FAA YÁKƐ KƆ́LƆI 12:11 - Kɛ́lɛ Niinaí

¹¹ Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 12:11 Iomraidhean Croise

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:26

“Nuu fíli ɛ́i va ngéle ɔ́ɔ́ ɣɛ́ ngáá pólu w̃ɔ́ɔ́ kɛ léi maa w̃ɔ́i í gísiɣe ngi kɛ́ɛ́ɣɛni ngaa ngi njéé volú, ɛ́ɣɛ ngi ỹáh̃ani ngaa ngi léngaitii, ɛ́ɣɛ ngi ndéɣeni ngaa ngi ndíyangaitii ɛ́ɣɛ ngi héélaitii. Ná vólu, í gísiɣe bɔwɔ́ lɛɛh̃úi gele tɔ polú. Kɛ́ ná láá lé, ɛi ɣɛ ngáá pólu w̃ɔ́ɔ.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 20:24

Kɛ́ ngáá lɛɛh̃úi yeɣéngɔ ngáá ŋani fíli bɔwɔ́ yaa. Sí nɔ́ɔ léi kpéɣengɔ ma, aá waa ngáá ngí ngengengí sí wu kúla Ndemɔí Jísu í fengá ngéya. Maa yéngengi waa keela woó vándai léndai kɔwɔ́ato Ngalángi háá bɔwɔí wa.”

TI GƐ́Ɛ́ HAÍTII 21:13

Kɛ Pɔ́ɔ i ni woo yápotenga, i ɣɛ ni w̃a, “Ndeé le wúwaa wɔ́lɔ, wáá ndiiỹaaní víli má? Aa nɔ́ɔ léi ngáá ngíli fááw̃a, kɛ́ mááhei wóngɔɔ lé sáá haá ɣéle tɔ ma Jɛlúsɛl̃ɛ Ndemɔí Jísu haaw̃a.”

LÓÓMI 16:20

Ná vá kɛngɔ́ Ngalá lɛ́i áá kɛ́ ngáá háwu mú ndííhei w̃aahɔ́lɔ aá lɔ́ɔ vá Setána ɣɛ kíli ỹaani má h̃úmbuwa í ɣɛ́ ngáá wú gɔ́wɔ wú wɔ́li kɛ kíli. Bɛlɛ́ a mu Lemɔ́i Jísu háá bɔ́wɔi í ɣɛ́ wú yɛ.

KƆ́L̃E HESENDAA GƆLƆÍ 15:57

Kɛ́ sɛ́ɣɛɛ gulama í ɣɛ́ Ngalá mbɛ lɛ́i í kɛ́a ngáá háwu mu ndái í ndoá ma saí w̃ááh̃u a mu Lemɔ́i Jísu Kílisitii w̃áa véle w̃a!

NJƆÚ HESENDAA GƆLƆÍ 4:4

Kɛ́ wɛ́i wú ngáá ní léngaa Ngala fái h̃u, wálaa, wá lɔ́ Ngala fááw̃a aáva sítii taá kúla ngáá tiyá lɔ́ ngáá Ngalá ndaa háá lé mbélaa kɛ́ ɛ́i ɣɛ ngáá tɔɔỹaá, wú hómbonga ti w̃a bɔw̃álale Ngalángi Hɛ́ɛ́ma Ỹínangi í wú vólu, ngakpángɔɔ lé í lɔ́ve ỹínangi sí wa í ngélei sí wuu yélaitii polu.

NJƆÚ HESENDAA GƆLƆÍ 5:5

Nuí áá hómbo í bɔ́wɔ h̃úuhou ngeleí sí wúu háá ỹɔítii ngeyá, maa w̃ɔ́i waa ngáá nuí sí ndángɔ áá ɣɛ́ lá la ngáá Jísu lɔ í ngáá Ngalángi H̃íỹɛndou Loí.

FAA YÁKƐ KƆ́LƆI 1:2

Sí kínɛi pá Njɔú í súúlɔni, í tí lení. Sí vá tɔ í ngáá konángi kɔwɔ́ato kééla woí sí wa Ngala ngí pílini, Jísu Kílisitii í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 12:17

Kaalii liiyáw̃al̃angɔ i ɣɛi náá lá nyah̃ápoi w̃á ngwala, náá hááw̃a, i hiɣeí naá nyah̃ápoi vólu ngáá í lí í lápi ngáá ngí léngaitii taa ngí láála lengáitii, ná wáá ngáá, sítii táa híya ngáá Ngalá saváitii ɛ́ɣɛ ti langɔ ngáá tɔɔỹaá gálambongi Jísu í mbóni.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 2:17

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá ndé Ngala fɛ́li mbélaitii ma! Wɛ́i wú ndái áa ndoma, ngáá wú wɔ́ ngáá ndɔwuh̃ú ỹɛ́ɛ́nii sí tá táa tolí ngáá máánai. Ngí mɔ́ɔ wú yíla ngíla kɔ́ ngáá kɔtu wólengi sí ndaahei níínai vɔ́nɛngɔ ma nuu fíli áá kɔ́lɔ kɛ nɔ́ɔ nuí síí w̃ɔ́i áá ɣɛ́ mááhɔlɔni.’ ”

FAA YÁKƐ KƆ́LƆI 2:26

Wɛ́i wú ndái áa ndoma ɛ́ɣɛ wɛ́i wú gólongɔ áá ló mbú í ló sú í fólo ngetéyangi sí yakɛ́ɛ́lɛmai, ngáá wú wɔ́ ngáá ngakpangí sí ní kɛ́ɛ́ɣɛ í féngɔ ngéya. Ngáá wú wɔ́ ngáá ngakpá ngáá wú bándi bándi héi ndɔwɔlɔítii ma wú w̃ásandai h̃u wú ti woló ngólo kíya nɔ́ɔ fɛɛtó.

FAA YÁKƐ KƆ́LƆI 2:7

Nuí faá ỹɛ́ni ngóli áá ɣɛ́ í wú mba, kɛ wolílo sí w̃á Hɛ́ɛ́ma Ỹínangi áá nde Ngala fɛ́li mbélaitii ma! Wɛ́i wú ndái áa ndoma, ngáá lúw̃ama wú lí Ngalangí bélei h̃ú wú ngulú wángi sí ta ỹɛ áá nuu wɔ́ ngáá kúnafɔ lɛ́ɛ́h̃ui.’ ”

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 3:12

Wɛ́i wú ndái áa ndoma, ngáá wú ɣɛ́ ngáá kpɛndɛ ní H̃ɛ́ɛ́ma Yála Pɛ́lɛi wú laáva wɔ́i gúla na kúnafɔ. Ngáá ní Yálangi laahéingi vɔ́nɛ wú w̃á, ngí mɔ́ɔ ngi láá niiná walaí sí taá tolí ngáá Jɛlúsɛl̃ɛ aá vá gúlama ngelegóóh̃u ndaahéingi vɔ́nɛ wú w̃á ɛ́ɣɛ ngí mɔ́ɔ ní lááhei niinái vɔ́nɛ wú w̃á.

FAA YÁKƐ KƆ́LƆI 3:21

Wɛ́i wú ndái áa ndoma, ngáá lúw̃a ma wú héi kpéla ní w̃ásandai h̃u kíya nɔ́ɔ ní ndái í ndóngɔ ma ngí héini ní Kɛ́ɛ́ɣɛ bélaa ngi w̃ásandai h̃u.

FAA YÁKƐ KƆ́LƆI 3:5

Wɛ́i wú ndái áá ndoma, wú w̃ááyilingɔ lɔ́ɔ ɣɛ́ lá kúla woléngi h̃u h̃íí na. Ngɛ́i mɔ́ɔ́ wú lááheingaitii kula kúnafɔ lɛ́ɛ́h̃u gɔlɔí h̃u. Ngáá ló ní kɛ́ɛ́ɣɛ yááh̃u taá ngi w̃álekaitii ngí ndé kpál̃au ngáá kɛ wá lɔ́ ngáá ní vóngaa.

FAA YÁKƐ KƆ́LƆI 6:9

Kɛ Mbaalaí í mɔ́ɔ́ tokovongí lɔ́ɔ́lu kélei w̃áálevenga. Ná ngí wɔ́lɛni na, sítii tí ɣɛ́i tí vááni ngí tí yáfuw̃angaitii tɔní Ngala sááɣa gúla tútui gakála. Tí tí vááni bɔw̃álale tí Ngalangí gééla woí léni aáva tí ló ma.