FAA YÁKƐ KƆ́LƆI 14:11 - Kɛ́lɛ Niinaí

¹¹ Nduulí ááyaa gúla ngɔmbu hóngi sí yá ngáá áá ɣɛ́a nungáitii maanɔw̃ɔ́ kúnafɔ taa ngí ndá gúnafɔ ɛi víla. Sítii kínɛi taa ngakpa súwai sí hɛ́li ɛ́ɣɛ kɔɔ kɔɔ ŋániitii, ná vólu, tí ngí lókovongi vú ti w̃a, kúnafɔ w̃áánɔw̃ɔi sí taa híya su foló ɛ́ɣɛ kpindí, ndɛɛlɛmbó ngɛi ɣɛ́ su.”

FAA YÁKƐ KƆ́LƆI 14:11 Iomraidhean Croise

MÁFIYU 11:28

Jísu í mɔ́ɔ́ ɣɛ ti w̃a, “Wu kpɛ́lɛɛ a vá ngéle wɛ́i wú bɔ́lɔngɔ aáva kasɔ́ ỹííngɔi áá bɔ́lu wú la. Ngáá kɛ́ ngáá háwu wú lɛ́ɛ́lɛmbo.

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 25:46

Jísu woo yápumai faanɛ́ɛ́ngi sí h̃u, i ɣɛi ta, “Aáva taá li kúnafɔ w̃áánɔw̃ɔi h̃u. Kɛ́ sítii pa tí ngáá telembo mbélaitii taá lí kúnafɔ lɛ́ɛ́h̃ui h̃u.”

HÍBULU 1:8

Kɛ́ sí í ndéi kɔwɔ́ato ngi H̃íỹɛndou Loí wa, i ɣɛi ngáá sí, í ɣɛ́i ta, “Í w̃ásandai, yɛ́i yí ngáá Ngalá, áá lɔ́ɔ ɣɛ́ na kúnafɔ taá ngí ndá gúnafɔ. Yáá í w̃ásandai ɣɛ́ telembo sú sítii mááh̃u taá ɣɛ́ í wú.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 13:12

I hésendaa huwa walaí sí yákpangi kpɛ́lɛɛ ngákɛni ná yááh̃u w̃a. I kpáni ngélei sí wú yélaitii kpɛ́lɛɛ má ngáá kule ngáá ti hésendaa yakpa súwai sí hɛ́li pala walaí í ɣɛ́i ngungi wa kɛ́ kpengɔ́ í ɣɛ́i náá lá.

FAA YÁKƐ KƆ́LƆI 13:15

Ngala ngí béni ngakpa súwai hele kélei sí wá ngáá í ndɛɛh̃u vú kɔɔ kɔ́ɔ́ ŋáni sí h̃u tí kpátɛi kulangɔ́ ngáá hésendaa yakpa súwai kɛinɔɔ́ i hómbo í bɔ́ɔ́lɔ ɛ́ɣɛ í sítii páa tɛ́i ɣɛ́ kɛ́i tɔ́ɔ fɛli ngáá ti yála.

FAA YÁKƐ KƆ́LƆI 13:17

Nuu fíli ɛi belé ŋani yaá kɛlaa maa ɔ́ɔ́ ŋani w̃ááhiya ná ngakpa súwai sí lókovongi ɛ́i belé ɣɛ́ tóko w̃a ɔɔ tavála. Tokovongí ná lɔ́ í ngáá ngakpa súwai sí laahéingi ɔɔ í ngáá nɔ́mbai lɛ́i áá ló ndaahéingi hááw̃a.

FAA YÁKƐ KƆ́LƆI 14:9

Kɛ malékai hawa kélei i vaa ná félengɔitii ti ɣɛ́i náa lɔveí íwaa ndé woo wála h̃ú, áá ɣɛ́ ta, “Nuí fíli áá hésendaa yákpa súwai sí hɛ́li ɔɔ i tokovongí w̃ááhɔlɔ lavála ɔɔ loko w̃a, ɛ́ɣɛ í kɔɔ kɔɔ ŋániitii fɛli tí kpátɛngɔ,

FAA YÁKƐ KƆ́LƆI 18:18

tí wɔ́lɔ ná tí taí ná w̃ɔ́ ndúúlii lɔ́i áá gúla ngáá mɔngí taa walái ná í ɣɛ́i áá mbo. Tí woo gúlai tí ɣɛ́ ta, “Nápa taa fíli aa nɛɛ ɣɛi na ɔ́ɔ́ ɣɛ́ ngáá taa walái sí ɣɛ́ kíli ngakpa péle w̃a!”

FAA YÁKƐ KƆ́LƆI 18:9

Ndɔwɔlɔ́ w̃ása ngwala walaítii kínɛi tí ngeleí sí wu, tiyɛ́i ti kɛ́a ngáá tí gɔ́lɔsiya mɔ́ɔ ɛ́ɣɛ ti líívo kɛ mɔɔ wala, tiyá lɔ́ɔ vá wɔ́lɔma ɛ́ɣɛ tí w̃ááw̃aanu ná taá ndúúlii lɔ́ áá gúla mɔngí h̃ú taa walaí ná áá ɣɛ́ áá mbó.

FAA YÁKƐ KƆ́LƆI 19:3

Ti mɔ́ɔ́ woo lɛ́, ti ɣɛ́ ta, “A mú Ngalá ndaaw̃áálɛ! Taa walái sí w̃ɔ́ ndúúlii w̃áá ɛ́i léve kúnafɔ!”

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 22:5

Kpindí ɛ́i mɔ́ɔ vɛlɛ taa walái ná h̃u aáva lámbo ɔɔ foló kpɛ́ndɛ ɛi mɔ́ɔ ɣɛ nungáitii mba bɔw̃álale Ndemɔí Ngála aa ɣɛ́ ngáá ti lámbo tiyá vá taá ɣɛ́ ngáá ndɔwɔlɔ́ w̃ásangaa kúnafɔ fááw̃a.

FAA YÁKƐ KƆ́LƆI 7:12

“Amíína! A mú sɛ́ɣɛɛ gula mu Yálangi w̃a, mú ndaaw̃áálɛ, mú ngufema hé mbɛ ngi géle ɣelengi hááw̃a, ngi h̃úúbangi ɛ́ɣɛ ngi yakpángi hááw̃a, kúnafɔ taá ngí ndá gúnafɔ! Amíína!”