FAA YÁKƐ KƆ́LƆI 12:1 - Kɛ́lɛ Niinaí

¹ Kɛ káámaa haa wala i ɣɛ́a ngeleí yá. Nyah̃ápoi i ɣɛi ngeleí yá, folói i ma ngáá kulaí, ngálungi i kɔwɔ́i wu. Masa mbɔ́ɔ́lɔi i ngu mba ngáá kpahái temúleɣaitii ti vɛ́lɛi mba púú maah̃úú féle.

FAA YÁKƐ KƆ́LƆI 12:1 Iomraidhean Croise

MÁFIYU 12:38

Kɛ kaamɔítii Ngala sávai hááw̃a ti lɛ́ingaa ɛ́ɣɛ Júsuai sítii taa ɣɛ́ ti w̃a Falósiai ti lɛ́ingaa ti yɛ́pɛa Jísu yelé, ti ɣɛ́ ma, “Kaamɔ́ɔ́, ni longɔ́ɔ́ lé ní náa lɔ yí káámaa haa ɣɛ sí áá ngakɛ́ ngáá Ngalángi yákpangi lɔ í yáa.”

MÁFIYU 24:30

Ná ná áá ɣɛ́, ŋani tá aa ɣɛ ngeleí ya sí áá nuí síí w̃ɔ́i taa ɣɛ́ ma Nuu Búsa Goo H̃ú Loí váálai volú hái yakɛ́. Híítii kpɛ́lɛɛ tí ngelewu ti w̃áá áá w̃áánu. Taá Nuu Búsa Goo H̃ú Loí lɔ íwaa vá i njɛ bilíítii nga, ngakpá ngí ngeyá, ná vólu, áá hólo míl̃a mil̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:25

Temúleɣaitii ti ngélei ya táá h̃úndɛ, ngeleya kɔ́lingaitii kpɛ́lɛɛ taá ɣɛ taa lííka líika.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:11

Ɛ́ɣɛ múl̃ɔ ndɔwɔlɔ́i aa ɣɛ áá bɛ́li, íwaa vú su ỹandá kpɛ́lɛɛ kpɛ́lɛɛ. Ná vólu, ndɔlɛí aa hiya hiyá su hááli hááli, ɛ́ɣɛ múl̃ɔ seebɛ́ ỹɔú ỹɔ́ungaitii taá ɣɛ́ taa vɛ́lɛ nungáitii mba ỹandá bih̃íw̃aa. Ná vólu, faa w̃áá luwángɔ wala aa ɣɛ ɛ́ɣɛ múl̃ɔ káámaa haítii taá ɣɛ taa ɣɛ́ ngeleí ya.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:25

Jísu í mɔ́ɔ ɣɛ ta, “Káámaa haa aa ɣɛ ngáá folói, ngalúngi, ɛ́ɣɛ temúleɣaitii. Ngeleí sí wuu yélaitii pa, ti lií áá hówa tí ɣɛ́ ndiihɛ́lɛ ngwala h̃u. Tɛí ɣɛ́ kɔlɔ́ sí taá kɛ́ kɔwɔ́ato fundɛí wá yívoi áá ɣɛ́a mbo ɛ́ɣɛ suungí áá ɣɛ́a gúla.

NJƆÚ 3:29

Njɔú i maa hái h̃úúw̃ai nɔ́ɔ nyah̃á wɔlíndai wa, i ɣɛ ta, “Nyah̃ái aa ɣɛ na nyah̃á wɔ́li mɔ́i hááw̃a. Nyah̃á wɔ́li mɔ́i mbalái va aa ɣɛ lói naa béla ngolílongɔ ngáá í nyah̃á wɔlí mɔ́i woo ỹɛ́ni. Aáva ná áá ngoo ỹɛ́ni, kooh̃unɛ́ɛ́ngɔ aa ɣɛ la. Kɛ ngimɔ́ɔ́ ní góóh̃unɛi í na aa gɛɛlɛngɔ́ pele h̃u.

TI GƐ́Ɛ́ HAÍTII 2:19

Ná vólu, aá lɔɔ vá káámaa haítii ngakɛ́ma ngeleí ya ɛ́ɣɛ kindaa vilí fáitii ngelewu. Maa háitii taá ɣɛ ngáá ŋaaw̃ɔí ɛ́ɣɛ ngɔmbuí ɛ́ɣɛ nduulu yambɔ́ɔ́lɔngɔ wála.

LÓÓMI 13:14

Wú w̃aahéi wóngɔ í ɣɛ́ la ngáá Ndemɔí Jísu Kílisitii gɔ́ɔ́ wɔ́ nyaakáitii, ná ná áá ɣɛ́, wɔ́i mɔ́ɔ́ ɣɛ́ nɔ́ɔ wáá faa ỹɔ́i sítii kɛ taa ɣɛ́ ngáá wú líívo fáitii.

LÓÓMI 3:22

Ngalá ngáá nuu yeɣé ngáá telembo mɔ́ɔ́ ná í lángɔ áá ɣɛ́ la ngáá Jísu Kílisitii. Ngalá ngáá sí ɣɛ nuu fíli mbɛ́ ndángɔ ngáá Jísu Kílisitii suuwɔlɛ́ fáá fíli aa su,

KƆ́L̃E GƆ́LƆI HELE KÉLEI 11:2

Nyáá ngáá wú w̃áálolo gúla kíya nɔ́ɔ Ngalá ngáá wú w̃áálolo gúla. Wú gúlangɔɔ lé ngáá kpelaniiná ɛ́i ɣɛ́ nɛ́nɛ siỹɛ fáá wɔlɔ́ aáva ngí kúúlo mbónga wú wála fááw̃a kɛmbɛhéi h̃u siỹɛ ngílaa ngéya, aáva maa h̃íỹɛngi sí vá taá ɣɛ́ ma Kílisitii.

GALÉSIYA 3:27

Nguyaí wú kpɛ́lɛɛ wú maahɔ́lɔngɔ í wú báhaa Kílisitii wa. Laáva wá lɔ́ naa ngáá Kílisitii ɣɛ́ kíli.

GALÉSIYA 4:26

Kɛ́ Jɛlúsɛl̃ɛ sí í ngelegóóh̃u, kulangɔ́ɔ́ lé ngáá Sééla lɛ́i í ngáá húli ỹáh̃ai laáva tɔ í ngáá mu njéé,

GALÉSIYA 6:14

Kɛ́ nyá laa ngɛ́i ŋáni fíli mááyonga tevé kɛ nɔ́ɔ léi sái mu Lemɔí Jísu Kílisitii í mbóngɔ kúlɔsii w̃a. Maa hái ná va í mbóngɔ kúlɔsii w̃a, í kɛ́a ngáá háwu ni ndá áá mɔ́ɔ ngeleí sí wúú háa ta fíli su aáva ngeleí sí wúú háá tá fíli aa mɔ́ɔ ní ndá h̃u kíya nɔ́ɔ nungáá taa ha ti háá ɛ́i mɔ́ɔ ɣɛ́ ỹɔw̃ɔ́ ỹɔ́w̃ɔ háá h̃u.

Ɛ́FƐSƆ 5:32

Tɔɔỹaá wóó bikpi ngí ɣɛ́ngɔ ndɔɔwu h̃ú Ngala Kɔ́lɔi h̃u. Aáva ngí ngoí sítii ngatɔ́ngɔ mba ngáá kɛ aá lɔ́ɔ yɛ́pɛ kɔwɔ́ato Kílisitii wá taa Ngala fɛ́li mbélaitii.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 11:19

Ngalangí Hɛ́ɛ́ma Yála Pɛ́lɛi í ngelegóóh̃u, ndaawóngɔ i ɣɛí lá, Kɛ́lɛ Kal̃áŋal̃a Ngwalaí i na. Ngeleí í ɣɛí áá ɣɛ́ míỹa míỹa ngele bandɛ́i áá bɔ́ɔ́lɔ na ngoí yángi í w̃ɔ́nu. Ndɔwɔlɔ́i áá bɛ́li na, sakɔ́ búú wála walaí áá vú.

FAA YÁKƐ KƆ́LƆI 12:3

Kɛ káámaa haa veka i mɔɔ ɣɛa ngeleí yá. Kaali bíỹa ngwála i ɣɛi ngeleí yá. Ngungí i ɣɛi nga wɔféla, ndowói i ngú mba púu. Masa mbɔ́ɔ́lɔi i ɣɛi ngungí nátii kpɛ́lɛɛ má ngáá ngilá ngíla.

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 21:14

Sasái sí í ɣɛ́i taa walái sí w̃a, i ɣɛi lóóni pɛ́lɛ ló kɔ́tu wala wala púúngɔ maah̃úú félengɔ w̃a. Kɔtuí nátii maa vá tɔ Ngalángi gééla púúngɔ maah̃úú félengɔitii tí Mbáálai hááw̃a ti laahéingaitii pɔnɛngɔ́ í ɣɛ́i lá ti w̃a.

FAA YÁKƐ KƆ́LƆI 21:23

Taa walái sí aa ɣɛi bɛndɛí fólo hááw̃a taá ngálu, bɔw̃álale Ngalángi múw̃a muw̃angí lɔ́ áá naa ɣɛ́ kpál̃au. Mbaalaí lɔ í ná ngáá lámbongi.