FAA YÁKƐ KƆ́LƆI 1:3 - Kɛ́lɛ Niinaí

³ Aá lɔ́ ngáá faa vánda nuí sí w̃ɔ́i hááw̃a áá kɔ́lɔi sí gála. Aá lɔ́ mɔ́ɔ ngáá faa vánda sítii faaw̃a taá wólilo Ngala ndaa háá lé mɔ́ɔ woo vili ngói sí w̃á tí híya ngáá sítii kínɛi pɔnɛngɔ́i kɔlɔí sí h̃u, bɔw̃álale kuí h̃úú áá mɔ́ɔ gooh̃á sítii tí lengɔ́i kɔlɔí sí h̃u táá vá ɣɛ́ma.

FAA YÁKƐ KƆ́LƆI 1:3 Iomraidhean Croise

MÁFIYU 24:15

Jísu i mɔ́ɔ́ ndeí ti w̃a, i ɣɛ ta, “Ná wáá ŋani lɔ nyɔúngɔ áá kɛ ngáá háwu kpalo í vɛ́lɛ ngangímba ỹánda wála wa, maa ŋánii ná i lóóni Hɛ́ɛ́ma Yála Pɛ́lɛi wu, laá lɔ Ngalá ndaa háá lé mɔ́i Daníyɔ í yɛ́pɛi kɔwɔ́ato mba.” Yɛ́i yáá mbéi galá, yí faí sí yatɔ́ mba.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 11:28

Kɛ́ Jísu i ngoo yápoteni, i ɣɛ ma, “Aá lɔ ngáá faa vánda sítii faaw̃a taá Ngalá ndaa wói ỹɛ́ni aáva tí goló mbu.”

LÓÓMI 13:11

Á sí ɣɛ sífaa mú yéteyangi sí mú su wú kɛ́ kíli wɔlɔ́. Sɛmbɛheí hɔ́wɔ lɔ ngáá sí. Táingi ná a mu wumáá áá vá wóma kpɛɛngɔ́ɔ́ lé náá mba í lɔ́ve ná h̃úú wá hése a mu láni ngáá Jísu.

LÓÓMI 13:12

Maa hái gúlangɔɔ lé ngáá kpindíí h̃uu híyangɔɔ lé náá kíli, suu áá mɔ́ɔ́ ngelewondái wa. A mu bé fáitii kɛ́ma ngáá kíya kpéi kpíndi h̃úú yélaa taa ɣɛ́ na, kɛ́ aá ɣéle a mu ɣɛ kíli í ɣɛ́ ngáá nungáá ti w̃ááhei wóngɔ í ɣɛ́ la kɔɔ́ wɔ́ fááw̃a ngelewo sú.

PÍTƐ HESENDAA GƆLƆÍ 4:7

Ngetéyangi sí yakɛ́ɛ́lɛmai bɛ́ɛ́ngɔ lé náa mba. A bɔwɔ́ h̃úúhou w̃a faa kpɛ́lɛɛ su, ɛ́ɣɛ wú giséi w̃a, kɛinɔɔ́ wú hómbo wááyaa Ngala fɛ́li.

PÍTƐ GƆ́LƆI HELE KÉLEI 3:8

Mu mbála vandáitii, a waa lééw̃a sí w̃a. Ná áá ɣɛ́ ngáá Ndemɔí Jísu ndá hái h̃u, fowó tásu ngiláángi kulangɔ́ɔ́ lé nɔ́ɔ ngáá folo yílaa aáva folo yílaangi vá kulangɔ́ɔ́ lé nɔ́ɔ múl̃ɔ ngáá fowó tásu ngiláá.

FAA YÁKƐ KƆ́LƆI 22:10

Kɛ malékai i ɣɛa má, “Yáá Ngalá kééla woí sítii ndɔɔwú tí kɔ́lɔi sí h̃u, bɔw̃álale, táingi fái sítii táá vá ɣɛ́ma ma, suu áá mɔ́ɔ gooh̃á.

FAA YÁKƐ KƆ́LƆI 22:12

Jísu i ɣɛ ta, “A wolílo sí w̃a ngáá ndé! Nyáá ngáá vá h̃úmbuwa! Nyáá ngáá vá ngáá maaỹángaitii aáva ngáá fé nuí fíli ngeyá kɔwɔ́ato sí wa áá ɣɛ́ kɛ́ni.

FAA YÁKƐ KƆ́LƆI 22:20

Nuí sí í lókoheingɔ fái sítii kpɛ́lɛɛ mbú ngáá kɛ tɔɔỹáá le i ɣɛ ta, “Ngí tɔɔỹái le í w̃á, nyáá ngaa vá h̃úmbuwa.” Amíína, Ndemɔí Jísu, vá.

FAA YÁKƐ KƆ́LƆI 3:11

Nyá lɔ́ɔ vá h̃úmbuwa, a ndi ngú ma ngáá wú lúva véle vándai sí wú kálanga kɛinɔ́ɔ nuu ɔ́ɔ́ wú wú ngapóte ngáá wɔ́ɔ́ wála wú w̃ááỹangi w̃a.