FAA YÁKƐ KƆ́LƆI 11:13 - Kɛ́lɛ Niinaí

¹³ Ngamá nɔ́ɔ́, ndɔwɔlɔ́i í bɛ́lini ngwála. Ná taa walái ná ɔ́ɔ́ wɔ́lɛ su púú, seiw̃aá yílangi lɔ́ í ỹáánini, nuu tásu ngɔ́felangɔ tí há su. Nungáá w̃átai sítii tí ɣɛ́i loní, nduwá wála í vúi tí h̃u. Faalɔ, Ngala lɛ́i í ngelegóóh̃u tí ndaaw̃áálɛni.

FAA YÁKƐ KƆ́LƆI 11:13 Iomraidhean Croise

NJƆÚ 9:24

Kɛ tí mɔ́ɔ́ siỹɛndópoi lolínga mbolengɔ́ í ɣɛ́i la Jísu í ɣɛ́i mbalóni, ti ɣɛ́ ma, “Véle Ngalá kákala ngáá yá lɔɔ́ tɔɔỹaá wóó le faí sí h̃u, sífaa ní kɔ́lɔ nɔ́ɔ ngáá siỹɛndópoi í ngáá Jísu, aa lɔ ngáá faa ỹɔ́u w̃ɔ́ɔ.”

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.

FAA YÁKƐ KƆ́LƆI 11:11

Kɛ́ ná foló sáángɔ síkpɛ í gúlani su, Ngala ngí kɛ́ni ngáá háwu ndɛɛh̃u í vú tí h̃u volú, tí yóóɣe, tí ló. Aáva sítii kínɛi tí tí lɔ́ni, nduwá wála i vúni tí h̃u.

FAA YÁKƐ KƆ́LƆI 11:19

Ngalangí Hɛ́ɛ́ma Yála Pɛ́lɛi í ngelegóóh̃u, ndaawóngɔ i ɣɛí lá, Kɛ́lɛ Kal̃áŋal̃a Ngwalaí i na. Ngeleí í ɣɛí áá ɣɛ́ míỹa míỹa ngele bandɛ́i áá bɔ́ɔ́lɔ na ngoí yángi í w̃ɔ́nu. Ndɔwɔlɔ́i áá bɛ́li na, sakɔ́ búú wála walaí áá vú.

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 15:4

Yɛ́i yí ngáá Ndemɔí, ele lɔ ɛ́i wúfe í w̃a? Ele lɔ ɛ́i kɛ ɔ́ɔ́ í lɛ́? Í yílaa kpé tɔ́ faa ỹɔ́u áá í h̃ú. Ngeleí sí wuu yélaitii kpɛ́lɛɛ tiyá lɔ́ɔ vá í gákala ti í hɛ́li bɔw̃álale í lélembongi ya ngí ɣɛa ngáá ti ye.”

FAA YÁKƐ KƆ́LƆI 19:7

A mú kpɛ́lɛɛ mu góóh̃unɛɛngɔ í ɣɛ́ lá, a mú kóóh̃unɛɛ gúla. A mú Ngala ndaaw̃áálɛ. Mbaalaí ỹáh̃a gula sɔ́wɔi i folóa ma aáva ngí ỹáh̃ai i bɔwɔ́ ɣɛ́ kíli batɛngá.

FAA YÁKƐ KƆ́LƆI 3:4

Kɛ́ wú lɛ́ingaa wú Sadé nɛ́nɛ, wú gúlaitii kp̃ɔɔŋngɔ́ laá le, ná wáá ngáá, faa ỹɔ́u áá wú h̃u. Maa wúyeni tɔ máá vá ɣɛ́ma vólu kúla woléngi h̃u, bɔw̃álale wú lúva veléi í ngákɛnga ngáá kɛ wú gúlaɣɛngɔ le ngáá maa wúyeni a mu ɣɛ́ vúlu.

FAA YÁKƐ KƆ́LƆI 6:12

Kɛ ngí Mbaalaí lɔ́nga í tókovongi wɔhíta kélei w̃ááleve. Ná í mááleveni, ndɔwɔlɔ́i í bɛ́lini ngwála, foloi i lɛ́i tí tí kíya nɔ́ɔ kula lɛí, ngalúngi í bíỹa kíya nɔ́ɔ ŋááw̃ɔ.

FAA YÁKƐ KƆ́LƆI 8:5

Kɛ malékai í ísɛ paningí sí yéɣenga í ndááhe ngáá Ngala saáɣa gula tútui h̃uu wɔ́mbui, í píli ngelewu. Ngele bandɛ́i í pɛ́lɛi bɔɔlɔ́ma, ngoí yángi í w̃ɔ́nu, ná vólu, ngeleí áá ɣɛ́ míỹa míỹa, ndɔwɔlɔ́i í bɛ́li.