FAA YÁKƐ KƆ́LƆI 10:1 - Kɛ́lɛ Niinaí

¹ Ná ná í gúlani su, ngí mɔ́ɔ ngakpa máleka wala lɔní íwaa gúla ngelegóóh̃u. Njɛ bilíí i ɣɛi malékai sí w̃á kíya kula áá ɣɛ́ nuu w̃a. Ngungí w̃ááyele mbélengɔ ngáá ngele gílangi. Ngaah̃úi i ɣɛi áá hólo í ɣɛ́ foló yákpangɔ hólo, kɔwɔ́i w̃aa í ɣɛ́i áá hólo míl̃a mil̃a kíya nɔ́ɔ ngɔmbu gɛhɛ́ wála.

FAA YÁKƐ KƆ́LƆI 10:1 Iomraidhean Croise

MÁFIYU 17:2

Naa vá tɔ Jísu ɣɛ kíli w̃aa í lóvini ná ti gakála. Ngaah̃úi i holóni kíya kpéiŋ folói í na, ɛ́ɣɛ mɔ́ɔ maa gúlai wólengɔ áá hólo kíya kpéiŋ mɛl̃ɛ mɛl̃ɛ́i í na.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:27

Ná h̃úu vá, nungáitii taá nuí síí w̃ɔ́i taa ɣɛ́ ma Nuu Búsa Goo H̃ú Loí lɔ íwaa vá, i njɛ bilíi h̃u, ngakpa i ngeyá, ná vólu, áá hólo míl̃a mil̃a.

TI GƐ́Ɛ́ HAÍTII 26:13

Ná í ɣɛ́i ngáá foló yákpangɔi w̃a kínɛi, Masangí Agílepa, kɛ kíya nɔ́ɔ ngí ɣɛ́i peleí w̃a ngáá lí, ngí folo hólongi lɔ́ni nɔ́ɔ í gúla ngeleyá áá hólo i lɔ́ve folói wa. I ɣɛi áá hólo má naa ní híya polu yeláitii.

FAA YÁKƐ KƆ́LƆI 1:7

A wolílo! Jísu Kílisitii lɔ́ɔ vá vááma njɛbilií ya. Nuu kpɛ́lɛɛ táa Jísu lɔ, í báha sítii kéle tɔ mba tí pááni. Aáva nuu kpɛ́lɛɛ taa wɔ́lɔ kɔwɔ́ato mba. Tɔɔỹaá h̃u ná lɔ́ɔ vá ɣɛ́ma. Amíína.

FAA YÁKƐ KƆ́LƆI 18:1

Ná sí í gúlai su, ngí mɔ́ɔ maléka véka lɔí áá gúla ngelegóóh̃u. Ngakpa ngwála i ɣɛi ngeyá aáva íwaa hólo ngwala. Ngi hólo mil̃a mil̃angí í ngelewui sí kpɛ́lɛɛ súú ɣɛi kpál̃au.

FAA YÁKƐ KƆ́LƆI 18:21

Kɛ ngakpa máleka wala yiláá i vaa, í kɔ́tu ỹííngɔ wála yiláá ngéɣe í píli yívoi wu, i ɣɛ ta, “Ngimɔ́ɔ́ taa walái sí Babél̃ɔ áá vá wólama bú kúnafɔ nuu ɛ́i mɔ́ɔ ɣɛ na.

FAA YÁKƐ KƆ́LƆI 20:1

Kɛ ngí maléka yiláá tɔ́a áá gúla ngelegóóh̃u, ndówa wálai ná kpú ngáá mba maa kíí i ngeyá ɛ́ɣɛ njɔ́lɔwɔ wála.

FAA YÁKƐ KƆ́LƆI 4:3

Nuí ná w̃ɔ́i yááh̃ui i ɣɛí áá hólo kíya nɔ́ɔ dááma wɔtu ɛ́ɣɛ kɔtu biỹangí sí taá tolí ngáá kaníl̃iỹɔ. Ngí w̃ása kpɔkpɔngí w̃áá yelé mbélengɔ í ɣɛí lá ngáá ŋaní tá kulangɔ́ ngáá ngele gílangi áá hólo kíya nɔ́ɔ kɔtu booléi sí taa tolí ngáá ímɛla.

FAA YÁKƐ KƆ́LƆI 5:2

Ngí mɔ́ɔ maléka yakpángɔ wála lɔní íwaa wóo gúla ngáá mɔɔningí, áá ɣɛ́ ta, “Éle lɔ́ kulaɣɛngɔ́ ngáá nuu ngáá áá hómbo í tókovongi sítii máaleve í ndááwo?”

FAA YÁKƐ KƆ́LƆI 8:13

Kɛ ngí wɔ́lɛnga, ngí kóɣɛi lɔ́ áá góvo ngeleí yaá áá ndé woo wála h̃ú, áá ɣɛ́ ta, “Kpóó, kpóó, kpóó! Faa bámai í wɔ́ɔ́lɔ áá vá láma. Sí lɔ́ɔ ɣéle ɣɛ́ ngeleí sí wuu yélaitii ma, ná maléka sáángɔ vékaitii taá tí ndá búluitii fɛ.”