FAA YÁKƐ KƆ́LƆI 12:12 - Kɛ́lɛ Niinaí

¹² Faale, wɛ́i kínɛi wú ngelegóóh̃u, a gooh̃unɛ́ɛ́. Kɛ́ suu wála lɔ́ɔ vá ɣɛmá ỹɔ́u wú w̃á ngwála wɛ́i wú mbéi ngélei sí wú ɛ́ɣɛ njɛ́ wú, bɔw̃álale, Ngutuwɔ́ Ỹína Nyɔí i yeingá wú w̃a. I kɔ́lɔ ngáá kɛ ngi gúi h̃úu áá mɔ́ɔ gooh̃á, náá hááw̃a, ndiiyáw̃al̃angɔɔ lé ngwála.”

FAA YÁKƐ KƆ́LƆI 12:12 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:10

Jísu í mɔ́ɔ ɣɛ ti w̃a, “Ngí nde wú w̃á, ngimɔ́ɔ́ nɔ́ɔ jɔ́ í ná ngelegóóh̃u. Kooh̃unɛɛ wála aa ɣɛ Ngalángi w̃álekaitii ndiiwáá ná faa ỹɔ́u w̃ɔ́ɔ yiláá kéle tɔ áá volú yáfe ngi háá ỹɔítii mba.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 2:14

“Ngufema í ɣɛ́ Ngalá mbɛ́ lɛ́i i ngelegóóh̃u, ndiiheí va í ɣɛ́ ngeleí sí wu nuu búsaitiini mbɛ ndiilɛ́ingɔ ti haáw̃a.”

HÍBULU 10:37

Kíya nɔ́ɔ pɔnɛngɔ́ Ngala Kɔ́lɔi h̃u ngáá sí í ɣɛ́ngɔ ta, “Naa guló laa lówah̃u nɔ́ɔ lɛ́i kule í ma í vá, aá lɔɔ vá vaamá aáva aá lɔɔ vá h̃úmbuwa.

PÍTƐ GƆ́LƆI HELE KÉLEI 3:8

Mu mbála vandáitii, a waa lééw̃a sí w̃a. Ná áá ɣɛ́ ngáá Ndemɔí Jísu ndá hái h̃u, fowó tásu ngiláángi kulangɔ́ɔ́ lé nɔ́ɔ ngáá folo yílaa aáva folo yílaangi vá kulangɔ́ɔ́ lé nɔ́ɔ múl̃ɔ ngáá fowó tásu ngiláá.

FAA YÁKƐ KƆ́LƆI 10:6

Í kɛ́lɛ ngeɣé Ngalángi sí laahéingi h̃ú í ndɛ́ɛ́h̃u h̃ú kúnafɔ taá ngí ndá gúnafɔ, lɛ́i í ngélewu bátɛngɔ, í yívoi bátɛ ɛ́ɣɛ sítii kpɛ́lɛɛ tí na. Kɛ maa w̃álekai i ɣɛa ta, “Maa lamál̃a péka fíli ɛi mɔɔ ɣɛ su,

FAA YÁKƐ KƆ́LƆI 11:10

Nungáitii ti ngélewu, taá góóh̃unɛɛ nuu félengɔi sítii ti háá laí ná h̃u. Taá ɣɛ́ taa kóóh̃unɛɛ gúú wuya táá fembɛ wɔ́lingaa lɔve ỹɔw̃ɔ́ ỹɔ́w̃ɔ yéle. Sífaa Ngala ndáá háá lé mbéla félengɔi sítii tɔ́ ti ɣɛ́ngɔ táa faa báma walái lá ti w̃a.

FAA YÁKƐ KƆ́LƆI 11:14

Faa bámai hele kélei í vílaa ngáá la. Kɛ́ í longá ngáá sawa kélei áá vá vaáma h̃umbuwa.

FAA YÁKƐ KƆ́LƆI 12:9

Kaali wálai sí, ná wáá ngáá wɔ́lɔ wɔlɔma gáálii sí lɛ́i taa mɔ́ɔ ɣɛ́ ma Ngutuwɔ́ Ỹína Nyɔí ɔɔ Setána, lɛ́i íwaa nungáitii kpɛ́lɛɛ ngákpolowa ngélei sí wu sí h̃ui, aá p̃ɛ́ɛ́ ɛ́ɣɛ ngí w̃álekaitii kpɛ́lɛɛ, tí tí gúlani ngelegóóh̃u wá tí tí yéi mbéi ngélei sí wu.

FAA YÁKƐ KƆ́LƆI 13:6

I pɛlɛí náa Ngala ndáahei nyááni má, áá ngɛɛli ngóó le Ngalá má ɛ́ɣɛ mbéi Ngalá ngí na taa naa yélaitii.

FAA YÁKƐ KƆ́LƆI 18:20

A gooh̃unɛ́ɛ́ wɛ́i kínɛi wú ngelegóóh̃u, bɔw̃álale Babél̃ɔ i wolóa. A gooh̃unɛ́ɛ́ wɛ́i wú ngáá Ngalángi vóngaitii, ɛ́ɣɛ Ngalángi géélaitii í báha Ngalá ndáá háá lé mbélaitii mba. Faa ỹɔ́i í kɛ́ngɔ ngáá wú ye, Ngala ngí pelé lálanga aáva maa háá bamaí lɔ́ Ngalá ngáá nda ma.

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”

FAA YÁKƐ KƆ́LƆI 9:12

Ná sí áá gúla su, kɛ hésendaa haa bamaí í viláa ngáá la. Kɛ í longá ngáá faa báma félengɔ áá vá vááma.