FAA YÁKƐ KƆ́LƆI 11:8 - Kɛ́lɛ Niinaí

⁸ Aáva ti vúw̃aitii taá ɣɛ́ láá lááni pele walái w̃a taa walái sí h̃u tí tí Lemɔ́i Jísu bakpáni na kulɔsíi w̃a. Aáva naa gúlangɔ i ɣɛi la ngáá Sɔ́dɔu ɛ́ɣɛ Íjepi.

FAA YÁKƐ KƆ́LƆI 11:8 Iomraidhean Croise

MÁFIYU 10:15

Ngí tɔɔỹái le wu w̃á, suu áá ɣɛ́ ỹɔ́u maa lái h̃uu yélai ma í lɔ́ve Sɔ́dɔu ɛ́ɣɛ Gɔmɔ́lɔ h̃uu yélai ma Ngalángi gɔ́sɔ foloí w̃a.”

TI GƐ́Ɛ́ HAÍTII 9:4

Kɛ Sɔ́ɔ i h̃undɛngá ndɔwɔlɔ́i wa, í ngoo ỹɛ́ni áá lé ma. Ngoí í léni ma i ɣɛi ngáá sí, “Sɔ́ɔ, Sɔ́ɔ! Ndeé lɔ í kɛ́a yíwaa faa bá nda má?”

HÍBULU 13:12

Ná lɔ́ í kɛ́ni Jísu í gúlani taí wa í saa w̃ááhɔlɔ. Ná i ɣɛí kɛinɔɔ́ ngi hááɣai hái w̃áá véle w̃a sítii taa hítɛ polú ti wúyangɔ í ɣɛ́ la fó ti háá ỹɔítii ngeyá.

HÍBULU 6:6

Ná taa gúla Ngala fái h̃u, ɛi ɣɛ ngáá solowo fáá ngáá tɔɔ mɔ́ɔ́ yangáima sú bɔw̃álale, sí taa ɣɛ́ kɛ́i kulangɔ́ aa ɣɛ nɔ́ɔ la ngáá kíya nɔ́ɔ taa ɣɛ́a Ngalángi H̃íỹɛndou Loí bakpá múl̃ɔ kulɔ́sii w̃a ngáá niina. Ná ná áá ɣɛ, kɛ ngangufé ngwála wul̃á taa ɣɛ́a njeí ma kpɔ́ ndííwaa.

PÍTƐ GƆ́LƆI HELE KÉLEI 2:6

Ná vólu, taa walá wála félengɔi sítiini tɔ́ɔ ti lolí ngáá Sɔ́dɔu ɛ́ɣɛ Gɔmɔ́lɔ Ngala ngí suu yélaitii mɔní kɔwɔ́ato ti háá ỹɔu ɣɛndái wa. Aáva fái sí lɔ́ na ngáá tɔmaseí sítiini faaw̃a taa Ngalá fááw̃a.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:7

A giséi sí w̃a í ɣɛ́ni ngáá taa walá wálai sítii tɔ́ɔ́ ti lolí ngáá Sɔ́dɔu ɛ́ɣɛ Gɔmɔ́lɔ ɛ́ɣɛ ti béla láitii suu yélaitii tiyɛ́i ti yaá háa wálai í ɣɛ́i nɔ́ɔ ngáá kɔlɔsiyángi ɛ́ɣɛ njɔlɔ haítiini. Ti ɣɛ́i ngáá kɛ kíya nɔ́ɔ malékai nátii ti ɣɛ́i na. Nungái nátii tiyá lɔ́ maanɔw̃ɔ́ h̃u kúnafɔ wɔ́mbui h̃u, ná vá tɔ í ngáá tɔmaseí a mu haáw̃a.

FAA YÁKƐ KƆ́LƆI 11:13

Ngamá nɔ́ɔ́, ndɔwɔlɔ́i í bɛ́lini ngwála. Ná taa walái ná ɔ́ɔ́ wɔ́lɛ su púú, seiw̃aá yílangi lɔ́ í ỹáánini, nuu tásu ngɔ́felangɔ tí há su. Nungáá w̃átai sítii tí ɣɛ́i loní, nduwá wála í vúi tí h̃u. Faalɔ, Ngala lɛ́i í ngelegóóh̃u tí ndaaw̃áálɛni.

FAA YÁKƐ KƆ́LƆI 11:9

Foló sáángɔ síkpɛ ndáá lówah̃u, nungáá taa gúla híítii su bɛ́kpɛ tiyɛ́i taá híí woítii nde ti gúlangɔ paatiitíí su tí ndɔ́wɔlɔ kpɛ́lɛɛ sú ɛ́ɣɛ tíwaa tí vúw̃aitii kpelé aáva tɛ́i lúw̃ama ngáá tɔ́ɔ́ tí bɔ́lu.

FAA YÁKƐ KƆ́LƆI 14:20

Ti gilépiitii fɔɔỹái gilépi lowaí ná h̃u taa walaí sí bélaa aáva ŋaaw̃ɔí í gúlai gilépii yanjɔ́wɔlɔ ndówai ná h̃ú i ɣɛi áá yéi kíya nɔ́ɔ njei yɛ́ ááyaa yéi. Ŋaaw̃ɔi sí h̃úú í ɣɛ́i gooh̃á í híti foló ndɔ́ɔ́lungɔ híya mbomáá h̃u aáva mbuu hulú kíli ɔ́ɔ́ nuu w̃áábɔle votó.

FAA YÁKƐ KƆ́LƆI 14:8

Kɛ ngí malékai hele kélei lɔ́a ngeleí yá áá góvo. Íwaa ɣɛ́ ta, “Taa walái sí taa tolí ngáá Babél̃ɔ i wolóa bú, taa walá sí i wolóa bú. Taí sí h̃ú gɔ́lɔsiya ngwalaí i ndɔwɔlɔ vékaitii kpɛ́lɛɛ súúỹaaninga. I kɛ́a ngáá háwu ndɔwɔlɔ vékaitii ti ɣɛ́a ngáá kíya nɔ́ɔ nuu áá ndɔ́ɔ yakpángɔ bɔ́le í sóu.”

FAA YÁKƐ KƆ́LƆI 16:19

Taa walaí sí i wali sú sáwa, taa walá wálaitii kínɛi ti ndɔwɔlɔ vékaitii su ti kpɛ́lɛɛ tí wólo ngóloni. Faa ỹɔ́i sí kínɛi í ɣɛ́i áá ɣɛ́ taí ná h̃u, Ngala ngí giséini ti w̃a. Náá hááw̃a, i ngi lííyaw̃al̃a walaí lɛ́ni taí sí w̃a. Ngi lííyaw̃al̃a walaí ná kúlangɔɔ lé ngáá ndɔɔ yakpángɔ wála kule áá ɣɛ́ nuu w̃á ngáá í kpɛ́lɛɛ kpɔ́le.

FAA YÁKƐ KƆ́LƆI 17:1

Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 17:18

Nyah̃ápoi sí yí tɔ́ngɔ áa lɔ́ í lói taa walaí sí hááw̃a ngáá ndɔwɔlɔ́ w̃ása ngwala í ndɔwɔlɔ w̃ása ngwala waláitii kpɛ́lɛɛ mááh̃u ngeleí sí wu.”

FAA YÁKƐ KƆ́LƆI 17:5

Ndaahéi pɔ́nɛngɔ i ɣɛi lá nyah̃ápoi sí lávala, nuu áá ɣɛ́i mbuuwɔlɔ́ ná wáá ngáá, “Babél̃ɔ laa walaí, lɛ́i ngi hái gúlangɔ ngáá nyah̃ái áá ɣɛ́ ngáá kɔlɔsiyá mbélaitii kpɛ́lɛɛ ti njéé lɛ́i í ngáá njɔlɔ háitii kpɛ́lɛɛ ngungi ngélewu.”

FAA YÁKƐ KƆ́LƆI 18:10

Taa ló p̃óuma bɔw̃álale taa ɣɛ́ taa lúwa ngáá tɔ́ɔ́ ngí w̃áánɔw̃ɔi tá yéɣe, táá ɣɛ́ ta, “Kpóu! Sí lɔ́ ngáá faa ỹɔ́u wála haa ɛ́ɣɛ ndúwa háá wála ngáá Ngalá ngáá ngakpa táá walaí sí Babél̃ɔ woló nɔ́ɔ háwa yílaa ndáá lówah̃u ngí háá ỹɔítii fááw̃a!”

FAA YÁKƐ KƆ́LƆI 18:18

tí wɔ́lɔ ná tí taí ná w̃ɔ́ ndúúlii lɔ́i áá gúla ngáá mɔngí taa walái ná í ɣɛ́i áá mbo. Tí woo gúlai tí ɣɛ́ ta, “Nápa taa fíli aa nɛɛ ɣɛi na ɔ́ɔ́ ɣɛ́ ngáá taa walái sí ɣɛ́ kíli ngakpa péle w̃a!”

FAA YÁKƐ KƆ́LƆI 18:2

I woo gúlani, i ɣɛ ta, “I wolóa bú. Taa walaí sí taa tolí ngáá Babél̃ɔ i wolóa bú. I ɣɛa ngáá ỹína nyɔ́u ỹɔungáitii tí láá h̃u. Ngafuw̃angái ɛ́ɣɛ w̃ɔní ỹɔú ỹɔ́ungaitii tééle lɔ tí ná.

FAA YÁKƐ KƆ́LƆI 18:21

Kɛ ngakpa máleka wala yiláá i vaa, í kɔ́tu ỹííngɔ wála yiláá ngéɣe í píli yívoi wu, i ɣɛ ta, “Ngimɔ́ɔ́ taa walái sí Babél̃ɔ áá vá wólama bú kúnafɔ nuu ɛ́i mɔ́ɔ ɣɛ na.

FAA YÁKƐ KƆ́LƆI 18:24

Faa báma i langá Babél̃ɔ w̃a bɔw̃álale Ngalá ndáá háá lé mbélaitii ɛ́ɣɛ Ngalángi vóngaitii ti ỹááw̃ɔitii tí vúngɔ taí sí h̃u. Tɔɔỹaá lé sítii kpɛ́lɛɛ tí tí váángɔ ngeleí sí wu, ti háá lɔ ngu mba.