FAA YÁKƐ KƆ́LƆI 1:4 - Kɛ́lɛ Niinaí

⁴ Nyɛ́i ngí ngáá Njɔú, nyáá lɔ́ɔ kɔlɔí sí vɔ́nɛ wú yéle wɛ́i wú ngáá Ngala fɛ́li kúúwu ngɔ́felangɔitii wu Ésiya lataí h̃u. Ngala lɛ́i í na kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma, bɛlɛ́ ngi háá bɔwɔí ɛ́ɣɛ ngi lííhei ti ɣɛ́ wú yɛ́. Tí mɔ́ɔ́ gúla ỹína panda ngɔ́felangɔitii ngeyá tí ngi yéngengi h̃u ngi w̃ása kpɔkpɔngí gákala.

FAA YÁKƐ KƆ́LƆI 1:4 Iomraidhean Croise

NJƆÚ 1:1

Ngetéyangi lɔkúla héimai lɛ́i taa ɣɛ́ ma Keela Wói bɛ́lɛ i ɣɛi náá na. Keela Wói vá i ɣɛi na taá Ngalá. Keela Wói sí vá i ɣɛi ngáá Ngalá.

TI GƐ́Ɛ́ HAÍTII 19:10

Faí sí i ndií ngu ma fowó félengɔ laa lówah̃u, laáva i kɛní Júsuai sítii ɛ́ɣɛ Gilísiai sítii ti ɣɛ́i Ésiya lataí ná h̃u tí Ndemɔí Jísu laa wói ỹɛ́nini.

TI GƐ́Ɛ́ HAÍTII 2:9

Aáva ni gúlangɔ mbéitii taá náitii tolí ngáá Pátiya, Médiya, Ila, Mɛsɛpɔtémiya, Judíya, Kapadósiya, Pɔ́tɔ, Ésiya,

LÓÓMI 1:7

Aáva nyá lɔ́ ngíwaa kɔ́lɔi sí vɔ́nɛ wú kpɛ́lɛɛ ngéle wú táa walái sí h̃u taá náá lolí ngáá Lóómi, wɛ́i wá bɛ́lɛ Ngalá ndóngɔ ngáá wú ye aáva i wú lólinga ngáá wú ɣɛ́ ngáá ngi vóngaa. Bɛlɛ́ a mu Kɛ́ɛ́ɣɛ Ngalá ɛ́ɣɛ a mu Lemɔ́i Jísu Kílisitii tí háá bɔwɔí ɛ́ɣɛ ti lííhei ti ɣɛ́ wú yɛ.

KƆ́L̃E HESENDAA GƆLƆÍ 1:3

Bɛlɛ́ mu Kɛ́ɛ́ɣɛ Ngalá ɛ́ɣɛ Ndemɔí Jísu Kílisitii ti háá bɔwɔí ɛ́ɣɛ ti lííhei tí ɣɛ́ wú yɛ́.

KƆ́L̃E GƆ́LƆI HELE KÉLEI 1:2

Bɛlɛ́ a mu Kɛ́ɛ́ɣɛ Ngalá ɛ́ɣɛ Ndemɔí Jísu Kílisitii ti háá bɔwɔí ɛ́ɣɛ ti lííhei ti ɣɛ́ wú yɛ́.

HÍBULU 13:8

Jísu Kílisitii ɣɛ kíli w̃aa ɛ́i lóvi sí h̃úi, laá va maa áá lóvi wɔ́lɔ, maa vá ngɛi lovi kúnafɔ.

JIMISÍ 1:17

Faa vándai fíli a maá maahɔ́lɔ aáva tɔmbema w̃áá fíli ɛ́i ɣɛ́ mba, kɛ ná i gulangɔ́ ngelegóóh̃u. Ngalá pá tɔ áá ɣɛ́ féi a mu yaá, lɛ́i í ŋániaitii kpɛ́lɛɛ kpátɛngɔ tí ngeleya táá hólo, lɛ́i nɔ́ɔ́ mɔ́ɔ́ ɛ́i faa lé ɔ́ɔ́ síɣe ma ngáá volú yáfendaa kɛ kíya folói áá vólu yáfe kpindíí áá vɛ́lɛ.

FAA YÁKƐ KƆ́LƆI 1:1

Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:17

Ná ngí tɔ́ni, ngí lái kɔwɔ́ wú í ɣɛ́ nuu háángɔ ɣɛ kíli. I yísa lokói vɛ́lɛni má, i ɣɛ má, “Yaa lúwa! Nyáá lé, nyɛ́i ngí ngáá hésendaa w̃ɔí faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 1:8

Ndemɔí Ngákpa Ngála Ngwalaí lɛ́i í ná kúnafɔ lɛ́i í ɣɛ́i na wɔ́lɔ ɛ́ɣɛ lɛ́i áa vá vááma i ndéni, í ɣɛ ta, “Nyáá lɔ́ ngí ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i.”

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 16:5

Kɛ ngí malékai sí woo ỹɛ́nia njei yɛ́itii tí tóko h̃u i ɣɛ ta, “Yɛ́i faa ỹɔ́u áá í h̃ú, yɛ́i yí ɣɛ́ngɔ na wɔ́lɔ, yí na sí h̃u, yí fái sí waalévea ngáá telembo péle.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:18

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Tayatálɔ taí h̃u. ‘Sí lɔ́ í ngáá keela wói áa gúla Ngalángi H̃íỹɛndou Loí yáa lɛ́i ngaah̃u gɛ́hɛi áa hólo sú í ɣɛ́ ngɔ́mbu hó ɛ́ɣɛ lɛ́i sí kɔwɔ́i w̃aa áá hólo míl̃a mil̃a í ɣɛ́ góóli wuyangɔ́.

FAA YÁKƐ KƆ́LƆI 2:8

I mɔɔ ɣɛi má, “Kééla wói sí vɔ́nɛ malékai sí yéle í Ngala fɛ́li mbélaitii maah̃u tí Símɛna taa h̃u. ‘Sí lɔ́ í ngáá kééla wói áá gúla síí w̃ɔ́i yaá í ngáá hésendaa w̃ɔ́i faa kpɛ́lɛɛ tɔ́kula héimai ɛ́ɣɛ ngakɛɛlɛ́ mɔ́i, lɛ́i í háángɔ, kɛ́ i ndɛɛh̃uu h̃ú múl̃ɔ.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:8

Nyɛ́i ngí ngáá Njɔú, ngí fái sí ỹɛ́nini aáva ngi kpɛ́lɛɛ súúlɔ. Ná ngí vílai kpɛ́lɛɛ mɛ́nima ɛ́ɣɛ súúlɔma, ngí hítɛi wúmbu yá malékai sí gákala í fái sítii kɛ́ni ngáá ngé ngáá ngí fɛli.

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.

FAA YÁKƐ KƆ́LƆI 3:14

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Leyodésiya tái h̃u. ‘Sí lɔ́ í ngáá keela wói áá gúla síí w̃ɔ́i yáa taa ɣɛ́ ma Amíína í ngáá tɔ́wɔbaɣa w̃ɔ́i ɛ́ɣɛ tɔɔỹáá héélei lɛ́i maa véle w̃a Ngala ngí ŋani kpɛ́lɛɛ kpátɛngɔ.

FAA YÁKƐ KƆ́LƆI 3:7

I mɔɔ ɣɛi má, “Keela wói sí vɔ́nɛ malékai sí yéle í Ngála fɛ́li mbélaitii mááh̃u tí Feladɛ́fiya tái h̃u. ‘Sí lɔ́ í ngáá keela wói áa gúla síí w̃ɔ́i yáa faa ỹɔ́u áa su aáva tɔɔỹáángɔ. Aá lɔ́ kíi í ngéya Masangí Deevé vɛ́lɛi hááw̃a. Ná áa ndááwo, nuu fíli ɛi hombó ɔ́ɔ́ kpɔ́lu aáva ná áa ndaabɔ́lu, nuu fíli ɛí hombó ɔ́ɔ́ ndááwo.

FAA YÁKƐ KƆ́LƆI 4:5

Mbéi masa ngwálai bɔ́kpɔngi sí í na, ngeleí i ɣɛí áá ɣɛ́ na míỹa míỹa, ngele bandɛ́i áá bɔ́ɔ́lɔ na, ngoí yángi w̃ɔ́nu na. Ngalí ngɔ́felangɔ i ɣɛi lóni masa ngwálai bɔ́kpɔngi gákala áá hó. Ngalí ngɔ́felangɔi nátii tɔ ti ngáá Ngalangí ỹína ngɔ́felangɔitii.

FAA YÁKƐ KƆ́LƆI 4:8

Kovóngi i ɣɛi fulú wɔ́li nááningɔi nátii mba ngáá ngɔhíta ngɔ́hita, ɛ́ɣɛ ti yaah̃úi i ɣɛi ti yelé mbélengɔ, ti góvongitii mbu ɣéle tɔ. Tiyá lɔ́ɔ nɔ́ɔ fɔ́ ngule hɔ́ɔ́lɛndaa ya kpindí p̃ɛ́ɛ́ taá foló. Ti ɣɛ́i taá ɣɛ́ ta, “Ndemɔí Ngála, lɛ́i í ngáá ngakpa mɔ́ɔ́ walaí faa ỹɔ́u fíli áá sú, lɛ́i í na kúnafɔ, lɛ́i í ɣɛ́i na wɔ́lɔ ɛ́ɣɛ lɛ́i áá vá vááma.”

FAA YÁKƐ KƆ́LƆI 5:6

Kɛ ngí Mbáálai lɔ́nga í lóóni masa ngwálai bɔ́kpɔngi béla, maayéle mbélengɔ ngáá fulú wɔ́li nááningɔi ɛ́ɣɛ kele ɣelé mbélaitii, kulangɔ́ ngáá tí ɣɛ́i paaní pɔlɔ w̃a. Ndowói i ɣɛi Mbalaí sí wú mba wɔféla, ngaah̃úi i mba wɔféla. Ngaah̃úi nátii pa tɔ tí ngáá Ngalangí ỹína ngɔ́felangɔitii tí tí lɔ́vengɔ ngeleí sí wu kpɛ́lɛɛ.

FAA YÁKƐ KƆ́LƆI 8:2

Kɛ ngí mɔ́ɔ́ maléka ngɔ́felangɔitii tɔngá lóóni Ngala kakála. Ti búlui héni tí yaá ngáá ngilá ngíla.