FAA YÁKƐ KƆ́LƆI 13:1 - Kɛ́lɛ Niinaí

¹ Kɛ ngí ngákpa súwa wala yilá tɔ́a áa gúla yívoi wú. Ngungí i ngá wɔféla, ndowói i ngu mbá púu. Masa mbɔ́ɔ́lɔi i ndowó púúngɔi nátii ma ngáá ngiláá ngílaa p̃ɛ́ɛ́. Tɛɣɛsu lááheingaitii kɔwɔ́ato Ngalá mbá, pɔnɛngɔ́ ngungí nátii ma ngáá ngiláá ngílaa.

FAA YÁKƐ KƆ́LƆI 13:1 Iomraidhean Croise

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 13:11

Kɛ ngí mɔ́ɔ ngakpa súwai hele kélei lɔ́nga í gúla ndɔwɔlɔ́i wu. Ndowói i ngu mba féle kíya nɔ́ɔ mbaala lowó í na. Kɛ́ ngoi i ɣɛi gulaní nɔ́ɔ ngáá kaalii woó.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 13:15

Ngala ngí béni ngakpa súwai hele kélei sí wá ngáá í ndɛɛh̃u vú kɔɔ kɔ́ɔ́ ŋáni sí h̃u tí kpátɛi kulangɔ́ ngáá hésendaa yakpa súwai kɛinɔɔ́ i hómbo í bɔ́ɔ́lɔ ɛ́ɣɛ í sítii páa tɛ́i ɣɛ́ kɛ́i tɔ́ɔ fɛli ngáá ti yála.

FAA YÁKƐ KƆ́LƆI 15:2

Kɛ ngí ŋáni lɔ́a kulangɔ́ ngáá yívo kpatɛngɔ́ ngáá mɛl̃ɛ mɛl̃ɛí supungɔ́ ngáá ngɔmbuí. Nungáitii ti ɣɛ́i lóóni yívoi sí béla mbakaí Ngala ngí féni ti yaa, í tí yaá. Nungái nátii tɔ ti hómboi hésendaa yakpa suwaí sí w̃á ɛ́ɣɛ kɔɔ kɔɔ́ ŋáni tí kpátɛi kulangɔ́ la aáva taa tokovongí yéɣeni í ngáá nɔ́mbai áá ló ndaahéingi hááw̃a.

FAA YÁKƐ KƆ́LƆI 16:13

Kɛ ngí ỹína nyɔu sáángɔ lɔ́nga ti gúlangɔ ngáá ndohóa. Ngiláángi gulaí kaalii lá, pekaí í gúla ngakpa súwai yiláángi lá, sawa kélei í gúla ndɛɛ yála ndaa háá lé mɔ́i la.

FAA YÁKƐ KƆ́LƆI 17:16

Ndowó púúngɔitii yí tɔ́ngɔ ɛ́ɣɛ ngakpa súwai tiyá lɔ́ɔ vá hilíma ngáá kɔlɔsiyá mɔ́ɔ́ walaí sí, ti ngeyá ỹááka kpɛ́lɛɛ kúla ngeyá, tí maaỹaaká ló. Tiyá lɔ́ɔ nduwú yói ỹɛ ma ti mɔ́ɔ́ mɔ́ ngɔmbuí ya.

FAA YÁKƐ KƆ́LƆI 17:3

Hɛ́ɛ́ma Ỹínangi i vuí sú, malékai í lí ngáá ngé ngaalái h̃u. Ngí nyah̃á yílaa tɔ́i na i héini ngakpa súwa biỹangí sí gɔ́ma ngungí i nga wɔféla, ndowói í mba púu. Tɛɣɛsu lááheingaitii kɔwɔ́ato Ngala mba pɔnɛngɔ́ i ɣɛi lá suwaí sí w̃á hááli hááli.

FAA YÁKƐ KƆ́LƆI 17:5

Ndaahéi pɔ́nɛngɔ i ɣɛi lá nyah̃ápoi sí lávala, nuu áá ɣɛ́i mbuuwɔlɔ́ ná wáá ngáá, “Babél̃ɔ laa walaí, lɛ́i ngi hái gúlangɔ ngáá nyah̃ái áá ɣɛ́ ngáá kɔlɔsiyá mbélaitii kpɛ́lɛɛ ti njéé lɛ́i í ngáá njɔlɔ háitii kpɛ́lɛɛ ngungi ngélewu.”

FAA YÁKƐ KƆ́LƆI 19:19

Kɛ ngí hésendaa yakpa súwai lɔ́a ɛ́ɣɛ ngeleí sí wu w̃ása ngwala waláitii taa ti hóyaitii. Tí yátɛni mba ngáá tí lápi ngáá nuí sí i ɣɛ́i soí gɔ́ma taa ngí ndá hóyaitii.