FAA YÁKƐ KƆ́LƆI 13:8 - Kɛ́lɛ Niinaí

⁸ Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.

FAA YÁKƐ KƆ́LƆI 13:8 Iomraidhean Croise

MÁFIYU 25:34

Masangí aa ɣɛ náa sítii ma taa ɣɛ́ ngisa h̃u vélei, ‘A vá, wɛ́i ní Kɛ́ɛ́ɣɛ Ngalá ngí hɛ́ɛ́ngɔ wú yɛ, a va wú ɣɛ́ ngi w̃ásandai h̃u kɛ kíli batɛngɔ́i wú háaw̃a wɔ́lɔ kpɔ́lɔɔ ngetéyangi lɔ́kula héimai,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:20

Kɛ́ ná fíli su, a waá gooh̃unɛ́ɛ ngáá sífaa sí fíli wáá nde ỹína nyɔítii ma taá kɛ. Kɛ́ wá ɣéle, a gooh̃unɛ́ɛ sífaa wá lɔ́ náá kpaɣaí sí h̃u nungái sítii ndiiwáá táá ɣɛ́ ngelegóóh̃u.”

NJƆÚ 1:29

Naa vólu w̃áá yélei i wóni kɛ Njɔú í Jísu lɔngá íwaa vá ngelé péle, kɛ Njɔú í ɣɛ́a ta, “A wɔ́lɛ lɛ́ɛ́ nuí síí w̃ɔ́i wa taa ɣɛ́ ma Ngalángi Wáálai í fengá ngáá í faa ỹɔ́i wúya ngelewu yélaitii ma.

Ɛ́FƐSƆ 1:4

P̃ɛ́ɛ́ ngelewu ɔ́ɔ́ bátɛ, Ngala ngí ɣɛi náa lokoloí mu wá ngáá ngi vóngaa, kpahaí wa mú sú Jísu Kílisitii wa ngáá faa ỹɔ́u ɛ́i ɣɛ́ mu h̃u ngaah̃u mu h̃úúlaahengɔ í ɣɛ́ la ngáá ndongí.

FÉLEPA 4:3

Ní mbála yengé mɔ́i yɛ́i tókolangɔi í w̃á ngwala ngáá yí bɔ́ mbá, bɔ́ nyah̃ái sítii mba ti woo í ɣɛ́ su yíla. Tiyá lɔ ti bɔ́ngɔ ni wa ngengengí h̃u Ngala ngói hááw̃a naa Kílɛmɛ ɛ́ɣɛ ní mbála yengé mbélaa vekaítii kpɛ́lɛɛ. Nungái sítii ti bɔ́ngɔ mbá ti laahéingai pɔnɛngɔ́ɔ́ lé kúnafɔ lɛ́ɛ́h̃u gɔ́lɔi h̃u.

TÁITƆ 1:2

Ná ná áá ɣɛ́, kitomái áá ɣɛ́ tí wa kúnafɔ lɛ́ɛ́h̃ui hááw̃a Ngala lɛ́i ɛ́i ndɛɛ gɔ́ɔ́la í máá gúúlombongɔ p̃ɛ́ɛ́ ngetéyangi ɔ́ɔ́ ɣɛ́a batɛ́.

FAA YÁKƐ KƆ́LƆI 12:15

Kaalii sí i njei yɛ́ wála gúlai lá í tó nyah̃ápoi wá ngáá ná í ló mbu.

FAA YÁKƐ KƆ́LƆI 13:12

I hésendaa huwa walaí sí yákpangi kpɛ́lɛɛ ngákɛni ná yááh̃u w̃a. I kpáni ngélei sí wú yélaitii kpɛ́lɛɛ má ngáá kule ngáá ti hésendaa yakpa súwai sí hɛ́li pala walaí í ɣɛ́i ngungi wa kɛ́ kpengɔ́ í ɣɛ́i náá lá.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.

FAA YÁKƐ KƆ́LƆI 21:27

Sí fíli faa ỹɔ́u vóngi í mba, ɛi li taa walái ná h̃u. Ngufe tála haa ɣɛ́ mbélaa ɛ́ɣɛ ndɛɛ gɔ́ɔ́la mbélaa tɛ́i li taa walái ná h̃u. Sítii nɔ́ɔ léi táá vá liimá taa walái ná h̃u, aa ɣɛ ngáá sítii tí laahéingi vɔ́nɛngɔ kúnafɔ lɛ́ɛh̃u gɔ́lɔi h̃u í Mbáálai hááw̃a.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 3:20

A wolílo! Nyá lɔ́ lói pɛlɛ́i la, ngíwaa túba. Ná nuu fíli áá ngóó ỹɛ́ni, í ndááwo, ngáá vá mbu maa w̃ɔ́i yéle, náa láá ni héi ní lááỹɛ ỹanda yílaa.

FAA YÁKƐ KƆ́LƆI 3:5

Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.

FAA YÁKƐ KƆ́LƆI 5:12

Tí ngúle hɔ́ɔ́lɛni wóo wála h̃u. Tí ɣɛ́i taá ɣɛ́ ta, “Mbáálai paangɔ́ í ɣɛ́ngɔ la áá lɔ́ kúlaɣɛngɔ ngáá í sɛ́ɣɛɛ gula ma w̃ááhɔlɔ taá ngufema. Ná vólu, í ndaaw̃áálɛ mááhɔlɔ ngí yákpangi hááw̃a, ngí bátɛi hááw̃a, ngí géle ɣelengi hááw̃a, ɛ́ɣɛ ngi h̃úúbangi hááw̃a!”

FAA YÁKƐ KƆ́LƆI 5:13

Kɛ ngí fúlu wɔ́lingai kpɛ́lɛɛ kpɛ́lɛɛ ngoo ỹɛ́ninga ngelegóóh̃u, ngeleí sí wu, saa yelái ti lɔ́wɔlɔi h̃u, ɛ́ɣɛ njɛ wú ɛ́ɣɛ fúlu ỹániaitii kpɛ́lɛɛ ti ỹánda kpɛ́lɛɛ táa ngule hɔ́ɔ́lɛ, táá ɣɛ́ ta, “A mú sɛ́ɣɛɛ gula nuí síí w̃ɔ́i w̃a í héini masa ngwálai bɔ́kpɔngi h̃ú ɛ́ɣɛ Mbáálai. Ná vólu, a mú tí laaw̃áálɛ, mú ngufema hé ti yɛ tí yákpangi hááw̃a, kúnafɔ taá ngí ndá gúnafɔ!”

FAA YÁKƐ KƆ́LƆI 6:1

Kɛ ngí Mbáálai lɔ́nga í hésendaa lokovongí w̃ááleve. Kɛ ngí fúlu wɔ́li nááningɔitii tí tá yíla ngóó ỹɛ́ninga í bɔ́ɔ́lɔ woo wála h̃ú kíya nɔ́ɔ ngele bandɛ́ ááyaa bɔ́ɔ́lɔ, í ɣɛ ta, “Vá!”