FAA YÁKƐ KƆ́LƆI 12:3 - Kɛ́lɛ Niinaí

³ Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 12:3 Iomraidhean Croise

FAA YÁKƐ KƆ́LƆI 12:1

Kɛ káámaa haa wala i ɣɛ́a ngeleí yá. Nyah̃ápoi i ɣɛi ngeleí yá, folói i ma ngáá kulaí, ngálungi i kɔwɔ́i wu. Masa mbɔ́ɔ́lɔi i ngu mba ngáá kpahái temúleɣaitii ti vɛ́lɛi mba púú maah̃úú féle.

FAA YÁKƐ KƆ́LƆI 12:13

Ná kaalii í ngátɔi ngáá kɛ tí kpɛ́a ngelegóóh̃u tí njéi ngélewu, i toí náa nyah̃ápoi sí wá í ɣɛ́i siỹɛndóu loí léni ngáá í sóu.

FAA YÁKƐ KƆ́LƆI 12:17

Kaalii liiyáw̃al̃angɔ i ɣɛi náá lá nyah̃ápoi w̃á ngwala, náá hááw̃a, i hiɣeí naá nyah̃ápoi vólu ngáá í lí í lápi ngáá ngí léngaitii taa ngí láála lengáitii, ná wáá ngáá, sítii táa híya ngáá Ngalá saváitii ɛ́ɣɛ ti langɔ ngáá tɔɔỹaá gálambongi Jísu í mbóni.

FAA YÁKƐ KƆ́LƆI 12:4

Temúleɣaitii kínɛi ti ngélei yá, ná tɔ́ɔ wɔ́lɛ sú sáwa ɔ́ɔ́ seiw̃aá yílaangi ná kpɛ́lɛɛ kpó kpói ngáá wóngi í pú ngélewu. Kaalíi sí i ɣɛi lóóni nyah̃ápoi sí gakála ngáá í ngí lói ỹɛ́ ná nɔ́ɔ́ léi ɔ́ɔ́ ndoí le.

FAA YÁKƐ KƆ́LƆI 12:7

Kɛ ngutuwɔ́ w̃álekai sí taa ɣɛ́ ma Maikɔ, taa ngí w̃álekaitii tí kɔ́ɔ́ vɛ́lɛa kaalii sí wá, kɛ laá bɛ́lɛ nɔ́ taa ngí w̃álekaitii tí ndáá hóunga.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:1

Kɛ ngí ngákpa súwa wala yilá tɔ́a áa gúla yívoi wú. Ngungí i ngá wɔféla, ndowói i ngu mbá púu. Masa mbɔ́ɔ́lɔi i ndowó púúngɔi nátii ma ngáá ngiláá ngílaa p̃ɛ́ɛ́. Tɛɣɛsu lááheingaitii kɔwɔ́ato Ngalá mbá, pɔnɛngɔ́ ngungí nátii ma ngáá ngiláá ngílaa.

FAA YÁKƐ KƆ́LƆI 13:2

Ngakpá súwai sí ngí tɔ́ni, kulangɔ́ i ɣɛi lá ngáá kɔlíi. Kɔwɔ́i gúlangɔ ngáá ngakpá súwai sí táa tolí ngáá bíyai. Ndaí gúlangɔ ngáá kíya njalai lai í na. Ngakpa súwai sí i ngakpá ɛ́ɣɛ masandáá w̃ááhɔlɔni kaali wálai sí yáa.

FAA YÁKƐ KƆ́LƆI 13:4

Nungáitii ti ɣɛi náa táa kaalii hɛ́li ngáá tí yála bɔw̃álale i ngakpa ngwála héni ngakpa súwai sí yáá. Ti ɣɛ́i mɔ́ɔ taa ngakpa súwai sí hɛ́li, tíwaa ɣɛ́ ta, “Nuu fíli aa na kulangɔ́ ɔ́ɔ́ ɣɛ́ lá ngáá ngakpa súwai sí. Nuu fíli aa na ɔ́ɔ́ hómbo ɔ́ɔ́ lápi lá.”

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 16:13

Kɛ ngí ỹína nyɔu sáángɔ lɔ́nga ti gúlangɔ ngáá ndohóa. Ngiláángi gulaí kaalii lá, pekaí í gúla ngakpa súwai yiláángi lá, sawa kélei í gúla ndɛɛ yála ndaa háá lé mɔ́i la.

FAA YÁKƐ KƆ́LƆI 17:12

Ndowo púúngɔitii yí tí lɔngɔ́, tiyá lɔ́ ti lói ndɔwɔlɔ w̃ása ngwala waláitii fááw̃a kɛ́ taa nɛ́ɛ́ masandái lɔkúla héini. Tiyá lɔ́ vá ngakpá sɔ́lɔma ti ɣɛ́ ngáá ndɔwɔlɔ w̃ása ngwala wala í báha ngakpa súwai sí wá háwa yiláá ndáá lówah̃u.

FAA YÁKƐ KƆ́LƆI 17:16

Ndowó púúngɔitii yí tɔ́ngɔ ɛ́ɣɛ ngakpa súwai tiyá lɔ́ɔ vá hilíma ngáá kɔlɔsiyá mɔ́ɔ́ walaí sí, ti ngeyá ỹááka kpɛ́lɛɛ kúla ngeyá, tí maaỹaaká ló. Tiyá lɔ́ɔ nduwú yói ỹɛ ma ti mɔ́ɔ́ mɔ́ ngɔmbuí ya.

FAA YÁKƐ KƆ́LƆI 17:7

Kɛ malékai i mɔ́ɔnia, i ɣɛ má, “Ndeé le í kíndaa vílingɔ? Nyá ngáá ndɔɔwu h̃u hái sí wúi ɣɛ́ ngáá í ye kɔwɔ́ato nyah̃ápoi wá ɛ́ɣɛ ngakpa súwai sí ngungi í ngá wɔféla ndowo púúngɔi í mbá áá lííla.

FAA YÁKƐ KƆ́LƆI 19:12

Ngaah̃ú gɛ́hɛi i ɣɛi áá hólo kíya nɔ́ɔ ngɔmbu hó aáva masa mbɔ́ɔ́lɔ bíh̃ingɔ i ɣɛi ngu mba. Ndaaheingí pɔnɛngɔ́ í ɣɛ́i la ma, nuu fíli aa ɣɛi kɔ́lɔ kɛ nɔ́ɔ laá bútei.

FAA YÁKƐ KƆ́LƆI 20:2

Í kaali wálai sí hóuni í ngáá wɔ́lɔ wɔ́lɔ ma gáálii lɛ́i taa ɣɛ́ ma Ngutuwɔ́ Ỹína Nyɔí ɔɔ Setána, i ngíli ngáá njɔlɔwɔ ngáá í ló ngíli h̃u fowó tásu ngiláá ndáá lówah̃u.