FAA YÁKƐ KƆ́LƆI 11:3 - Kɛ́lɛ Niinaí

³ ná wáá ngáá, foló tásu ngilaa hɔ́ndɔ félengɔ puu ngɔ́hitangɔ (1,260) laá lówah̃u. Ná h̃úú vá tɔ́ ndáá háá lé mbélaa félengɔi ngáá ti lɔ́ve táa vá ti ndáá háá lé. Ti w̃ááyilingɔ áá ɣɛ́ lá ngáá kúlai kpatɛngɔ́ ngáá njée kpélengi ngáá áá ngákɛ ngáá kɛ aa lɔ ngáá maaw̃aanú háa.”

FAA YÁKƐ KƆ́LƆI 11:3 Iomraidhean Croise

MÁFIYU 11:21

I ɣɛi áá ɣɛ́ ti w̃a, “Wɛ́i wú tái sítii su taa ti lóli ngáá Kɔ́lasi ɛ́ɣɛ Bɛsééda, suu lɔɔ vá ɣɛ́ma ỹɔ́u wú w̃a ngwala. Sífaa káámaa haí sítiini ngí tí ɣɛ́ngɔ wú yááh̃u w̃a kɛbei ngí ɣɛ́i kɛ́ni taí sítiini su taa ti lóli ngáá Táya ɛ́ɣɛ Sáidɔ, bele wɔ́lɔ kpɔ́lɔɔ naa yélaitii tí w̃ááyilinga ngáá kúlai kpatɛngɔ ngáá njée kpélengi ngáá ɔ́ɔ́ ngákɛ ngáá kɛ ti w̃aaw̃áánungɔɔ lé ngwala tí háá ỹɔítii faaw̃a, tí vólu yáfe ti wa lííwaa wála.

MÁFIYU 18:16

Kɛ́ ná ɛ́i ɣɛ́ wolíloi í w̃á, nuu yílaa ɔɔ nuu félengɔ yeɣé wú lí na kɛinɔɔ́ sí wáá ɣɛ́ ndei hééle félengɔi ɔɔ heele sáángɔi nátii tí gísei ma.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:13

Jísu í mɔ́ɔ ɣɛ ta, “Wɛ́i wú taí sítii su taá naitii tolí ngáá Kɔ́lasi ɛ́ɣɛ Bɛsééda, suu lɔɔ vá ɣɛ́ma ỹɔ́u wú w̃a ngwala. Sífaa káámaa haí sítiini ngí tí ɣɛ́ngɔ wú yááh̃u w̃a kɛbei ngí ɣɛ́i kɛní taí sítiini su taá naitii tolí ngáá Táya ɛ́ɣɛ Sáidɔ, bele wɔ́lɔ kpɔ́lɔɔ naa yélaitii tí w̃ááyilinga ngáá kúlai kpatɛngɔ ngáá njée kpélengi ngáá ɔ́ɔ́ ngákɛ ngáá kɛ ti w̃aaw̃áánungɔɔ lé ngwala tí háá ỹɔítii faaw̃a, tí volú yáfe ti wa lííwaa wála.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 24:48

Aáva wá lɔ ngáá faí sítiini mbaa héélea.

NJƆÚ 15:27

Aáva wá bɛ́lɛ kɛ wáá faa lé kɔwɔ́ato mbá sífaa wú lónga mbá í séi tɔkúla héi sɔ́wɔ w̃a.”

NJƆÚ 3:27

Kɛ Njɔú í ti woo yápotenga, i ɣɛ ti w̃a, “Sí fíli nɔɔ́ léi nuu áá mááhɔlɔ, aa gula Ngalá ngeyá.

TI GƐ́Ɛ́ HAÍTII 1:8

Kɛ́ wá lɔɔ vá ngakpa sɔ́lɔma ná Hɛ́ɛ́ma Ỹínangi áá ɣɛ́ wú vólu. Aáva wá lɔɔ vá ɣɛmá ngáa ní héélea Jɛlúsɛl̃ɛ taa h̃u ɛ́ɣɛ Judíya lataí h̃u kpɛ́lɛɛ ɛ́ɣɛ Samááliya lataí h̃u, í lí náa í fólo ndɔwɔlɔ́i kpɛ́lɛɛ su.”

TI GƐ́Ɛ́ HAÍTII 13:31

Aáva foló bih̃íw̃aa laa lówah̃u, taá sítii tɔ́ɔ́ ɣɛ́ síya polúi w̃a í síɣe Galéli lataí h̃u í foló Jɛlúsɛl̃ɛ taa h̃u, nátii tí tɔ́ni, tiyá va tɔ náa taá maa hééle woo le faaw̃a a mu vóngai ma.

TI GƐ́Ɛ́ HAÍTII 2:32

Ngalá ngí Jísui sí wúyoɣenga saí h̃u aáva a mu kpɛ́lɛɛ a muỹá lɔ ngáá maahéélea.

TI GƐ́Ɛ́ HAÍTII 3:15

Wú ndɛɛh̃ú he mɔ́i vááni, kɛ́ Ngalá ngí mbuyoɣéni sái h̃u. Niỹá vá tɔ ni ngáá faí sí w̃aa héélea.

KƆ́L̃E HESENDAA GƆLƆÍ 12:28

Ná ná áá ɣɛ, Ngala fɛ́li mbélaitii su, Ngalá ngí nuu kpɛ́lɛɛ tónga toow̃aá. Hésendaa loow̃aí waa ngáá sítii taa ɣɛ́ ti w̃a Ngalángi géélaitii, nátii kpélaa yélai mbaa ngáá Ngalá ndaa háá lé mbélaitii, ná vólu yélai mbaa ngáá kaamɔítii, ná vólu yélai mbaa ngáá káámaa haa ɣɛ mbélai, ná vólu yélai mbaa ngáá mbaló mbó mbélai, ɛ́ɣɛ kpɔmba hé mbélai, ɛ́ɣɛ sítii taá fáitii kɛ kíli ɣɛ ngáá nuu ye, ɛ́ɣɛ sítii taá yɛ́pɛ híí woo vekaítiini su.

KƆ́L̃E GƆ́LƆI HELE KÉLEI 13:1

Ní héi heingí háwa kélei lɔ́ ngáá sí ngáá vá mbóma ngáá wú ye. Nuu fíli pá áá faa vɛ́lɛ nuu wa, kɛ héélea tí ɣɛ mba féle ɔɔ sáwa kɛ kíya Ngalá Kɔ́lɔi í ndéngɔ ngáá kule í ma í ɣɛ́.

Ɛ́FƐSƆ 4:11

Aá gítei vá tɔ́ nɔ́ɔ í fémbɛ wɔ́lingaitii fengɔ́ nungáitii ngeyá ná wáa ngáá, ngenge tókoitii. I ti lɛ́ingaa ɣɛ́ngɔ ngáá Ngalángi géélaitii, í tí lɛ́ingaa ɣɛ́ ngáá Ngalá ndaa háá lé mbélaitii, í tí lɛ́ingaa ɣɛ́ ngáá Ngala ngóó le mbélaitii, í tí lɛ́ingaa ɣɛ́ ngáá Ngala fɛ́li mbélaitii tí w̃ááh̃u béle mbélaa, í mɔ́ɔ tí lɛ́ingaa ɣɛ́ ngáá Ngala Kɔ́lɔ ɣɛ mbélaitii.

FAA YÁKƐ KƆ́LƆI 1:5

Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 11:2

Kɛ́ yálaa Hɛ́ɛ́ma Yála Pɛ́lɛi góvii h̃úw̃a, bɔw̃álale Ngala ngí féngɔ sítii ngeyá táa ngáá ngí vóngaa, tiyɛ́i táa vá lóma Hɛ́ɛ́ma Láá Wálai w̃ááh̃u ngalú puu nááningɔ maah̃úú félengɔ láa lówah̃u,

FAA YÁKƐ KƆ́LƆI 11:6

Ngala ngí ngakpá féngɔ ti yaa ngáá tí njɛ́i h̃úúhou ɛi wa kuí ná láá lówah̃u taá ɣɛ́ taa Ngala ndáá háá lé. Ngakpá tɔ́ múl̃ɔ ti yaa ngáá taa njɛítii pote ngáá ŋaaw̃ɔ, ná múl̃ɔ taa ɣɛ́ lói tí fáá báma fíli ndá ngélewu, taa ndá.

FAA YÁKƐ KƆ́LƆI 12:6

Nyah̃ápoi sí í w̃aavelái, í lí ngaalaí h̃u mbéi Ngala ngí náá bátɛi mbɛ ngáá í ló ná. Naa lɔ í loí ná Ngalá ngáá mááh̃u belé foló tásu ngíla hɔ́ndɔ félengɔ púu ngɔ́hitangɔ (1,260) hááw̃a.

FAA YÁKƐ KƆ́LƆI 13:5

Ngalú púú nááningɔ maah̃úú félengɔ laa lówah̃u, tí béni ngakpa súwai sí wá ngáá sí fíli í ngáá yonga ngoo ɔɔ tɛɣɛsu woo ɔ́ɔ́ ɣɛ́ í ndé Ngalá ma ɔ́ɔ́ ndé aáva ngakpángi i ɣɛi ngeyá ngáá í masandáá ɣɛ́ kuí sí láá lówah̃u.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.