FAA YÁKƐ KƆ́LƆI 1:6 - Kɛ́lɛ Niinaí

⁶ Jísu i mɔɔ mu ɣɛ́a ngáá saáɣa gúla mbélaa ngi w̃ásandai h̃u ngáá maayáá yénge maá tiyéni ngi Yálangi yɛ́, lɛ́i í ngáá ngi Kɛ́ɛ́ɣɛ. Bɛlɛ́ Jísu Kílisitii laaw̃áá í lɛ́ ngakpá ngí ɣɛ́ mbɛ kúnafɔ taá ngí ndá gúnafɔ! Amíína.

FAA YÁKƐ KƆ́LƆI 1:6 Iomraidhean Croise

MÁFIYU 6:13

Yálaa kɛ ngáá háwu suugɔ́vɔ kpángɔ ɔ́ɔ́ vá ni yelé ɔ́ɔ́ kɛ nɔɔ́ faa ỹɔ́u ɣɛ, kɛ́ yí ní w̃ááh̃u béle Ngutuwɔ́ Ỹína Nyɔí yáá.’

NJƆÚ 5:23

I sí ɣɛ́ngɔ kɛinɔɔ́ nuu kpɛ́lɛɛ taa ɣɛ́a wúfe ngi H̃íỹɛndou Loí w̃a kíya nɔ́ɔ táá wúfe laa Kɛɛɣɛí Ngalá ma. Nuí fíli ɛ́i ɣɛ́ ngufema héni mbɛ, kɛ maa w̃ɔ́i aa ngufema hemá Kɛ́ɛ́ɣɛi Ngalá mbɛ lɛí í tɔvengɔ́.”

LÓÓMI 11:36

Faa kpɛ́lɛɛ i gulangɔ́ Ngála ngeyá, laá lɔ́ í ŋáni kpɛ́lɛɛ kpátɛngɔ, laá vá tɔ kpɛ́lɛɛ áá ngápu tóko h̃u. Bɛlɛ́ ndaaw̃áá í lɛ́ kúnafɔ taá ngí ndá gúnafɔ! Amíína.

LÓÓMI 15:6

Ná ná áá ɣɛ́, wáá héiw̃aa ɣɛ náá yíla, wú woo i ɣɛ́ su yíla wúwaa Ngála ndaaw̃áálɛ lɛí í ngáá Kɛɛɣɛí a mu Lemɔ́i Jísu Kílisitii hááw̃a.

FÉLEPA 2:11

Nuu kpɛ́lɛɛ pá taá nde lííwaa wála ngáá Jísu Kílisitii lɔ í ngáá Ndemɔí kɛinɔɔ́ Kɛɛɣɛí Ngalá í ngúfema w̃ááhɔlɔ su.

TÍMOTI HESENDAA GƆLƆÍ 6:16

Ngalá ngílaa kpé pá tɔ ɛ́i há kúnafɔ, aá lɔ lámbo fo ngwalaí sí yá nuu fíli ɛ́i hómbo ɔ́ɔ́ bɛ́ɛ́ mba. Nápa nuu fíli áá nɛɛ tɔ́i, nuu fíli pá ɛi hómbo ɔ́ɔ́ tɔ kúnafɔ. Bɛlɛ́ ngufema í ɣɛ́ mbɛ, ngákpa ngí ɣɛ́ ngeyá kúnafɔ! Amíína.

PÍTƐ HESENDAA GƆLƆÍ 4:11

Nuí fíli áá Ngála ngóó le, keela wói áá nde, í ɣɛ́ ngáá Ngala kééla woí. Nuí fíli pá áá ɣɛ́ ngáá kpɔmba hé mɔ́ɔ, Ngalángi ɣɛ́ la áá ɣɛ́ maa yákpangi héni mbɛ. Ná í ɣɛ h̃íí kɛinɔɔ́ faa kpɛ́lɛɛ su, Ngalá ngí tɛ maahɔ́lɔ Jísu Kílisitii w̃aa véle w̃a lɛ́i ngufema kpɛ́lɛɛ í ngeyá ɛ́ɣɛ ngakpángi kpɛ́lɛɛ kúnafɔ taá ngí ndá gúnafɔ. Amíína.

PÍTƐ HESENDAA GƆLƆÍ 5:11

Bɛlɛ́ Ngalángi w̃ásandai í ló na kái kúnafɔ taa ngi ndá gúnafɔ! Amíína.

PÍTƐ GƆ́LƆI HELE KÉLEI 3:18

Kɛ́ aá ɣéle, a ndi ngu ma ngáá lɛɛh̃úi h̃uuhíyandaa Ndemɔí Jísu háá bɔwɔí w̃áá véle w̃a lɛ́i í ngáá mu Wúmaawo Mɔ́i, wu ɣɛ́ nɔ́ɔ wáá ɣɛ́ kɔlɔ kélei. A maayáá mu Lemɔ́i Jísu Kílisitii lɛ́ máá ngufema hé mbɛ í séi háá w̃a í lí ngáá naa lúwɔ kúnafɔ! Amíína.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 20:6

Aá lɔ́ ngáá faa vánda sítii faaw̃a Ngalá ngáá vá ti yooɣéma sái h̃u hése. Tiyá lɔ́ na séɣe héɣe Ngala fááw̃a. Saí héle kélei ɛ́i mɔ́ɔ ti w̃áále. Taá ɣɛ́ náá ngáá saáɣa gula mbélaa Ngala mbɛ́ ɛ́ɣɛ Kílisitii ti mɔ́ɔ ɣɛ ngáa masangáá taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 4:11

“Ni Lemɔ́i ɛ́ɣɛ ni Yálangi, yá lɔ́ í gúlaɣɛngɔ ngáá nuu ngáá yí sɛ́ɣɛɛ gula ma w̃ááhɔlɔ taá ngufema. Ná vólu, yí ndaaw̃áálɛ mááhɔlɔ í yákpangi hááw̃a. Sífaa yí ngélewu kpɛ́lɛɛ kpátɛngɔ aáva i ɣɛngɔ ngáá í háá h̃úubatɛ ngáá yí kɛ́ngɔ ngáá háwu tí ɣɛ́ na aáva yí ndɛɛh̃ú vú tí h̃u.”

FAA YÁKƐ KƆ́LƆI 5:10

Yí ti ɣɛngá ngáá saáɣa gula mbélaa í w̃ásandai h̃u ngáá tí yénge mu Yálangi yɛ. Ná vólu, tí ɣɛ ngáá masangáá ngeleí sí wu.”