FAA YÁKƐ KƆ́LƆI 1:9 - Kɛ́lɛ Niinaí

⁹ Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 1:9 Iomraidhean Croise

MÁFIYU 20:23

Kɛ Jísu i ɣɛa ti w̃a, “Wá lɔɔ vá w̃áánɔw̃ɔma ngáá tɔɔỹáa kíya ngíwaa va w̃áánɔw̃ɔma, kɛ́ ngákpa ngáá ngéya ngɔ́ɔ́ lokolo nungáá wá ngáá kpéla yélaa. Ní Kɛ́ɛ́ɣɛ Ngalá í naítii ndóngɔ sítiini mbɛ í lokolongɔ́ ti wa.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 10:39

Kɛ ti Jísu woo yápotenga, ti ɣɛ́ ma, “Naá hómbo.” Kɛ Jísu i ɣɛa ti w̃a, “Wá lɔɔ vá maanɔw̃ɔ́i sí yéɣema ngíwaa vá ngéɣema. Ná vólu, saí sí ngíwaa vá mbóma, wú mbó.

NJƆÚ 16:33

Ngí fái sítii ndengá wú w̃a kɛinɔɔ́ wú ndiihéi w̃ááhɔlɔ máávele w̃a. Wá lɔ́ɔ ɣɛ́ wáá faa bá mááhɔlɔ ngeleí sí wu. Kɛ́ a liibá sífaa ngí hómbonga ngeleí sí wúu yákpangi w̃á.”

TI GƐ́Ɛ́ HAÍTII 1:15

Ná foló lɛ́ingaa í gúlani su, sítii ti langɔ́ í ɣɛ́i lá ngáá Jísu tí yátɛni mba ỹanda yílaa. Aáva tɔ́ɔ́ híti náa nuu hɔ́ndɔ ngiláá nuu vúú félengɔ ỹɔ́kɔ su. Pítɛ í yóóɣeni, í ló ti liiwáá ngáá í yɛ́pɛ.

TI GƐ́Ɛ́ HAÍTII 14:22

Ti ɣɛ́i taá kɛ ngáá háwu nungáitii ti h̃úú áa bá ti lángitii sú Jísu haaw̃a. Ná vólu, táá nduwúh̃ulɛ ngáá ti ye ngáá ti ló ti lángitii su kpáŋ. Tí ndéni ti w̃a, ti ɣɛ́ ta, “Kɛ a maá lɔve faa bámaitii su kɛinɔɔ́ a mu wála Ngalángi w̃ásandai wu.”

LÓÓMI 8:17

Na aáva a mú ngáá Ngalángi léngaa, sí í ngándɔɔlɔngɔ a muỹá lɔ́ɔ vá maahɔ́lɔma a maa Kílisitiini. A mu lɔ́ngɔ muỹá lɔɔ vá ɣɛ́ma Kílisitii yákpa maanɛɛnɛɛ ngwalaí h̃u bɔw̃álale, a muỹá lɔ́ɔ w̃áánɔw̃ɔ kíya í w̃áánɔw̃ɔni.

LÓÓMI 8:25

Kɛ́ áá ɣéle, faa lɔ́ ná í ngáá a mu gitómai kɛ́ áá nɛ́ɛ mú yaá aáva a maa náa w̃aalɛ́lɛ ngáá ndiilɔlɔ́.

KƆ́L̃E GƆ́LƆI HELE KÉLEI 1:7

Aáva ni gitómai wú hááw̃a ɛi hiɣéma kúnafɔ bɔw̃álale, ní kɔ́lɔ ngáá maanɔw̃ɔ́i ní ngeɣéngɔ wúndai wúl̃a wáá ngeɣé wá bɛ́lɛ aáva ndiiyapɔpɔ́ngi náa maahɔ́lɔ, wá bɛ́lɛ wá lɔ́ɔ wúndai w̃aahɔ́lɔ.

FÉLEPA 1:7

Ngí bɔ́ɔ́ ɣɛ sou sú ɔɔ ngálaa ɣɛ́ sou sú, aá lɔ pele w̃a ngáá kóóh̃unɛɛngɔ í ɣɛ́ la kɔwɔ́ato wú wá. Sífaa nyá lɔ́ɔ Ngalángi gééla woo vandaí w̃ááɣawo aáva ngáá ngakɛ́ ngáá nungáitii ngáá kɛ tɔɔỹaá le. Laáva wú kpɛ́lɛɛ pá wá lɔ́ ngáá ndíívo mbélaa ngengengí sí h̃u Ngalá ngí fénga ngéya kpɔwɔ́ lúw̃ama h̃u.

FÉLEPA 4:14

Ná fíli sú, wú faa vánda ɣɛngɔ́ ngáá wú bɔ́ngɔ mbá ní háá bɔlundaítii su.

TƐSALÓNIKA GƆ́LƆI HELE KÉLEI 3:5

Bɛlɛ́ Ndemɔí í kɛ ngáá háwu wú ɣɛ́ Ngalángi lóngi wɔ́lɔ ɛ́ɣɛ wú ndí ngú ma ngáá ndiibángi Kílisitii áá kɛ́ ngáá háwu wáá maahɔ́lɔ.

TÍMOTI GƆ́LƆI HELE KÉLEI 1:8

Ná hááw̃a, yálaa wúfe ngáá yɛpɛndáá kɔwɔ́ato a mu Lemɔ́i Jísu Kílisitii wa, kɛlaa yɔ́ɔ wúfe ngáá ní hái sífaa ngí kpíndi vɛlɛ́ wu bɔw̃álale nyá lɔ ngáá Kílisitii yénge mɔɔ. Kɛ́ laá ɣéle, í w̃ááhei wóngɔ í ɣɛ́ la yá bɛ́lɛ í nda w̃áánɔw̃ɔi yeɣé fááw̃a kɔwɔ́ato keela woó vándai lé fááw̃a aáva Ngalá ngáá i h̃úúba ngáá yí híya su.

HÍBULU 10:36

Kule lɔ́ wú w̃a wú líílɔlɔngɔ í ɣɛ́ la kɛinɔɔ́ wááyaa Ngalá fáitii kɛ́, aáva kuulóngai sítii pa Ngalá ngí mbóngɔ ngáá wú yé aa kɛ ngáá háwu ti hítɛ nga.

PÍTƐ HESENDAA GƆLƆÍ 5:1

Nyá lɔɔ yɛ́pɛ naa wú yéle wɛ́i wú ngáá kele ɣelé mbélaitii Ngala fɛ́li mbélai faaw̃a, nyɛ́i nyá bɛ́lɛ ngí ngáá kele ɣelé mɔ́ɔ Ngala fɛ́li mbélai faaw̃a. Nyá lɔ́ɔ yɛ́pɛ wú yelé ngáá lií kpɛ́lɛɛ. Ngí tɔ́i maanɔw̃ɔ́i í wói ngáá Kílisitii. Aáva maanɛɛ́ wálai ná í su, aá lɔɔ vá kɛmá ngáá háwu ngí ɣɛ ta h̃u naa hɔwɔ́i ná áá vá gúlama kɛ́lɛma. Wú w̃áánɛɛnɛngɔ gíte le,

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:2

Sí kínɛi pá Njɔú í súúlɔni, í tí lení. Sí vá tɔ í ngáá konángi kɔwɔ́ato kééla woí sí wa Ngala ngí pílini, Jísu Kílisitii í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 1:4

Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 1:6

Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 11:7

Ná taa víla Ngala ndáá háá léma, ngakpa súwai sí áá gúla ndowái sí h̃u kpu ngáá mba, aa lapi ngáá ti ye, í hómbo ti w̃a, í tí váá.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 12:17

Kaalii liiyáw̃al̃angɔ i ɣɛi náá lá nyah̃ápoi w̃á ngwala, náá hááw̃a, i hiɣeí naá nyah̃ápoi vólu ngáá í lí í lápi ngáá ngí léngaitii taa ngí láála lengáitii, ná wáá ngáá, sítii táa híya ngáá Ngalá saváitii ɛ́ɣɛ ti langɔ ngáá tɔɔỹaá gálambongi Jísu í mbóni.

FAA YÁKƐ KƆ́LƆI 13:10

Nuí fíli kpatɛngɔ́ ndaaw̃á ngáá tí sóu, kɛ tí sóu. Nuí fíli pá kpatɛngɔ́ ndaaw̃á ngáá kɛ í ló mbowá hɔ́kpɔ yá, kɛ í ló nga. Ngoí sí lɔ́ ná ngáá í kɛ ngáá háwu Ngalángi vóngaitii ndiilɔ́lɔngɔ í ɣɛ́ lá, ti lɔwɔbáɣangɔ í ɣɛ́ lá Ngála ngéya.”

FAA YÁKƐ KƆ́LƆI 14:12

Ngoí sí lɔ́ ná ngáá í kɛ́ ngáá háwu Ngalángi vóngaitii tiyɛ́i ti golongɔ́ ngí hávaitii mbu ɛ́ɣɛ ti lɔwɔbáɣangɔ í ɣɛ́ lá Jísu yaá tí liilɔ́lɔngɔ í ɣɛ́ la.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 3:10

Kolongí wú su ndáá wói wú a ndi ngu ma ngáá ndiilɔlɔ́, nyá lɔ́ɔ vá wú w̃ááh̃u bélema faa bámai sí yáa aá vá vááma nuu kpɛ́lɛɛ mááh̃u ngeleí sí wú suugɔ́vɔngi hááw̃a.

FAA YÁKƐ KƆ́LƆI 6:9

Kɛ Mbaalaí í mɔ́ɔ́ tokovongí lɔ́ɔ́lu kélei w̃áálevenga. Ná ngí wɔ́lɛni na, sítii tí ɣɛ́i tí vááni ngí tí yáfuw̃angaitii tɔní Ngala sááɣa gúla tútui gakála. Tí tí vááni bɔw̃álale tí Ngalangí gééla woí léni aáva tí ló ma.

FAA YÁKƐ KƆ́LƆI 7:14

Ngí ngóó yápoteni, ngí ɣɛ́ ma, “Kawálai, ngáá ti wɔ́lɔ. Yá lɔ́ yí tí wɔ́lɔ.” Kɛ i ɣɛa ma, “Sítii tɔ́ tí hómbongɔ tí híya faa báma walaí h̃u ngelewu. Tí tí jógbongaitii nguyangɔ fó, ngáá Mbaalai haaɣa hai ỹááw̃ɔi i mbóni í tí wóle fó.