FAA YÁKƐ KƆ́LƆI 13:3 - Kɛ́lɛ Niinaí

³ Ỹanda wála héingɔ i ɣɛi lá ngakpa súwai sí wú ngiláángi wa ngáá ɔ́ɔ́ ɣɛ́ pááni kɛ́ i ɣɛi náá béni. Ná i kɛi nungáitii kpɛ́lɛɛ tí ngélei sí wú ti ɣɛ́i wu nga wúúlee ngwala aáva tí hítɛ súwai sí vólu.

FAA YÁKƐ KƆ́LƆI 13:3 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:1

Táingi ná h̃uu vá Njɔú léngɔ í ɣɛ́i náá la, Lóómi Lɔwɔlɔ́ W̃asa Ngwalaí sí tɔ́ɔ ɣɛ́ ma Ɔgɔ́sitɔ, i sava laní nungáitii ngeyá Lóómi lɔwɔlɔí ná h̃u ngáá tí laahéingitii pu kɔlɔ w̃a.

NJƆÚ 12:19

Kɛ Júsuai sítii taa ɣɛ́ ti w̃a Falósiai tiyá tɔ́ taá nde ỹɔw̃ɔ́ ỹɔ́w̃ɔ w̃a, táá ɣɛ ta, “A tɔ lɛ́ɛ, mu háá h̃uubatɛngí kɔwɔ́ato siỹɛndópoi sí wa, aa nɛɛ lií ngáá mu ye ỹanda fíli bɔw̃álale nungái kpɛ́lɛɛ tiyá lɔɔ hítɛ náá nɔ́ɔ́ polú.”

TI GƐ́Ɛ́ HAÍTII 8:13

Sáimɔ buteí i laní ngáá keela woí sí Félepi í ndéni. Laáva í nguyaí w̃ááhɔlɔni. I toní naá Félepi wá mbéi fíli ná ɔ́ɔ́ lí na. Kindáá vílingɔ i ɣɛi lá ngáá káámaa háitii í tɔ́ni Félepi í ɣɛ́i áá ti ɣɛ.

FAA YÁKƐ KƆ́LƆI 13:12

I hésendaa huwa walaí sí yákpangi kpɛ́lɛɛ ngákɛni ná yááh̃u w̃a. I kpáni ngélei sí wú yélaitii kpɛ́lɛɛ má ngáá kule ngáá ti hésendaa yakpa súwai sí hɛ́li pala walaí í ɣɛ́i ngungi wa kɛ́ kpengɔ́ í ɣɛ́i náá lá.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 17:10

Ndɔ́ɔ́lungɔitii ti vílaa ti w̃ásandai ɣɛ́ma tí há. Ngilángi lɔ́ náá í masandái h̃u. Ngapúmaa w̃ɔ́i aa nɛɛ ngí ndá w̃ásandai lɔ́kula héini, kɛ́ ná áá tɔ́kula héi, suu ɛ́i ɣɛ́ gooh̃á.

FAA YÁKƐ KƆ́LƆI 17:11

Ngakpa súwai sí ndɛɛh̃ú í ɣɛ́ngɔ su kɛ́ aa mɔɔ ndɛɛh̃ú h̃ú. I ɣɛngɔ́ ngáá masa ngɔ́felangɔi ti tá, kɛ́ aa lɔ́ vá í ɣɛ́ ngáá masangí wahákpa kélei aáva aa li mbéi áá saa w̃ááhɔlɔ na.

FAA YÁKƐ KƆ́LƆI 17:13

Masa púúngɔi sítii ti gi ma hái aa ɣɛ yíla kpé aáva taa tí w̃ásandai ɛ́ɣɛ ti yákpangi hé ngakpa súwai sí yaa.

FAA YÁKƐ KƆ́LƆI 17:17

Ngala ngí kɛngɔ́ ngáá háwu masa púúngɔi nátii ti gi mái í ɣɛ́ yílaa sí Ngala ndóngɔ í ɣɛ́ tí kɛ. Ná wáá ngáá, tí woo í ɣɛ́ su yílaa, tí tí yákpangi hé ngakpa súwai sí yaá ngáá í másandai ɣɛ í ló sú kpóloo Ngalá ndáá woí í hítɛnga.

FAA YÁKƐ KƆ́LƆI 17:6

Nyah̃ápoi sí i ɣɛi Ngalangí vóngai ti ỹááw̃ɔi bɔ́lei ɛ́ɣɛ sítii tí tí vááni bɔw̃álale ti ɣɛ́i lái ngáá Jísu. Ti ỹááw̃ɔi i nyah̃ápoi ná hóuni kíya nɔ́ɔ ndɔɔ áá nuu hóu. Ná ngí tɔ́i, i kíndaa vílini ngwala.

FAA YÁKƐ KƆ́LƆI 17:8

Ngakpa súwai sí yí tɔngɔ́ ndɛɛh̃ú í ɣɛ́ngɔ su, kɛ́ aa mɔɔ ndɛɛh̃ú h̃ú. Aá tɔ́ áá vá gulamá ndówa wálai sí h̃ú kpu ngáá mba, í lí mbéi áá saa w̃ááhɔlɔ na. Nungáitii tí ndɛɛh̃ú h̃ú ngélei sí wu aáva ti laahéingi vɔ́nɛngɔ áá ɣɛ́ngɔ lá kúnafɔ lɛ́ɛ́h̃u gɔlɔí h̃u ngelewu ɔ́ɔ́ ɣɛ́ p̃ɛ́ɛ́ í lɔ́kula héi, aa ɣɛ ngáá kindaa víli fáá wala ti hááw̃a ná taá ngakpa súwai sí lɔ́. Ngakpa súwai sí i ɣɛngɔ ndɛɛh̃ú h̃u, kɛ́ i ɣɛi náa haaní, kɛ́ aá lɔ́ vá vááma vólu.