FAA YÁKƐ KƆ́LƆI 12:9 - Kɛ́lɛ Niinaí

⁹ Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 12:9 Iomraidhean Croise

MÁFIYU 13:39

Ná vólu, kpaala la mɔ́i waahílima w̃ɔ́i í lííni í tufa gbáámangi híni wííti húwu vándai liiwáá, aá wáa Ngutuwɔ́ Ỹína Nyɔí. Wííti léve sɔ́wɔi vá mbaa ngáá, ngetéyangi sí yakɛ́ɛ́lɛmai. Wííti léve mbélaitii pa mbaa ngáá Ngalángi w̃álekaitii.

MÁFIYU 24:24

Sífaa nungáá tiyá lɔɔ vá vááma, táá nde ngáá tiyá lɔ ti ngáá Ngalángi Lókolo Mbá W̃ɔ́i. Ti lɛ́ingaa táá nde ngáá tiyá lɔ ti ngáá Ngalá ndaa háá lé mbélaa. Kɛ́ ta fíli ɛi ɣɛ ngáá tɔɔỹaá. Aáva taá ɣɛ́ taa káámaa haa ɣɛ ɛ́ɣɛ kíndaa vilí fáa kɛinɔɔ́ ná wɔ́lii ɔ́ɔ́ ɣɛ ngáá solowo fáá ti yaá, ti sítii ngakpólowa Ngalá ngí lokolongá ti wa ngáá ngi vóngaa.

MÁFIYU 25:41

Kɛ́ aa ɣɛ sítii ma tí kɔvɔ h̃u vélei, ‘Wɛ́i Ngalángi vélengi í wú wá, a hiɣe ngááh̃u wú lí kúnafɔ wɔ́mbui h̃u, sí kɛ kíli batɛngɔ́i Ngutuwɔ́ Ỹína Nyɔí haaw̃a taá polu yeláitii,

MÁFIYU 4:1

Kɛ Hɛ́ɛ́ma Ỹínangi i vaa í peleí ɣɛ́ ngáá Jísu, Jísu í lí ngaalaí h̃u kɛinɔɔ́ Ngutuwɔ́ Ỹína Nyɔí í suugɔvɔ́ ngáá í faa ỹɔ́u ɣɛ.

MÁFIYU 4:10

Kɛ́ Jísu i ngoo yápotei, i ɣɛ ma, “Setána, léve pólu! Pɔnɛngɔ́ɔ́ lé Ngalá Kɔ́lɔi h̃u ngáá sí, í ɣɛ́ngɔ ta, ‘Ndemɔí hɛ́li lɛ́i í ngáá í Yálangi aáva í ɣɛ́ nɔ́ɔ ngáá ngilangɔ́ kpé yáá fɛ́li.’ ”

MÁFIYU 4:5

Ná vólu, Ngutuwɔ́ Ỹína Nyɔí i kɛní ngáá háwu taa Jísu tí lí hɛ́ɛ́ma láa wálai h̃u Jɛlúsɛl̃ɛ, í mɔ́ɔ́ kɛ ngáá háwu tí lɛ́ Hɛ́ɛ́ma Yála Pɛ́lɛi wútevesui,

MÁFIYU 4:8

Ngutuwɔ́ Ỹína Nyɔí i mɔ́ɔ kɛní ngáá háwu taa Jísu tí lɛ́ ngihénga kooh̃ángɔ wála w̃aah̃u, í ndɔwɔlɔ́itii kpɛ́lɛɛ súú ɣɛ lá ngeleí sí wu ɛ́ɣɛ kindaa vilí kpátɛitii tí su,

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:18

Kɛ Jísu i ti woo yápotenga, i ɣɛ ti w̃a, “Ngí Setána lɔngɔ́ í híɣe ngelegóóh̃u, í gúla ndɔwɔlɔ́i wa kíya nɔ́ɔ ngele míỹa miỹa ngí na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:16

Kɛ́ nyah̃ápoi sí i ngáá Lébilah̃au laala lou, lɛ́i Setána í ngilingɔ́ ngáá seebɛ fowó púúngɔ maah̃úú ngwáhakpangɔ háaw̃a, kɛ aa pele w̃a Ndɛɛlɛmbó Ngála Fɛli Fóloi w̃a ngɔ́ɔ́ máahaalo sí yáa í ɣɛ́ngɔ ngiliní?”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:3

Kɛ Setána i vungá Júdɔ lií h̃u lɛ́i ndaahéi pékai í ɣɛ́i ngáá Ɛsikɛ́liyɔ aáva i ɣɛi ngáá Jísu volú yélaa púúngɔ maah̃úú félengɔitii ti tá yílaa.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 22:31

Kɛ Jísu i ɣɛa mɔ́ɔ Pítɛ w̃a, “Sáimɔ! Setána i wú h̃úúhɛlinga Ngalá ma ngáá í wú h̃úúgɔvɔ. Aá lɔ va wú h̃úúyafɛma kíya nɔ́ɔ taa wíítii yafɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:12

Hakpá súwui sítii pa ti gúlani pele gaalɛ́i w̃a, ti gulangɔ́ɔ́ lé ngáá nungái sítii kɛ kíli taá Ngalá ndaa wói ỹɛ́ni, kɛ́ Ngutuwɔ́ Ỹína Nyɔí aa va í kulá ti gi má kɛinɔɔ́ tɔ́ɔ́ va lá la, ti wú maa ɔ́ɔ́ wó ti háá ỹɔítii su.

NJƆÚ 12:31

Kɛ i mɔɔ ndengá, i ɣɛ ta, “Ngeléi sí wúu gɔsɔ́ndai lɔ náá í fóloa ma. Ngeleí sí wúu w̃ása ngwalaí va, Ngalá tɔ́ɔ vá kpɛ́ma ngeleí sí wu.

NJƆÚ 14:30

A mɔí mɔ́ɔ́ yɛpɛ maa wúyeni suu ɔ́ɔ́ ɣɛ́ gooh̃á bɔw̃álale ngeleí sí wuu w̃ása ngwalaí aá tɔ́ áá va. Ngi yákpa fíli aa mááh̃u,

NJƆÚ 16:11

Aá lɔ́ áá vá kɛ́ma ngáá ti ye ngáá kɛ ti gísiyaitii táa péle w̃a kɔwɔ́ato Ngalángi gɔ́sɔngi wa bɔw̃álale Ngalá ngí ngeleí sí wúu w̃ásangi gɔ́sɔnga kílii ngáá aa veléi.

NJƆÚ 8:44

Wá lɔ wú kɛ́ɛ́ɣɛ ndá gákai w̃a lɛ́i í ngáá Ngutuwɔ́ Ỹína Nyɔí, laáva wú lóngɔɔ lé wú híya ngáá ndiivó fái. I séi tɔkula heimai, aa lɔ wɔ́lɔ kélei ngáá nuu váá mɔ́ɔ́. Aa loni tɔɔỹaá vele w̃a sífaa tɔɔỹaá fíli aa laá su. Ná áá ndɛí gɔ́ɔ́la kɛ i bɔwɔ́ híí woí kái káingi lénga sífaa aá lɔ ngáá ndɛɛ w̃ɔ́ɔ́, laá vá tɔ í ngáá kɛɛɣɛí ndɛí kpɛ́lɛɛ fááw̃a.

TI GƐ́Ɛ́ HAÍTII 26:18

yí kɛ ngáá háwu ti yaah̃ú w̃áá í wó, ti vólu yáfe sítii mba ti gúlangɔ ngáá kpindí h̃ú háa, ti vóte sítii mba ti ngáá faí sítii ti w̃áá áá ɣɛ́ kpál̃au. Ná vólu, tí gúla Setána yákpangi wu, ti ɣɛ́ Ngalángi yákpangi wu, ná vólu, ti lángi w̃aa véle w̃a tí su ngáá ngé, ti ɣɛ́ sítii ndiiwáá Ngalá ngi ti ɣɛ kíli batɛngá bɔwɔ́ hááw̃a ɛ́ɣɛ ti háá ỹɔítii suuhaa í ló.’ ”

TI GƐ́Ɛ́ HAÍTII 5:3

Kɛ Pítɛ í mɔ́ɔ́ninga, i ɣɛ ma, “Ananáya, ndeénii le Setána í í líi h̃uulaahénga yí ndɛɛ gɔ́ɔ́la Hɛ́ɛ́ma Ỹínangi yáa, yí kaníngi ta gúlanga mba yí maahɔ́lɔngɔ í lɔ́wɔlɔi hááw̃a?

LÓÓMI 16:18

sífaa taá yéngema Ndemɔí Jísu Kílisitii hááw̃a, aá ɣéle ti bɛɣéngɔɔ lé nɔ́ɔ ngáá ti laaỹɛ́ɛ́ni haa. Taá woo nɛ́ɛ́ nɛɛ nda sítii mbu tɛ́i ɣɛ́ faa wɔ́lɔ ngwala kɔwɔ́ato nyaama háá wa, tí tí yakpólowa.

LÓÓMI 16:20

Ná vá kɛngɔ́ Ngalá lɛ́i áá kɛ́ ngáá háwu mú ndííhei w̃aahɔ́lɔ aá lɔ́ɔ vá Setána ɣɛ kíli ỹaani má h̃úmbuwa í ɣɛ́ ngáá wú gɔ́wɔ wú wɔ́li kɛ kíli. Bɛlɛ́ a mu Lemɔ́i Jísu háá bɔ́wɔi í ɣɛ́ wú yɛ.

KƆ́L̃E GƆ́LƆI HELE KÉLEI 11:14

Laáva sí áa ngáá kindaa vilí fáa, sífaa, Setána ɣele tɔ aa bɔwɔ́ gúla ngáá maléka w̃aanɛ́ɛ́ngɔ ɣɛ kíli áá hólo.

KƆ́L̃E GƆ́LƆI HELE KÉLEI 11:3

Kɛ́ nyá lɔ́ lúwa ngáá sí í ɣɛ́i ngáa Ádau ỹah̃a Íífi ɔ́ɔ́ ɣɛ́ ngáá wú ye. Ná wáá ngáá kíya kaalií í Ádau ỹah̃aí Íífi yakpólowani ngáá ndɛɛ géle ɣélengi ná í fáa ỹɔ́u ɣɛ́i, ngimɔ́ɔ́ nɔ́ɔ tɛ́ingaa h̃u tíwaa vá wú yákpolowama ngáá wɔ́i mɔ́ɔ́ bɔwɔ́ gúla fó fóndei kɛ́lɛma Kílisitii yɛ́.

KƆ́L̃E GƆ́LƆI HELE KÉLEI 12:7

Ngalá ngí kɛí ngáá háwu nduwu ya fuulɛ́ wála í ɣɛ́ ndúwu h̃ú kɛinɔɔ́ ngálaa bakí tówa ngáá suuwɔɔlɔ́ kindaa vilí fáá wala walaí sítii fááw̃a ngí súúlɔngɔ. Aáva nduwu ya fuulɛ́i sí va kulangɔ́ɔ́ lé ngáá Setána bɔílopo ndéve fááw̃a kɛinɔɔ́ súú ɔ́ɔ́ vá ɣɛ́ wɔ́ɔ́lɔ.

KƆ́L̃E GƆ́LƆI HELE KÉLEI 2:11

kɛinɔɔ́ Setána álaa ɣɛ́ mu w̃áá velé la, sífaa a mú ngi háá h̃uubatɛngítii kɔlɔ́.

KƆ́L̃E GƆ́LƆI HELE KÉLEI 4:4

Taá laí ngáá Ngala kééla woí sífaa, Setána lɛ́i í ngáá ngalángi ngeleí sí wu, i ti gi máitii ndaavɛ́lɛnga. I kɛ́a ngáá háwu keela woó vándai lɛ́i kulangɔ́ ngáá lámbo kɛ kíli áá hólo ti w̃a, taá tɔmá. Keela wói sí lɔ na kɔwɔ́ato Kílisitii yákpa maanɛɛnɛɛ ngwalaí wa lɛ́i í ngáá kíya nɔ́ɔ jɔ́ Ngalá ngí na.

Ɛ́FƐSƆ 4:14

A mɔ́i mɔ́ɔ ɣɛ ngáá ndopóa sítii ngeyá taá núngaa yakpólowa ngáá ndɛɛ gálambo mbondáitii táa núngaa wúnga póte voté la.

TƐSALÓNIKA GƆ́LƆI HELE KÉLEI 2:3

Kɛ́ wálaa kɛ nuu fíli ɔ́ɔ́ wú yákpolowa péle fíli su, sífaa, Ndemɔí aa nɛɛ vaamá kɛ sítii táá vá ngapúmaa lo ndáá wuí gúlama ngáá Ngala tí kɛ. Ná vólu, nyaama ỹáni walaí sí lɛ́i suubátɛngɔ náa ngáá aá lɔɔ lí njahááma aa vá náa.

TÍMOTI HESENDAA GƆLƆÍ 2:14

Aáva Ádau aa ɣɛi lá Setána ɔ́ɔ́ ngakpólowa kɛ́ nyah̃ái lɔ Setána í ngakpólowai, í Ngalángi hávai ỹááni.

TÍMOTI GƆ́LƆI HELE KÉLEI 3:13

Kɛ́ faa ỹɔ́u yélaitii ɛ́ɣɛ sítii ti ngáá ndɛɛ yélaitii tiyɛ́i taa bɔwɔ́ yéɣe ngáá nuu vándaa, ti háá ỹɔu ɣɛndáitii nga tɔ́ɔ́ ɣɛ́ nɔ́ɔ áá ɣɛ wɔ́ɔ́lɔ pól̃ou. Taá ɣɛ taá núngai ngakpólowa tiyá bɛ́lɛ tí yakpólowangɔ.

HÍBULU 2:14

Sífaa, nduwú lɔ́ ndengái sítii ma, ŋaaw̃ɔ í tí h̃u, ná lɔ́ í kɛ́i Ngala ngí Jísu bɛ́lɛ kpátɛni ngáá ti ɣɛ́ kíli ngáá kɛinɔɔ́ saí w̃áá véle w̃a í ɣɛ́i áá vá mbó má í Ngutuwɔ́ Ỹína Nyɔí ɣɛ́ kíli ỹááni lɛ́i ngákpa ngí ngéya sái w̃ááh̃u.

PÍTƐ HESENDAA GƆLƆÍ 5:8

A w̃aah̃ú béle wú ɣɛ́ wáá wɔ́lɛ w̃a, wú wááhilima w̃ɔ́i Ngutuwɔ́ Ỹína Nyɔí aá lɔ nɔ́ɔ áá lɔ́ve tɔvé váá kíya njala í na, áá nuu wɔ́li ngáá í maa w̃ɔ́i ɣɛ kíli ỹaaní Ngala fái h̃u.

NJƆÚ HESENDAA GƆLƆÍ 5:19

A mú súúwɔlɔ ngáá muỹá lɔ́ ngáá Ngalángi ndá núngaa aáva mu súúwɔlɔ ngáá nungáá vékaitii kpɛ́lɛɛ tí ngeleí sí wu tiyá lɔ́ Nyaama W̃ɔ́i wu.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:9

Ngutuwɔ́ w̃álekai ná ɣéle tɔ taa ɣɛ́ ma Maikɔ aa ngoo ỹɔ́u ỹɔ́u ndení Ngutuwɔ́ Ỹína Nyɔí w̃a ná táa láa ti ɣɛ́i taá laahasa Muusé vuw̃aí hááw̃a. Sí nɔ́ɔ́ léikei í ndéni ma, i ɣɛi ngáá sí í ɣɛ́i ma, “Ndemɔí Ngala ngáá faa bá ndá í w̃a!”

FAA YÁKƐ KƆ́LƆI 12:12

Faale, wɛ́i kínɛi wú ngelegóóh̃u, a gooh̃unɛ́ɛ́. Kɛ́ suu wála lɔ́ɔ vá ɣɛmá ỹɔ́u wú w̃á ngwála wɛ́i wú mbéi ngélei sí wú ɛ́ɣɛ njɛ́ wú, bɔw̃álale, Ngutuwɔ́ Ỹína Nyɔí i yeingá wú w̃a. I kɔ́lɔ ngáá kɛ ngi gúi h̃úu áá mɔ́ɔ gooh̃á, náá hááw̃a, ndiiyáw̃al̃angɔɔ lé ngwála.”

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 12:7

Kɛ ngutuwɔ́ w̃álekai sí taa ɣɛ́ ma Maikɔ, taa ngí w̃álekaitii tí kɔ́ɔ́ vɛ́lɛa kaalii sí wá, kɛ laá bɛ́lɛ nɔ́ taa ngí w̃álekaitii tí ndáá hóunga.

FAA YÁKƐ KƆ́LƆI 12:8

Kɛ́ kɔí i kaaliini ngaa ngí w̃álekaitii kúlani. Náá hááw̃a, taa mɔ́ɔ loi ngelegóóh̃u.

FAA YÁKƐ KƆ́LƆI 13:14

I nungáitii kpɛ́lɛɛ ngákpolowani ngélei sí wú ngáá káámaa háitii Ngala ngí béni mba í ɣɛ́i áá tí ɣɛ́ hésendaa yakpa súwai yááh̃u w̃a. Ngakpa súwai hele kélei sí i ndéni náa nungáitii kpɛ́lɛɛ má ngáá tí kɔ́ɔ́ kɔɔ ŋáni bátɛ kulangɔ́ ngáá hésendaa huwaí sí ɣɛ́ kíli ngi wúfemai hááw̃a lɛ́i mbowa hɔ́kpɔi í ɣɛ́i ỹanda héini mba kɛ́ aa mɔ́ɔ ɣɛi haaní.

FAA YÁKƐ KƆ́LƆI 16:14

Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 18:2

I woo gúlani, i ɣɛ ta, “I wolóa bú. Taa walaí sí taa tolí ngáá Babél̃ɔ i wolóa bú. I ɣɛa ngáá ỹína nyɔ́u ỹɔungáitii tí láá h̃u. Ngafuw̃angái ɛ́ɣɛ w̃ɔní ỹɔú ỹɔ́ungaitii tééle lɔ tí ná.

FAA YÁKƐ KƆ́LƆI 18:23

Kúnafɔ lámbo fo ngɛi mɔ́ɔ hólo taí ná h̃u. Kúnafɔ nyah̃á wɔ́li kóóh̃unɛɛ ɛi mɔ́ɔ wo na. Naa yáwo w̃aahíya mbélaitii tɔ tí ɣɛ́ngɔ ngáá ngakpa mbélaitii ngélewu. Taí sí h̃u húkɛ gulandái i nungáá kpɛ́lɛɛ ngákpolowanga ngélewu.”

FAA YÁKƐ KƆ́LƆI 19:20

Ngakpa súwai sí ɛ́ɣɛ ndɛɛ yála ndaa háá lé mɔ́i sí i káámaa haa bih̃íw̃aa ɣɛ́ni ngakpa súwai yɛ, tí tí hóuni ngáá pelésina. Káámaa hái sítii ndɛɛ yála ndaa haá lé mɔ́i í kɛ́ni, aá lɔ́ í nungáitii ngakpólowani lá ngáá tí ngakpa súwai sí lókovongi vú w̃a. Aá lɔ́ nɔ́ɔ múl̃ɔ í kɛ́i tí pɛ́lɛ kɔɔ kɔɔ́ ŋáni hɛ́li má ti kpátɛi kulangɔ́ ngáá ngakpa súwai sí. Ngakpa súwai sí ɛ́ɣɛ ndɛɛ yála ndaa háá lé mɔ́i ndɛɛh̃ú í lói tí h̃u tí tí víli ngɔmbu hó ngwálai ya ngɛi w̃ááku nyɔ́u ỹɔ́ungi ná áá w̃ɔ́ ngwala kíya fukú í na í su.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:24

Kɛ́ wɛ́i kínɛi wú Tayatálɔ taa h̃u, wáá kɛ́ngɔ wɔ́ɔ́ hítɛ ti gálambo ỹɔ́u ỹɔungí vólu, wáá nɛ́ɛ́ kɔ́lɔ sí pekáitii taá tolí ngáá Setána lɔwuh̃u háá bikpíngi. Nyáá ngáá ndé wú w̃á ngáá kɛ ngáá mɔ́ɔ́ wú vílima faa véka fíli su kɛ fááw̃a.

FAA YÁKƐ KƆ́LƆI 2:9

Ngí wú w̃áánɔw̃ɔitii suuwɔlɔ́. Ngí súúwɔlɔ ngáá kɛ wú ỹááningɔɔ lé. Kɛ́ ngí kítei lé wú w̃á, wú bátɛngɔɔ lé! Faa ỹɔ́i sí kínɛi sítii taá bɔ́wɔ gúla ngáá Júsua kɛ́ táa ngáá Júsua tí ndéngɔ wú hááw̃a, ngí súúwɔlɔ. Tiyá lɔ́ ngáá Setána hitɛ polú yelaa!

FAA YÁKƐ KƆ́LƆI 20:10

Ngutuwɔ́ Ỹína Nyɔí, lɛ́i í tí yakpólowani tí pílii ngɔmbuí sí ya ngɛ́i w̃ááku nyɔ́u ỹɔ́ungi áá w̃ɔ ngwála kíya fukú í na í sú mbéi tí ɣɛ́i naa ngakpa súwai ɛ́ɣɛ ndɛɛ yála ndaa háá lé mɔ́i vílii náá ná kílii. Naa lɔ́ taá maanɔ́w̃ɔ wálai yéɣe ná fólo ɛ́ɣɛ kpíndi kúnafɔ fááw̃a.

FAA YÁKƐ KƆ́LƆI 20:8

Ndɔwɔlɔ́i sítii pa taa ti lolí ngáá Gó ɛ́ɣɛ Mágo, maa yélaitii tiyɛ́i ti bih̃íngɔ kíya nɔ́ɔ kaha í ná tí vahá fáhangɔ ngélei sí wu, Setána lɔɔ vá tí yakpólowama í vá ngáá ti ye kɔɔ wɔ́mai

FAA YÁKƐ KƆ́LƆI 3:9

A wolílo! Sítii tí ngáá Setána hitɛ polú yeláitii ngáá ndɛɛ yélai nátii, tíwaa ɣɛ́ ta tiyá lɔ́ ngáá Júsua, kɛ́ aa ngáá tɔɔỹáa, nyá lɔ́ɔ vá kɛ́ma tí vá tí lá wú gɔ́wɔ wú. Tí kpɛ́lɛɛ táa ɣɛ́ náá súúwɔlɔ ngáá kɛ ndóngɔɔ lé ngáá wú ye.

FAA YÁKƐ KƆ́LƆI 9:1

Kɛ malékai lɔɔlú kélei i ngi ndá búlui hɛ́nga. Ná í ná ɣɛ́ni, ngí temúleɣai lɔ́i í gúla ngeleí yá í h̃úndɛ ngeleí sí wú, ndowá wálai sí kpu ngáá mba maa gíí héngɔ i ɣɛi lá ngeyá.

FAA YÁKƐ KƆ́LƆI 9:20

Nuu búsa w̃átaitii kínɛi taa hááni faa bámai sítii su, taa vólu yáfeni tí yaa háitii mba. Taa béni ỹína nyɔu ỹɔungáitii fɛlindái wa ɛ́ɣɛ kɔɔ kɔɔ ŋániitii tɔ́ɔ́ kpatɛ ngáá góóli tɔ́ɔ ti yeɣé ngáá ngalángaa, kɔlu woléngi, báhi kɔ́lu, kɔtúi ɛ́ɣɛ ngulúi tiyɛ́i tɛ́i ỹanda lɔ, tɛ́i faá ỹɛ́ni kɛlaa tɔɔ́ híya.