FAA YÁKƐ KƆ́LƆI 13:6 - Kɛ́lɛ Niinaí

⁶ I pɛlɛí náa Ngala ndáahei nyááni má, áá ngɛɛli ngóó le Ngalá má ɛ́ɣɛ mbéi Ngalá ngí na taa naa yélaitii.

FAA YÁKƐ KƆ́LƆI 13:6 Iomraidhean Croise

MÁFIYU 12:34

Í mɔ́ɔ́ ɣɛ ta, “Wɛ́i wú gúlangɔ ngáá kaaliá! Wáa ɣéle hómbo naa wú faa vánda lé, ná wú ngáá nyaama yélaa? Bɔw̃álale faí sí áá ɣɛ́ nuu gí ma laahéngɔ, laá lɔ áá lɛ́ nda í ndé.

MÁFIYU 15:19

Sífaa, núi gí mai lɔ́ kisiyá ỹɔ́i áá gúla na sí áá kɛ ngáá háwu í nuu váa, í kɔ́lɔsiya mbo, í ŋúỹa wó, í káha hééle woo le, ɛ́ɣɛ í maaboo ngoo le kɔwɔ́ato nungáá véka wa.

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

LÓÓMI 3:13

Ti laa woítii kulangɔ́ɔ́ lé ngáá kambá lááwongɔitii. Ná vólu, ndɛɛ ỹɔ́u ỹɔungáitii tɔ táá gúla ti la ɛ́ɣɛ ngoo ỹɔ́u ỹɔungáitii tɔ ti la kɛ kíya kpéi kaali w̃al̃ái í na.

KƆLƆ́SE 1:19

Ngalá kpútei lɔ́ í suubátɛngɔ ngi nɛ́ɛ́mbɛ h̃u ngáá ngi H̃íỹɛndou Loí í ɣɛ́ nɔ́ɔ ngáá laá Ngala kɛ kíli pele kpɛ́lɛɛ sú.

KƆLƆ́SE 2:9

Kíya bɛ́lɛ nuu búsa lúwu í Kílisitii w̃a, kɛ́ aá lɔ́ ngáá Ngalá pele kpɛ́lɛɛ su.

HÍBULU 9:2

Nyɛpɛ́l̃ɛngi sí tɔ́ɔ́ kpatɛ kɔlɛngɔ́ i ɣɛi lá su féle ngáá kula wala. Hése keleí i ɣɛi ngáá mbéi tɔ́ɔ́ náá lolí ngáá Hɛ́ɛ́ma Ỹándai. Lámbo towaí i ɣɛi ná, téévei i na ɛ́ɣɛ bílei í ɣɛ́i ngáá Ngala kɔ́ngi.

HÍBULU 9:24

Aa ngáá nuu búsa Hɛ́ɛ́ma Wala Ỹándai batɛngɔ́i nɔ́ɔ Kílisitii ɔ́ɔ́ ɣɛ́ lɛɛngɔ́ ná lɛ́i gúlangɔ ɔɔ la nɔ́ɔ́ ngáá sí í ngélegooh̃u ngi w̃áábale. Kɛ́ i lɛɛngɔ́ ngelegóóh̃u gíte mbéi náá í na íwaa mu w̃áánɛɛnɛ mbó Ngalá ma.

FAA YÁKƐ KƆ́LƆI 11:12

Kɛ Ngala ndáá háá lé mbélaa félengɔi nátii tí ngóó wála ỹɛ́ninga áá gúla ngelegóóh̃u, í ɣɛ ti w̃a, “A vá ngeleí yá!” Ti waahílima yélaitii tí lói ti belé má tí lɛ́ ngelegóóh̃u njɛ bilíí h̃u.

FAA YÁKƐ KƆ́LƆI 12:12

Faale, wɛ́i kínɛi wú ngelegóóh̃u, a gooh̃unɛ́ɛ́. Kɛ́ suu wála lɔ́ɔ vá ɣɛmá ỹɔ́u wú w̃á ngwála wɛ́i wú mbéi ngélei sí wú ɛ́ɣɛ njɛ́ wú, bɔw̃álale, Ngutuwɔ́ Ỹína Nyɔí i yeingá wú w̃a. I kɔ́lɔ ngáá kɛ ngi gúi h̃úu áá mɔ́ɔ gooh̃á, náá hááw̃a, ndiiyáw̃al̃angɔɔ lé ngwála.”

FAA YÁKƐ KƆ́LƆI 15:5

Ná sí í gúlai su, ngí mɔ́ɔ Hɛ́ɛ́ma Yála Pɛ́lɛi lɔ́i ngelegóóh̃u ndaa í wó Kula Ỹɛpɛ́l̃ɛngi i mbu mbéi Ngalangí áá ɣɛ na.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 21:3

Kɛ ngí ngoo wála ỹɛ́nia áá gúla Ngalángi w̃ása ngwalaí bɔ́kpɔngi ŋál̃aa véle. Ngói ná i ɣɛi ngáá sí, “Ngala ngí vaá nuu búsaitii ndoow̃a taá tiyéni ti ɣɛ ỹanda yílaa. Taá ɣɛ́ ngáá ngi vóngaa, laá gíte aa ɣɛ ti loow̃á í ɣɛ́ ngáá ti Yálangi.

FAA YÁKƐ KƆ́LƆI 4:1

Ná ná í gúlani su, ngí wɔ́lɛni ngí kó tɔ́ ndaawóngɔ ngelegóóh̃u. Ngoí sí ngí mɛ́ni hése kulangɔ́ ngáá búlu wóó ngí mɔ́ɔ mɛniní, i ɣɛ má, “Vá mbéi ngeleí yá. Nyá lɔ́ɔ vá kɛ́ma ngáá í yé sí kúle í ma í ɣɛ́ ná sí áá gúla su.”

FAA YÁKƐ KƆ́LƆI 4:4

Masa kpɔ́kpɔ púú félengɔ maah̃úú nááningɔ i ɣɛí masa ngwálai bɔ́kpɔngi w̃ááyele mbélengɔ. Kele ɣelé mbélaa púú félengɔ maah̃úú nááningɔ ti ɣɛ́i héini ti h̃u. Ti w̃ááyilingɔ ngáá kula wolé, masa mbɔ́ɔ́lɔi kpatɛngɔ́ ngáá góóli í vɛ́lɛi tí wú mba.

FAA YÁKƐ KƆ́LƆI 5:13

Kɛ ngí fúlu wɔ́lingai kpɛ́lɛɛ kpɛ́lɛɛ ngoo ỹɛ́ninga ngelegóóh̃u, ngeleí sí wu, saa yelái ti lɔ́wɔlɔi h̃u, ɛ́ɣɛ njɛ wú ɛ́ɣɛ fúlu ỹániaitii kpɛ́lɛɛ ti ỹánda kpɛ́lɛɛ táa ngule hɔ́ɔ́lɛ, táá ɣɛ́ ta, “A mú sɛ́ɣɛɛ gula nuí síí w̃ɔ́i w̃a í héini masa ngwálai bɔ́kpɔngi h̃ú ɛ́ɣɛ Mbáálai. Ná vólu, a mú tí laaw̃áálɛ, mú ngufema hé ti yɛ tí yákpangi hááw̃a, kúnafɔ taá ngí ndá gúnafɔ!”

FAA YÁKƐ KƆ́LƆI 7:15

Ná lɔ́ í kɛ́nga tí lói Ngalangí w̃ása kpɔ́kpɔngi gakála Hɛ́ɛ́ma Yála Pɛ́lɛi wú, táá yénge ngala mbɛ kpindí p̃ɛ́ɛ́ taá foló. Lɛ́i í héini masa kpɔ́kpɔngi h̃u, aá lɔ́ ɣɛ́ áá tí w̃ááh̃u béle.

FAA YÁKƐ KƆ́LƆI 7:9

Ná sí í gúlani su, ngí wɔ́lɛni ngí faŋaí lɔ sí nuu fíli ɛ́i belé hómbo ɔ́ɔ́ ti báɣa. Tiyá lɔ́ bɛ́kpɛ tí gúlani paatiitíí su tí ndɔwɔlɔ́i kpɛ́lɛɛ su ɛ́ɣɛ híítii su taa ti laawóitii ndé ngeléi sí wu. Faŋaí í ɣɛi vúúni masa ngwálai bɔ́kpɔngi ɛ́ɣɛ Mbaalaí gakála. Tí w̃ááyilingɔ ngáá jobgo kólengaitii, ndɔɔ laɣái í hói tí yaá.