛinɔɔ́ ná áá vá bele pá a mu háángɔɔ lé ɔɔ a múỹa lɔ ndɛɛh̃ú h̃u, a mu ɣɛ́ lóów̃a a maá tiyéni ndɛɛh̃ú h̃ú.

TÍMOTI HESENDAA GƆLƆÍ 5:24

Nungái ti lɛ́ingaa tí háá ỹɔí ya ngáá ɣɛ́ kpál̃au aáva faa h̃uu haa lé mbélai kele tɔ taá ɣɛ́ faa wɔ́lɔ mba p̃ɛ́ɛ́ maa w̃ɔ́i ɔ́ɔ́ ɣɛ́a foló ti w̃a. Kɛ́ tí lɛ́ingaa ti háá ỹɔítii ɛi h̃umbuwá gúla kalá kála ma.

TÍMOTI HESENDAA GƆLƆÍ 5:25

Ngimɔ́ɔ́ nɔ́ɔ máá hái í na nuu lúva velé vándai géle tɔ nga ngáá ɣɛ́ kpál̃au ɛ́ɣɛ múl̃ɔ sí ɣéle tɔ nga ngɛ́i ɣɛ́ kpál̃au ngwala, maa ɛ́i lɔ́ɔ́wu.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 10:4

Ná léi tí bɔ́ɔ́lɔni, ngí ɣɛ́i loí ngí sítii pɔnɛ tí ndéni kɛ́ ngí ngói ỹɛ́nini í gúla ngelegóóh̃u, i ɣɛ ma, “Faí sítii ngele bandɛ́ ngɔ́felangɔitii tí ndéngɔ kɛ ngáá ndɔɔwu h̃u haa, yálaa ti vɔ́nɛ!”

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 11:19

Ngalangí Hɛ́ɛ́ma Yála Pɛ́lɛi í ngelegóóh̃u, ndaawóngɔ i ɣɛí lá, Kɛ́lɛ Kal̃áŋal̃a Ngwalaí i na. Ngeleí í ɣɛí áá ɣɛ́ míỹa míỹa ngele bandɛ́i áá bɔ́ɔ́lɔ na ngoí yángi í w̃ɔ́nu. Ndɔwɔlɔ́i áá bɛ́li na, sakɔ́ búú wála walaí áá vú.

FAA YÁKƐ KƆ́LƆI 16:17

Kɛ malékai wɔféla kélei i vaá í ngí ndá váningi h̃u háá bamaí vú ngeleya. Ngoo wála i gulaí masa kpɔ́kpɔngi ŋál̃aa véle í Hɛ́ɛ́ma Yála Pɛ́lɛi wu, i ɣɛ ta, “I vilangá.”

FAA YÁKƐ KƆ́LƆI 19:9

Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 2:1

I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 21:5

Kɛ Ngalá lɛ́i í héini masa ngwálai bɔ́kpɔngi ya, i ɣɛa ta, “Nyá ngáá ŋani kpɛ́lɛɛ kpátɛ ngáá ngi níína.” Kɛ i ɣɛ́a má, “Ngoí sítii ngáá nde ti vɔ́nɛ bɔw̃álale tiyá lɔ́ ngáá tɔɔỹaá ɛ́ɣɛ tókola ma wóó.”

FAA YÁKƐ KƆ́LƆI 22:17

Hɛ́ɛ́ma Ỹínangi ɛ́ɣɛ Nyáh̃a Wɔ́lingɔ Níínai kɛ ti Ndemɔí Jísu lolínga, ti ɣɛ́ ma, “Vá!” Nuí fíli áá fái sí ỹɛ́ni, aá bɛ́lɛ kule lɔ́ má í ɣɛ́ tá, “Vá!” Nuí fíli njɛ́ bɔ́le mɔ́ni áá ɣɛ́ ma, í vá í ndɛɛh̃u w̃ááhɔlɔ njɛ́i sí bɔ́le aáva ɛi sɔw̃ɔ he.

FAA YÁKƐ KƆ́LƆI 6:11

Tí tí yilá ngíla fíli kɔ́ni ngáá jogbo kóle. Tí ndé tí w̃a ngáá tí naa guló w̃áálɛlɛ nɛ́nɛ í ló sú kpóloo tiyɛ́i kule í tí w̃a tí sáá w̃ááhɔlɔ tí tí váá kíya nɔ́ɔ tiyá bɛ́lɛ tí tí vááni. Ná wáá ngáá, tí mbála Yalá fɛ́li mbélaitii tiyɛ́i táa yénge Ngála mbɛ́.