FAA YÁKƐ KƆ́LƆI 1:5 - Kɛ́lɛ Niinaí

⁵ Ɛ́ɣɛ mɔ́ɔ, ti gúla Jísu Kílisitii yáa lɛ́i í ngáá tɔ́wɔbaɣa héélei í ngáá hésendaa w̃ɔ́i Ngala ngí mbuyoɣéni sái h̃u, ɛ́ɣɛ lɛ́i í ngáá ngakpa mása ngwálai ndɔwɔlɔ́ w̃ásangaitii mááh̃u ngeleí sí wu. Jísu Kílisitii i loi ngáá mu ye, aáva í lɛɛhúi gúlani kɛlɛ́ma ngáá saáɣa haí í mbóni, í mú gúla faa ỹɔ́u ɣɛ́ndaa yakpangí wu.

FAA YÁKƐ KƆ́LƆI 1:5 Iomraidhean Croise

MÁFIYU 20:28

Kíya nɔ́ɔ nuí síí w̃ɔ́i taa ɣɛ́ ma Nuu Búsa Goo H̃ú Loí ɣéle tɔ aa vaangɔ́ ngáá nungáá ti w̃ɔ́l̃ɛ mbɛ. Kɛ́ laá ɣéle, i vaangɔ́ ngáá í ɣɛ́ ngáá mɔl̃ɛ́ w̃ɔ́ɔ́ nungáá yɛ, ná vólu, í lɛɛh̃úi gúla kɛ́lɛma nuu bíh̃iw̃aa ti wumááwo fááw̃a.”

MÁFIYU 28:18

Kɛ́ Jísu i vuuvaní ti béla, i ɣɛ ti w̃a, “Ngakpángi sí í ngelegóóh̃u ɛ́ɣɛ ngeleí sí wu, Ngala ngí ti hénga ngéya.

NJƆÚ 13:1

P̃ɛ́ɛ́ Júsuai ti Wumááwo Kúi ɔ́ɔ́ foló ma foló vékai w̃a, Jísu i ɣɛi suuwɔlɔ́ ngáá táingi i folónga ma ngáá íwaa vá náa híɣema ngeleí sí wu í lí Kɛɛɣɛí Ngala ngéle. Aáva hɔ́wɔ fíli i ɣɛi loí ngáá nungái sítii ti langɔ́ í ɣɛ́i lá lá, ti ngáá polú yélaa ngeleí sí wu. I ɣɛi loí ngáá ti ye í ló su bɛ́lɛ í foló naa h̃uu kái kái má í sáá w̃ááhɔlɔni.

NJƆÚ 13:34

Sava níína lɔ náá múl̃ɔ ngíwaa nda wú yáá. Ná wáá ngáá, a ló ngáá ỹɔw̃ɔ́ ỹɔ́w̃ɔ. Kɛ kíya ngí loá ngáá wú ye, ngimɔ́ɔ́ kule í wú w̃a wú ló ngáá ỹɔw̃ɔ́ ỹɔ́w̃ɔ.

NJƆÚ 15:9

Kɛ kíya ní Kɛ́ɛ́ɣɛ longɔ́ ngáá ngé, ngimɔ́ɔ́ nɔ́ɔ ndóngɔɔ ngáá wú ye. Faalɔ, a kɛ ngáá háwu ngí ndí ngú ma ngáá ndongí ngáá ɣɛ su ngáá wu ye.

NJƆÚ 18:37

Kɛ Páilɛɛ i mɔɔ Jísu w̃ɔɔningá, i ɣɛ ma, “Ná ná áá ɣɛ́, kɛ yá lɔ́ ngáá masa?” Ná í ngoo yápotei, i ɣɛ ma, “Yá lɔ́ nde ngáá nyá lɔ́ ngáá masa kɛ́ nyá lɔ́ nde ngáá ti ndéngɔ ngáá ngí vá ngeleí sí wu ngáá ngí faa yákɛ kɔwɔ́ato tɔɔỹái wa. Nuí fíli pá áá ɣɛ́ tɔɔỹaá gakaí w̃á aa wolílo ndáá wói w̃a.”

NJƆÚ 3:11

Í mɔ́ɔ́ ɣɛ Nekodímɔ w̃a, “Ngí tɔ́ɔỹai le í w̃a, sí ní kɔ́lɔ, laá lɔ́ naá yɛ́pɛ kɔwɔ́ato mba wú yéle, sí va ní naa lɔngá niỹá gíte, laá lɔ́ naá nde wú w̃a. Kɛ́ ná fíli su, nuu áá lói ɔ́ɔ́ lokohéi ni gééla woí wu.

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

NJƆÚ 3:32

Aa faa lé kɔwɔ́ato sí wa í tɔngá, ná vólu, í mɛ́ninga, kɛ́ nuu fíli ɛi lokohéi ngi gééla woí wu.

TI GƐ́Ɛ́ HAÍTII 20:28

A bɔwɔ́ w̃aah̃ú belé, ná vólu, wú sítii kínɛi mááh̃u béle Hɛ́ɛ́ma Ỹínangi í wú ɣɛ́nga ngáá ti wutúwɔɔ yélaa. A ɣɛ́ ngáá wú mbála Yalá fɛ́li mbélai ti w̃ááh̃u béle mbélaa wɛ́i wáá tiyéi Ngalángi í wú h̃ɔ́w̃ɔ hengá ngáá kpɔwɔ́ bɔ́wɔ H̃íỹɛndou Loí ná wáá ngáá, saáɣa haí sí í mbóngɔ.

TI GƐ́Ɛ́ HAÍTII 26:23

Ná wáá ngáá, sí tí ndéni ngáá kɛ taá Ngalángi Lókolo Mbá W̃ɔ́i vaa. Aáva laá lɔ í ngáá hése ndáá w̃ɔɔ áá vá wuyoɣéma sái h̃u, aáva aa ngumaawóngi w̃aa hehe wo ngi vóngaitiini ma ɛ́ɣɛ sítii taa ngáá Júsua kɛ kíya nɔ́ɔ folo hólongi áá kpindíi h̃úú ɣɛ kpál̃au.”

LÓÓMI 3:25

Ngalá ngí tɔvení ngáá í ɣɛ́ ngáá saáɣa kɛinɔɔ́ laá Jísu w̃áá véle w̃a nuu búsa h̃úúhaa í ló ti háá ỹɔítii sú ti lángi w̃áá véle w̃á taa ɣɛ́ sú lá. Ngalá ngí sí ɣɛ́ngɔ kɛinɔɔ́ í ngí lélembongi yákɛ. Wɔ́lɔ wɔ́lɔ mái h̃u, Ngalá ngí liilɔ́lɔni í yááh̃u víli nungáitii ti háá ỹɔítii mááh̃u.

LÓÓMI 8:37

Kɛ́ faa kpɛ́lɛɛ sú, a mu hombóndaa lɔ́ faa kpɛ́lɛɛ mááh̃u. Aáva sí aa ɣɛ́ h̃íi Jísu Kílisitii w̃aa véle w̃a lɛ́i ndóngɔ ngáá mu ye.

KƆ́L̃E HESENDAA GƆLƆÍ 6:11

Aáva ngimɔ́ɔ́ wú lɛ́ingaa wú ɣɛ́ngɔ na. Kɛ́ wú wúyangɔɔ lé náa faa ỹɔ́i yaa. Ngala ngí kɛ́a ngáá háwu tɔmbema w̃áá fíli aa wú wá. Wú ɣɛ́a ngáá telembo mbélaa Ngala ngááh̃u Ndemɔí Jísu Kílisitii laahéingi h̃u ɛ́ɣɛ Hɛ́ɛ́ma Ỹínangi w̃áá véle w̃a.

GALÉSIYA 2:20

aáva ngáá mɔ́ɔ ndɛɛh̃ú h̃u bɔwɔ́ hááw̃a kɛ́ Kílisitii lɔ́ náa ngí su faaw̃a. Ndɛɛh̃úi sí ngí su náa sí h̃úi, nyá lɔ su ndangí w̃aa véle w̃a ngí su ngáá Ngalángi H̃íỹɛndou Lói lɛ́i í longɔ́ ngáá ngé í lɛ́ɛ́h̃ui gúla kɛlɛ́ma fááw̃a.

Ɛ́FƐSƆ 2:4

Kɛ́ maaw̃aanúi í Ngalá ngeyá mu hááw̃a ɛ́ɣɛ ndongí í su ngáá mu ye ngwala h̃uu í wɔ́ɔ́lɔ.

Ɛ́FƐSƆ 5:2

Wú gɛ́ɛ́ háitii taa wú híya veléitii ndo ngí ɣɛ́ ti h̃u kíya nɔ́ɔ Kílisitii í lóngɔ ngáá mu ye, í lɛɛh̃úi gúlangɔ kɛ́lɛma mu haáw̃a ngáá saáɣa vanda Ngalángi ndaahóungɔ.

KƆLƆ́SE 1:18

Kílisitii lɔ́ í ngáá Ngalá fɛ́li mbélai ti wungí. Ngalá fɛ́li mbélai pa tiyá lɔ́ Kílisitii wa kíya nɔ́ɔ nuu lúwui áá ɣɛ nuu w̃a. Aá va tɔ áá kɛ́ ngáá háwu Ngalá fɛ́li mbélai táa ɣɛ́ ndɛɛh̃u gítei h̃u. Aá vá tɔ́ í ngáá hésendaa w̃ɔí Ngala ngí mbuyoɣéni sái h̃u, kɛinɔɔ́ ngilaá kpé ngoo í ɣɛ́ nda ŋani kpɛ́lɛɛ mááh̃u.

TÍMOTI HESENDAA GƆLƆÍ 6:13

Ngalá tɔ́ í ngáá ní héélei lɛ́i í ndɛɛh̃ú héngɔ ŋani kpɛ́lɛɛ mbɛ́ ɛ́ɣɛ Jísu Kílisitii lɛ́i áá gúlai woo w̃á P̃ɔ́tiyɔ Páilɛɛ gakála tɔɔỹái le fái h̃u kɔwɔ́ato Ngalá mba ngáá ngí fái sítii ndéa í w̃a ngáá yí ɣɛ yáá tí ɣɛ.

TÍMOTI HESENDAA GƆLƆÍ 6:15

Jísu lɔɔ vá vááma naa hɔwɔí kái káingi ná w̃a Ngalá ngí suubátɛngɔ ngáá í vá ma. Hɛ́ɛ́ma Yalángi sí yílaa kpé tɔ í ngáá Ngutuwɔ́ W̃ɔ́ɔ́ Walaí, í ngáá Masa Ngwála ndɔwɔlɔ w̃ásangaitii kpɛ́lɛɛ mááh̃u ɛ́ɣɛ í ngáá Ndemɔi nde mbélaitii kpɛ́lɛɛ mááh̃u.

HÍBULU 10:29

Kɛlaa nuí sí áá Ngalángi H̃íỹɛndou Loí háá h̃uuh̃ándɛ ɛ́ɣɛ saáɣa haí Jísu í mbóni í kɛ́lɛngi w̃ááh̃u yílini Ngala ngí ngéɣengɔ ti lówah̃u taá ngi vóngaitiini áá mú w̃ááw̃uỹa fó faa ỹɔ́i yaá nuí áá ná yéɣe ngáá faa gúlo múl̃ɔ, í mɔ́ɔ́ Hɛ́ɛ́ma Ỹínangi sí h̃úúhalata lɛ́i í ngáá faa bɔ́wɔ w̃ɔɔ, maa w̃ɔ́i ndá háá bamaí ɣéle aa ɣɛ́ wɔɔlɔ í lɔ́ve kpɛ́lɛɛ kpɛ́lɛɛ mba.

HÍBULU 9:14

Ná ɣɛ́ndai ɣéle na ɔ́ɔ́ kpalo wúya nuu w̃a kɛlaa Kílisitii ỹááw̃ɔi, laá ɣéle p̃ɛ́ɛ́, aa hombó í faa wála ɣɛ́ í lɔ́ve ná wa. Hɛ́ɛ́ma Ỹínangi w̃áá véle w̃a í na kúnafɔ, Kílisitii í bɔwɔ́ gúlani ngáá Ngala sááɣa faa ỹɔ́u vó fíli áá mba. Ngi ỹááw̃ɔi w̃áá véle w̃a, a mu gi máitii kɛ kíli aa batɛ́ ngáá a mu lóko ɛ́i mɔ́ɔ́ ɣɛ ngangímba lála háitii mba nuu áá kɛ kɛinɔɔ́ a maayáá yengé Ngalá mbɛ lɛ́i í ndɛɛh̃ú h̃u.

PÍTƐ HESENDAA GƆLƆÍ 1:19

Kɛ́ aá ɣéle, sí í wú wúmaawongɔ aá waa ngáá saáɣa hái Kílisitii í mbóngɔ kulɔ́sii w̃a lɛ́i ngangimbá ngwala. Laáva ngi hái gulangɔ́ í ɣɛ́ngɔ lá ngáá kíya saáɣa waala áá ɣɛ́ na faa fíli ɛ́i ɣɛ́ mba kɛlaa polí kúlo ɣéle tɔ ɔ́ɔ́ ɣɛ́ ma.

NJƆÚ HESENDAA GƆLƆÍ 1:7

Kɛ́ ná a maa ɣɛ́ kala kála ma kíya nɔ́ɔ Ngalá kpútei í ná, í kála kála ma, ná ná áá ɣɛ́, kɛ a mu háá lɔ nɔ́ɔ su yíla. Aáva saáɣa haí Ngalángi H̃íỹɛndou Loí Jísu í mbóngɔ, aa mu wúya fó, faa ỹɔ́u fíli ɛi ɣɛ mu h̃u.

NJƆÚ HESENDAA GƆLƆÍ 4:10

Ndongí gítei aa ngáá ndongí mu sú ngáá Ngala kɛ́ aá wáa ngáá ndongí Ngala ngí su ngáá mu ye í ngi H̃íỹɛndou Loí lɔ́vengɔ ma ngáá saáɣa a mu háá ỹɔítii suuhaaló fááw̃a.

FAA YÁKƐ KƆ́LƆI 11:15

Kɛ malékai wɔféla kélei i ngí ndá búlui hɛ́nga. Ná í ná ɣɛ́ni, ngí ngóó wála walaní mɛ́nini táa gúla ngelegóóh̃u, táa ɣɛ́ ta, “Ngakpángi sí áá núu ɣɛ́ ngáá masa ngeleí sí wu, áá lɔ́ mu Lemɔ́i Ngalá fááw̃a ɛ́ɣɛ ngí Lókolo Mbá W̃ɔ́i, aáva aa ɣɛ ngáá masa kúnafɔ taá ngí ndá gúnafɔ.”

FAA YÁKƐ KƆ́LƆI 11:3

ná wáá ngáá, foló tásu ngilaa hɔ́ndɔ félengɔ puu ngɔ́hitangɔ (1,260) laá lówah̃u. Ná h̃úú vá tɔ́ ndáá háá lé mbélaa félengɔi ngáá ti lɔ́ve táa vá ti ndáá háá lé. Ti w̃ááyilingɔ áá ɣɛ́ lá ngáá kúlai kpatɛngɔ́ ngáá njée kpélengi ngáá áá ngákɛ ngáá kɛ aa lɔ ngáá maaw̃aanú háa.”

FAA YÁKƐ KƆ́LƆI 17:14

Ngakpa súwai sí ɛ́ɣɛ ngí w̃ása púúngɔitii, tiyá lɔ́ vá ndapi vɛ́lɛma Mbaalaí wá. Kɛ́ Mbaalaí taa polú yélaitii tiyá lɔ́ɔ hómbo ngakpa súwai sí w̃a ɛ́ɣɛ polú yélaitii. Mbaalaí sí lɔ́ ngáá Ndemɔí nde mbélaitii kpɛ́lɛɛ fááw̃a ɛ́ɣɛ masa ngwálai masangáitii kpɛ́lɛɛ fááw̃a aáva polú yélaitii mbaa ngáá sítii Ngala ngí ti lolíngɔ, í lókolo tí wa aáva ti lɔwɔbáɣangɔ ngeyá.”

FAA YÁKƐ KƆ́LƆI 19:11

Kɛ ngí tɔ́a ngelegóóh̃u laa í wó soo woléngi i ná. Soo woléngi sí híya mɔ́i taa ɣɛ ma Tokola Ma W̃ɔ́ɔ́ ɛ́ɣɛ Tɔɔỹaá W̃ɔ́ɔ́ aáva ngi háá waalévengi ɛ́ɣɛ ngí gɔ́i áá kɔ́ taa ɣɛ́ telembo péle w̃á.

FAA YÁKƐ KƆ́LƆI 19:16

Jogbongí í ɣɛ́i ma, ndaahéingi vɔ́nɛngɔ i ɣɛi lá ma, pɔnɛngɔ́ múl̃ɔ kpálai w̃a. Ndaahéingi ná i ɣɛi ngáá sí, “Ndɔwɔlɔ́ W̃ása Ngwalaí ndɔwɔlɔ w̃ásangaitii fááw̃a ɛ́ɣɛ Ndemɔí nde mbélaitii kpɛ́lɛɛ fááw̃a.”

FAA YÁKƐ KƆ́LƆI 2:13

Ngí súúwɔlɔ ngáá kɛ mbéi wú na, na lɔ Setána w̃asandaí í na. Wú lɔ́wɔbaɣangɔɔ lé ngéya, wú lángi sí wú sú ngáá ngé wáá nɛ́ɛ́ kúlai yáa. Wáá ní hái gúlani yáa ná h̃ú bɛ́lɛ ti ní lɔ́wɔbaɣa yengé mɔí Átipa vááni mbéi Setána í na.

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.

FAA YÁKƐ KƆ́LƆI 7:14

Ngí ngóó yápoteni, ngí ɣɛ́ ma, “Kawálai, ngáá ti wɔ́lɔ. Yá lɔ́ yí tí wɔ́lɔ.” Kɛ i ɣɛa ma, “Sítii tɔ́ tí hómbongɔ tí híya faa báma walaí h̃u ngelewu. Tí tí jógbongaitii nguyangɔ fó, ngáá Mbaalai haaɣa hai ỹááw̃ɔi i mbóni í tí wóle fó.