FAA YÁKƐ KƆ́LƆI 10:5 - Kɛ́lɛ Niinaí

⁵ Kɛ malékai sí ngí tɔ́ni kɔwɔ́ yílangi i lói yívoi liiwáá, pekái í lói kaséngi ya, i yísa lokói lɛ́a ngélei ya.

FAA YÁKƐ KƆ́LƆI 10:5 Iomraidhean Croise

TI GƐ́Ɛ́ HAÍTII 14:15

“Mu mbálangaa, ndeé lɔ wúwaa sí ɣɛ́ ma? Niỹá bɛ́lɛ nɔ niỹá lɔ nɔ́ɔ́ ngáá nuu búsa, aáva niỹá lɔɔ vá ngáá keela woó vandaí wú yéle náa nde wú w̃a ngáá wú volú yafé ngambalámba wɔ́lingai sítii mba, wú vóte Ngalángi sí wa ndɛɛh̃úi í su lɛ́i i ngeleíni ngaa ndɔwɔlɔí sí bátɛngɔ ɛ́ɣɛ yívoi kpahangɔ́ sítii kínɛi mbá tí tí h̃u.

TI GƐ́Ɛ́ HAÍTII 17:23

sífaa kɛ kíya ngí ɣɛ́ngɔ ngáá lɔ́ve tɔvé kpóloo ngí wú wɔ́lingaitii tɔngɔ́ wáa ti wɔ. Ngí saáɣa gulamáá ỹánda batɛngɔ́ ta lɔngɔ́ múl̃ɔ kɔlɔ vɔ́nɛngɔ ma. Sí pɔnɛngɔ́ ma aá wáá ngáá sí, ‘Ngalángi sí yéle nuu áá kɔ́lɔ,’ aáva wáa fɛlí aá lɔ ngáá yɛpɛ kɔwɔ́ato mba wú yéle.

LÓÓMI 1:20

Ná wɔ́lɔ pá Ngala ngí ngéteyangi sí bátɛni, ngi bátɛ wɔlingáitii tɔ taá kɛ ngáá háwu nuú í ɣɛ́ kɔ́lɔ ngáá Ngalá tɔ́ na aáva ngakpangɔ́ɔ́ lé kíya bɛ́lɛ nuu ɛ́i tɔ́ ngáá yááh̃u kɛlaa nuu ɔ́ɔ́ ngí yákpangi bátɛ gíli lɔ́. Faalɔ, ngooh̃ugulá w̃áá aa nuu búsa yáa.

HÍBULU 6:13

Ná h̃ú Ngala ngí siỹɛndópoi sí guulóni tɔ́ɔ́ ɣɛ ma Lébilah̃au, nuu fíli áá ɣɛi na ngakpángɔ ɔ́ɔ́ ɣɛ́ la ɔ́ɔ́ híti laá Ngalá su ngáá ɔ́ɔ́ véle ma. Faalɔ, i veléni bɔ́wɔ w̃a.

FAA YÁKƐ KƆ́LƆI 1:18

Nyáá le, nyɛ́i ngí ndɛɛh̃úi h̃u! Sáángɔ i ɣɛngɔ lá, kɛ́ nyá lɔ́ mɔ́ɔ ndɛɛh̃ú h̃ú kúnafɔ fááw̃a. Ngakpá tɔ́ ngéya saa w̃ááh̃u ɛ́ɣɛ saa yelái ti ỹándai.

FAA YÁKƐ KƆ́LƆI 10:2

Kɔlɔ w̃áaɣalangɔ gúlo í ɣɛ́i malékai ná yaá ndaawóngɔ. I yísa h̃uu véle gɔwɔí loní yívoi liiwáá, í pékai ló kaséngi ya.

FAA YÁKƐ KƆ́LƆI 14:7

I ndéni woo wála h̃u, i ɣɛ ta, “A wúfe Ngalá má wú ndaaw̃áálɛ bɔw̃álale táingi folongá ma ngáá áá vá nungáitii kpɛ́lɛɛ kɔ́sɔma. A Ngalá fɛ́li lɛ́i í ngeleya, ndɔwɔlɔ́i, yívoi ɛ́ɣɛ njɛitii kpɛ́lɛɛ kpátɛngɔ.”

FAA YÁKƐ KƆ́LƆI 16:17

Kɛ malékai wɔféla kélei i vaá í ngí ndá váningi h̃u háá bamaí vú ngeleya. Ngoo wála i gulaí masa kpɔ́kpɔngi ŋál̃aa véle í Hɛ́ɛ́ma Yála Pɛ́lɛi wu, i ɣɛ ta, “I vilangá.”

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 4:9

Fulú wɔ́li nááningɔi sítii ti ɣɛi taá Ngalá ndaaw̃áálɛ taá ngufema hé mbɛ́ taá sɛ́ɣɛɛ gulá ma ngule h̃u, lɛ́i í héini masa kpɔ́kpɔngi h̃u kúnafɔ taá ngí ndá gúnafɔ. Ná taá ná ɣɛ́,