FAA YÁKƐ KƆ́LƆI 11:18 - Kɛ́lɛ Niinaí

¹⁸ Sítii taá ngáá í vóngaa ti liiyaw̃ál̃angɔ i ɣɛngɔ lá ngwala, bɔw̃álale faa bámai yáá vá ndáma ɛ́ɣɛ saa yeláitii ti gɔsɔ́ndai i folóa ma. Kuí i folónga ma ngáá yáá vá náa í yénge mbeláitii maaỹáá féma, ná wáá ngáá, í láa haa lé mbélaitii, ɛ́ɣɛ í vóngaitii kpɛ́lɛɛ tiyɛ́i í wúfema í tí yaá, sítii ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa. Kuí i folónga ma yáá vá sítii kɛ kíli ỹaanimá táa ngelewuí sí ỹááni!”

FAA YÁKƐ KƆ́LƆI 11:18 Iomraidhean Croise

MÁFIYU 5:12

Faí nátii tɔɔ́ bɔ́ɔ́ ɣɛ ngáá wú ye, wú líílangɔ í ɣɛ́ la, wú kóóh̃unɛɛ gúla bɔw̃álale wú gúlasuunumai wála yangí í wɔ́ɔ́lɔ í ngelegóóh̃u. Ngimɔ́ɔ́ nɔ́ɔ wɔ́lɔ tɔ́ɔ faa bámaitii nda Ngalá ndaa háá lé mbélaitii má, tiyɛ́i ti ɣɛ́i wɔ́lɔ na, ná h̃u taá nɛ́ɛ ɣɛi wú léni.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:50

Ngetéyangi sí kínɛi í lɔ́venga ɛ́ɣɛ sí h̃uu yéteyangi ɛ́ɣɛ sítii táá vá vaamá, Ngalángi yááh̃u w̃aaw̃aanuí aa ɣɛ sítiini ma nduwá í ti h̃u faaw̃a.

HÍBULU 9:27

Kíya nɔ́ɔ kɛ nuu fíli í há yíla ná ná áá gúla su Ngala ngí nuu gɔ́sɔ,

FAA YÁKƐ KƆ́LƆI 10:7

ná malékai wɔ́fela kélei áá ngí ndá búlui hɛ́. Sí Ngala ngí súúbatɛngɔ ndɔɔwu h̃u, áá sítɛ náá nga, kíya í ndéni ngi yénge mbeláitii ma, ná wáá ngáá, ndaa háá lé mbélaitii.”

FAA YÁKƐ KƆ́LƆI 11:2

Kɛ́ yálaa Hɛ́ɛ́ma Yála Pɛ́lɛi góvii h̃úw̃a, bɔw̃álale Ngala ngí féngɔ sítii ngeyá táa ngáá ngí vóngaa, tiyɛ́i táa vá lóma Hɛ́ɛ́ma Láá Wálai w̃ááh̃u ngalú puu nááningɔ maah̃úú félengɔ láa lówah̃u,

FAA YÁKƐ KƆ́LƆI 13:10

Nuí fíli kpatɛngɔ́ ndaaw̃á ngáá tí sóu, kɛ tí sóu. Nuí fíli pá kpatɛngɔ́ ndaaw̃á ngáá kɛ í ló mbowá hɔ́kpɔ yá, kɛ í ló nga. Ngoí sí lɔ́ ná ngáá í kɛ ngáá háwu Ngalángi vóngaitii ndiilɔ́lɔngɔ í ɣɛ́ lá, ti lɔwɔbáɣangɔ í ɣɛ́ lá Ngála ngéya.”

FAA YÁKƐ KƆ́LƆI 13:16

Ngakpa súwai hele kélei sí í kpáni nungáitii kpɛ́lɛɛ ma ngáá kule ngáá sítii taá ngáá ndaahéi mbá yélaa ɛ́ɣɛ sítii ti ngáá ndaahéi mbá yélaa, kpatɛ yélaa, nyaani yélaa, nduwɔá ɛ́ɣɛ nuí áá ngáá nduwɔ, ngáá í lókovondo ti yísa lokói h̃u ɔɔ ti lavála.

FAA YÁKƐ KƆ́LƆI 14:10

Ngalangí lííyaw̃al̃ai áá foló ma. Ndiiyaw̃ál̃a wálai ná kulangɔ́ ngáá ndɔɔ yakpangɔ́ wála maa w̃ɔ́i aa kpɛ́lɛɛ kpɔ́le. Sítii kínɛi taa sítii kɛ, tiyá lɔ́ taa maanɔw̃ɔ́ wálai sí yeɣé ngɔmbu hóngi sí yá ɛ́ɣɛ ngɛi w̃ááku nyɔu ỹɔungí áá w̃ɔ́ ngwála kíya nɔ́ɔ fukú i ná hɛ́ɛ́ma w̃álekaitii ɛ́ɣɛ Mbaalaí yaah̃ú w̃a.

FAA YÁKƐ KƆ́LƆI 15:1

Kɛ ngí mɔ́ɔ káámaa haa wala lɔ́a ngeleí ya. Ngí maléka ngɔ́felangɔ lɔ́i ngapúmaa haa bama ngɔ́felangɔi Ngalá ngáá vá ndáma i ti yaa. Ná vá tɔ í ngáá Ngalangí lííyaw̃al̃ai yápumai.

FAA YÁKƐ KƆ́LƆI 15:7

Kɛ fulú wɔ́li nááningɔi ti tá yílaa i góóli vani ngɔ́felangɔitii feá maléka ngɔ́felangɔitii ngeyá. Ti laahéngɔ i ɣɛi lá ngáá Ngalángi lííyaw̃al̃ai, Ngala lɛ́i í ná kúnafɔ taa ngí ndá gúnafɔ.

FAA YÁKƐ KƆ́LƆI 18:6

A suuhóu kíli ỹɔu wó kíya nɔ́ɔ jɔ́ í wú h̃úúhou kíli ỹɔu wongɔ́. Sí í kɛ́ngɔ ngáá wú ye, a poto kúlandaa ɣɛ ma féle. Ná ɣɛ́ndai gúlangɔ í ɣɛ́ lá ngáá ndɔɔ yákpangɔ héndaa ngeyá áá nuu hóu. Ndɔí sí yákpangɔ í ɣɛ́ lá í lɔ́ve sí wá í féngɔ nungáitii ngeyá.

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 19:18

A vá, wú sítii tí háángɔ wú ti yóitii mɛ, ná wáá ngáá, ndɔwɔlɔ́ w̃ásangaitii ɛ́ɣɛ sóyai ti núú wala waláitii ɛ́ɣɛ sóyaitii taa tí hóitii ɛ́ɣɛ tí híya mbélaitii ɛ́ɣɛ nuu kpɛ́lɛɛ, ná wáá ngáá, sítii ti ngáá nduwɔá ɛ́ɣɛ sítii taa ngáá nduwɔá í báha sítii mba ti ngáá ndaahéi mbá yélaa ɛ́ɣɛ sítii taa ngáá ndaahéi mbá yélaa.”

FAA YÁKƐ KƆ́LƆI 19:5

Kɛ ngí ngoí ỹɛniá í gúla Ngalángi w̃ása kpɔ́kpɔngi ŋál̃aa véle, ngoí ná i ɣɛi ngáá sí, “Wú kpɛ́lɛɛ wáá wúfe Ngala ma wú ngáá Ngalá ngénge mbélaitii ɛ́ɣɛ nuu kpɛ́lɛɛ taa wúfe ma, ti ɣɛ́i ngáá ndaahéi mbá yélaa ɔɔ taa ɣɛ́i ngáá ndaahéi mbá yélaa, a mú mú Yálangi laaw̃áálɛ!”

FAA YÁKƐ KƆ́LƆI 20:12

Kɛ ngí sítii tɔ́a ti háángɔ, sítii ti ɣɛ́i ngáá ndaahéi mbá yélaa ɛ́ɣɛ sítii táá ɣɛ́i ngáá ndaahéi mba yélaa, ti lóóni masa kpɔ́kpɔngi gákala. Kɔlɔí sítii saa yélai ti gɛ́ɛ́ haí ɛ́ɣɛ ti híya gílii vɔ́nɛngɔ ti h̃u, tí tí laawóni, ti mɔ́ɔ kúnafɔ lɛ́ɛ́h̃u gɔ́lɔi laawó. Tí sáá yelái kɔsɔ́ni ngáá ti híya gílii ɛ́ɣɛ ti gɛ́ɛ́ hai kíya pɔnɛngɔ́ í ɣɛ́i la maa gɔ́lɔitii su.

FAA YÁKƐ KƆ́LƆI 20:15

Sítii ti laahéingi vɔnɛ́ngɔ áá ɣɛ́i la kúnafɔ lɛ́ɛ́h̃u gɔ́lɔi h̃u tí tí vílini ngɔmbu hó ngwálai sí ya.

FAA YÁKƐ KƆ́LƆI 22:12

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa! Nyáá ngáá vá ngáá maaỹángaitii aáva ngáá fé nuí fíli ngeyá kɔwɔ́ato sí wa áá ɣɛ́ kɛ́ni.