FAA YÁKƐ KƆ́LƆI 11:17 - Kɛ́lɛ Niinaí

¹⁷ táa ɣɛ́ ta, “Ndemɔí Ngakpa Ngála Ngwálai, yá lɔ́ yí ná aáva yá lɔ́ yí ɣɛ́ngɔ na wɔ́lɔ. Ní sɛ́ɣɛɛ gúla í w̃á ngáá yí í yákpa ngwálai w̃ááhɔlɔnga aáva yí í w̃ásandai lɔ́kula héinga.

FAA YÁKƐ KƆ́LƆI 11:17 Iomraidhean Croise

MÁFIYU 11:25

Táingi ná w̃a kínɛi, kɛ Jísu i ɣɛa ta, “Kɛɛɣɛ́ Ngalá, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gi máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 10:21

Taíngi ná h̃u kái kái pa, Jísu lií h̃uulaahéngɔ i ɣɛi lá ngáá ndiilɛí Hɛ́ɛ́ma Ỹínangi yákpangi h̃u. Kɛ i ɣɛa ta, “Kɛɛɣɛ́ Ngála, yɛ́i yí ngáá Ndemɔí faa kpɛ́lɛɛ mááh̃u ngelewu, ngí sɛ́ɣɛɛ gula í w̃a bɔw̃álale yí fái sítii ndɔɔwungá nungái sítii mba ti gí máá gúlangɔ ɛ́ɣɛ sítiini tí faa gálangɔ, kɛ́ yí ngakɛ́ngɔ kpál̃au ngáá sítii taá faa gálangɔ. Tɔɔỹaá le, Kɛɛɣɛ́ Ngalá, aá lɔ ngáá í líívo fáa aáva í í góóh̃unɛɛngɔ ngáá yí fái sítii kɛ h̃íí na.”

NJƆÚ 11:41

Kɛ nungáitii tí kɔtu hɛvɛ́ wálai hiɣengá maa gámbai la, kɛ Jísu í wunga séinga, i ɣɛ ta, “Kɛɛɣɛ́, ngáá sɛ́ɣɛɛ gula í w̃a ngáá yáá ní hɛ́li ngoi yápote.

KƆ́L̃E GƆ́LƆI HELE KÉLEI 2:14

Kɛ́ sɛ́ɣɛɛ gulama í ɣɛ́ Ngalá mbɛ́ lɛ́i áá ni wúto í kɛ ngáá háwu ni ndái í ndó ma hɔ́wɔ fíli kɔwɔ́ato kpahaí wa ní su Kílisitii wa. Ngalá ngí naa gúlanga kɛ́lɛma ni yɛ ngáá ni Kílisitii w̃áá woo híya kíya nɔ́ɔ sɛ́ndi w̃aaku nɛ́ɛ́ nɛɛ ngáá híya ỹandá kpɛ́lɛɛ.

KƆ́L̃E GƆ́LƆI HELE KÉLEI 9:15

A mú sɛ́ɣɛɛ gula Ngalá ma ngi háá bɔwɔí hááw̃a ngáá nuu ɛ́i hómbo p̃ɛ́ɛ́ nuu ɔ́ɔ́ súúgula kíya ngangímba.

TÍMOTI HESENDAA GƆLƆÍ 1:12

Ngáá sɛ́ɣɛɛ gúla mu Lemɔ́i Jísu Kílisitii w̃a lɛ́i í ngákpa fénga mbɛ́ ní yéngengi hááw̃a. Ngáá sɛ́ɣɛɛ gúla ma ngáá í ngéɣengɔ ngáá tokolá ma w̃ɔ́ɔ́ aáva í lókolongɔ mbá ngáá ngí yénge mbɛ.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 1:8

Ndemɔí Ngákpa Ngála Ngwalaí lɛ́i í ná kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma i ndéni, í ɣɛ ta, “Nyáá lɔ́ ngí ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i.”

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 15:3

Ti ɣɛ́i taa nguleí sí hɔ́ɔ́lɛ sí Ngalangí yénge mɔí Muusé ɛ́ɣɛ Mbaalaí tɔ́ɔ́ sɔɔlɛ́, táa ɣɛ́ ta, “Yɛ́i yí ngáá Ndemɔí Ngakpa Ngála Ngwalaí, í gɛ́ɛ́ háitii tɔ ngáá faa wála wála ɛ́ɣɛ kááma haa. Yá lɔ́ yí ngáá masa ngwálai ngeleí sí wuu yélaitii kpɛ́lɛɛ mááh̃u. Í lúva veléitii ɛ́ɣɛ í háitii yáá kɛ, tiyá lɔ́ pele w̃a, ti ngáá tɔɔỹaá.

FAA YÁKƐ KƆ́LƆI 16:14

Ỹína nyɔú sáángɔi sítii tɔ taa káámaa haítii kɛ. Tiyá lɔ́ɔ vá ndɔwɔlɔ w̃ásangaitii kpɛ́lɛɛ ngátɛma mba ngélei sí wu kɔɔ wɔ́ fááw̃a foló wálai ná w̃a Ngakpa Ngála Ngwalaí áá vá ngí yákpa ngwalaí yákɛma.

FAA YÁKƐ KƆ́LƆI 16:5

Kɛ ngí malékai sí woo ỹɛ́nia njei yɛ́itii tí tóko h̃u i ɣɛ ta, “Yɛ́i faa ỹɔ́u áá í h̃ú, yɛ́i yí ɣɛ́ngɔ na wɔ́lɔ, yí na sí h̃u, yí fái sí waalévea ngáá telembo péle.

FAA YÁKƐ KƆ́LƆI 16:7

Kɛ ngí ngoí ỹɛ́ninga áá gúla Ngalá sááɣa gúla tútui ŋál̃aa véle, áá ɣɛ́ ta, “Ndemɔí Ngakpá Ngála Ngwalaí, í háá waalévendai aá lɔ́ ngáá tɔɔỹaá i ngáá telembo.”

FAA YÁKƐ KƆ́LƆI 18:8

Ngí yóngangi sí hááw̃a, aa seebɛní ngaa mááw̃aanu w̃ááhɔlɔ ɛ́ɣɛ ndɔlɛ í sóu foló yíla kpéi ma, i mɔ́ɔ w̃ɔ́ ngɔmbu yá, bɔw̃álale Ndemɔí Ngalá lɛ́i áá kɔ́sɔ áá lɔ́ ngáá ngakpa mɔ́ɔ wala.”

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 19:6

Kɛ ngí ngoí ỹɛ́nia kíya nɔ́ɔ faŋa walá áá ɣɛ́ ỹanda ɔɔ kíya nɔ́ɔ njɛ walá áá ɣɛ́a lúndɛ ɛ́ɣɛ múl̃ɔ ngele bandɛ́ ááyaa bɔ́ɔ́lɔ ngoí yá ngí w̃ɔ́nu. Ngoí ná i ɣɛi ngáá sí, “A mú Ngála ndaaw̃áálɛ, sífaa lɛ́i í ngáá Ndemɔí mú Yálangi, aá lɔ́ ngáá Ngakpa Ngalá Ngwala ɛ́ɣɛ Ndɔwɔlɔ W̃ása Ngwala.