Biblia Todo Logo
Bìoball air-loidhne

- Sanasan -




FAA YÁKƐ KƆ́LƆI 13:14 - Kɛ́lɛ Niinaí

14 I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

Faic an caibideil Dèan lethbhreac




FAA YÁKƐ KƆ́LƆI 13:14
29 Iomraidhean Croise  

Aa ŋani kpɛ́lɛɛ fɛ́lindaa h̃uuh̃ándɛ ɛ́ɣɛ sítii kpɛ́lɛɛ pá nuu áá ɣɛ́ ta ngakpá tɔ ti h̃u ti hɛ́li fáá h̃u. Aa bɔwɔ́ yá kɛ baí ngákpa fáá kpɛ́lɛɛ mááh̃u, ná vólu, aa li bɛ́lɛ p̃ɛ́ɛ́ Hɛ́ɛ́ma Yála Pɛ́lɛi wu, í héi na, í bɔ́wɔ gúla ngáá Ngalá.


Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.


Kɛ ngí ngákpa súwa wala yilá tɔ́a áa gúla yívoi wú. Ngungí i ngá wɔféla, ndowói i ngu mbá púu. Masa mbɔ́ɔ́lɔi i ndowó púúngɔi nátii ma ngáá ngiláá ngílaa p̃ɛ́ɛ́. Tɛɣɛsu lááheingaitii kɔwɔ́ato Ngalá mbá, pɔnɛngɔ́ ngungí nátii ma ngáá ngiláá ngílaa.


Ngala ngí béni ngakpa súwai hele kélei sí wá ngáá í ndɛɛh̃u vú kɔɔ kɔ́ɔ́ ŋáni sí h̃u tí kpátɛi kulangɔ́ ngáá hésendaa yakpa súwai kɛinɔɔ́ i hómbo í bɔ́ɔ́lɔ ɛ́ɣɛ í sítii páa tɛ́i ɣɛ́ kɛ́i tɔ́ɔ fɛli ngáá ti yála.


Nungáitii kpɛ́lɛɛ tí ngélei sí wú tiyá lɔ́ɔ vá súwai sí hɛ́lima kɛ léi sítii ti laahéingi vɔ́nɛngɔ kúnafɔ lɛ́ɛ́h̃u gɔlɔí h̃u p̃ɛ́ɛ́ Ngalá ngɔ́ɔ́ ɣɛ́a ngelewuí sí bátɛ. Ná wáá ngáá, kɔlɔí sí í Mbáálai sí hááw̃a tí pááni wɔ́lɔ.


Nduulí ááyaa gúla ngɔmbu hóngi sí yá ngáá áá ɣɛ́a nungáitii maanɔw̃ɔ́ kúnafɔ taa ngí ndá gúnafɔ ɛi víla. Sítii kínɛi taa ngakpa súwai sí hɛ́li ɛ́ɣɛ kɔɔ kɔɔ ŋániitii, ná vólu, tí ngí lókovongi vú ti w̃a, kúnafɔ w̃áánɔw̃ɔi sí taa híya su foló ɛ́ɣɛ kpindí, ndɛɛlɛmbó ngɛi ɣɛ́ su.”


Kɛ malékai hawa kélei i vaa ná félengɔitii ti ɣɛ́i náa lɔveí íwaa ndé woo wála h̃ú, áá ɣɛ́ ta, “Nuí fíli áá hésendaa yákpa súwai sí hɛ́li ɔɔ i tokovongí w̃ááhɔlɔ lavála ɔɔ loko w̃a, ɛ́ɣɛ í kɔɔ kɔɔ ŋániitii fɛli tí kpátɛngɔ,


Kɛ ngí ŋáni lɔ́a kulangɔ́ ngáá yívo kpatɛngɔ́ ngáá mɛl̃ɛ mɛl̃ɛí supungɔ́ ngáá ngɔmbuí. Nungáitii ti ɣɛ́i lóóni yívoi sí béla mbakaí Ngala ngí féni ti yaa, í tí yaá. Nungái nátii tɔ ti hómboi hésendaa yakpa suwaí sí w̃á ɛ́ɣɛ kɔɔ kɔɔ́ ŋáni tí kpátɛi kulangɔ́ la aáva taa tokovongí yéɣeni í ngáá nɔ́mbai áá ló ndaahéingi hááw̃a.


Kɛ ngí ỹína nyɔu sáángɔ lɔ́nga ti gúlangɔ ngáá ndohóa. Ngiláángi gulaí kaalii lá, pekaí í gúla ngakpa súwai yiláángi lá, sawa kélei í gúla ndɛɛ yála ndaa háá lé mɔ́i la.


Kɛ sí í ɣɛ́i hésendaa w̃alékai ndá váningi h̃u i púa ngélewu. Nduwu w̃aa heebɛ́ ỹɔ́u ỹɔungí áá ɣɛ́ ngáá pala lééle áá báálɛ ngwala, i gulaní sítii kpɛ́lɛɛ má ngakpa súwai lókovongi í ɣɛ́i ti w̃á ɛ́ɣɛ sítii kpɛ́lɛɛ ti ɣɛ́i taa kɔɔ kɔɔ́ ŋáni sí hɛ́li í ngáá ngakpa súwai sí ɣɛ́ kíli.


Kúnafɔ lámbo fo ngɛi mɔ́ɔ hólo taí ná h̃u. Kúnafɔ nyah̃á wɔ́li kóóh̃unɛɛ ɛi mɔ́ɔ wo na. Naa yáwo w̃aahíya mbélaitii tɔ tí ɣɛ́ngɔ ngáá ngakpa mbélaitii ngélewu. Taí sí h̃u húkɛ gulandái i nungáá kpɛ́lɛɛ ngákpolowanga ngélewu.”


Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.


Wálaa lúwa máanɔw̃ɔ fíli mbá wáá vá ngéɣema. A bɛlɛ́ ngí sí lé wú w̃a, Ngutuwɔ́ Ỹína Nyɔí lɔ́ɔ vá kɛ́ma ngáá háwu ti wú lɛ́ingaa víli kpindi vɛlɛ́ wú ngáá wú h̃úú í gɔ́vɔ, wáá ɣɛ́ maa bíndi vɛ́lɛi ná wú foló púúngɔ laa lówah̃u. A wáá vólu yáfe mbá, bele pá aa gula ngáá faa tá ngáá wú wú ngáá ló su, ngáá wú w̃ááỹaa fe ngáá kúnafɔ lɛ́ɛ́h̃ui.


Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.


Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.


Lean sinn:

Sanasan


Sanasan