FAA YÁKƐ KƆ́LƆI 1:2 - Kɛ́lɛ Niinaí

² Sí kínɛi pá Njɔú í súúlɔni, í tí lení. Sí vá tɔ í ngáá konángi kɔwɔ́ato kééla woí sí wa Ngala ngí pílini, Jísu Kílisitii í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 1:2 Iomraidhean Croise

NJƆÚ 1:32

Sí Njɔú i ɣɛi kɔlɔ́ aáva í ndení aá waa ngáá sí i ɣɛ́i ta, “Ngí Hɛ́ɛ́ma Ỹínangi lɔ́ni, íwaa yéi kíya poovóóngi áá ɣɛ́ áá yéi. I ɣɛi áá híɣe ngáá ngelegóóh̃u véle aáva ná i foloní ma, aa mɔɔ betéveni mba.

NJƆÚ 12:17

Faŋaí sí í ɣɛ́i Jísu volú na h̃u í Lásɔlɔ lolíni ngáá ná í yooɣé sái h̃u i gúla kambái h̃u, tiyá lɔ tí ɣɛ́i taá maa hái w̃aa woo híya faŋaí h̃u Jɛlúsɛl̃ɛ.

NJƆÚ 19:35

Aáva siỹɛ́ngi sí í náá lɔní í faa lénga kɔwɔ́ato mba laáva ngí háá le ngói lɔ ngáá tɔɔỹaá. Aáva i suuwɔlɔ́ ngáá sí í ndéngɔ tɔɔỹaá lé laáva i hééle woí sí léngɔ ngáá wá bɛ́lɛ wú la la.

NJƆÚ 21:24

Jísu volú w̃ɔ́i sí va tɔ í faa léngɔ kɔwɔ́ato faí sítii mba, ná volú, í tí vɔ́nɛ. Aáva ní súúwɔlɔ ngáá faí sítii í ndéngɔ, tɔɔỹaá wáá ngáá ti ye.

NJƆÚ 3:11

Í mɔ́ɔ́ ɣɛ Nekodímɔ w̃a, “Ngí tɔ́ɔỹai le í w̃a, sí ní kɔ́lɔ, laá lɔ́ naá yɛ́pɛ kɔwɔ́ato mba wú yéle, sí va ní naa lɔngá niỹá gíte, laá lɔ́ naá nde wú w̃a. Kɛ́ ná fíli su, nuu áá lói ɔ́ɔ́ lokohéi ni gééla woí wu.

TI GƐ́Ɛ́ HAÍTII 22:15

Yá lɔ yáá ɣɛ́ ngáá hééle Ngalá fááw̃a nungáitii kpɛ́lɛɛ kákala ngáá faí sítii faaw̃a yí ti lɔngá, ná vólu, yí ti ỹɛ́ninga.

TI GƐ́Ɛ́ HAÍTII 26:16

Yooɣé náa, yí ló. Ngí gúlanga í yááh̃u ngáá ngí lokolo í wá ngáá ní yénge mɔɔ. Ná vólu, sí yí tɔngá háá kɔwɔ́ato mbá ɛ́ɣɛ sí ngáá vá ngakɛ́ma ngáá í ye yí ti le nungáá veka w̃a.

TI GƐ́Ɛ́ HAÍTII 4:20

sífaa nɛí hómbo nɔ́ɔ bé yɛpɛndáá wa sí wa ní tɔ́nga taá sí ní mɛningá kɔwɔ́ato Jísu wa.”

KƆ́L̃E HESENDAA GƆLƆÍ 1:6

Ná wáá ngáá, keela wói kɔwɔ́ato Kílisitii wa i vilingá wú líí vólu kpáŋ kpáŋ.

KƆ́L̃E HESENDAA GƆLƆÍ 2:1

Mu mbála Yalá fɛ́li mbélai, ná ngí vááni wú yéle ngáá ngí Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba faa léma wú w̃á kɔwɔ́ato mba, ngáá ndéni wú w̃a kɔlɔ galá ngóó wála wálani su ɛ́ɣɛ nuu búsa ndá géle ɣéle su.

NJƆÚ HESENDAA GƆLƆÍ 1:1

Niỹá lɔ́ɔ kɔlɔ vɔ́nɛ wú yéle kɔwɔ́ato nuí síí w̃ɔ́i wa taa ɣɛ́ ma Keela Woí. Keela Woí sí vá tɔ í ngáá ndɛɛh̃u gítei hé mɔ́i. Aáva í ɣɛi na ngetéyangi lɔ́kula héimai wɔ́lɔ. Ní ngoo ỹɛ́nini, ní tɔ ngáá bɔwɔ́ bɔ́wɔ yááh̃ui. Ní tɔá gíte, aáva ní lúba mba ngáá loko.

NJƆÚ HESENDAA GƆLƆÍ 4:14

Ní ngi H̃íỹɛndou Loí lɔ́nga, niỹá vá náá nde nungáá w̃a ngáá Kɛɛɣɛí Ngalá i ngi H̃íỹɛndou Loí lɔ́vengɔ ngáá ná í ɣɛ́ ngáá Ngumaawó Mɔ́i ngeleí sí wu.

NJƆÚ GƆ́LƆI HAWA KÉLEI 1:12

Nungáitii kpɛ́lɛɛ taá ɣɛ́ taa yɛ́pɛ ngáá pángɔ kɔwɔ́ato Damítiyɔ wa, aáva kíya íwaa híya ngáá Ngala tɔ́ɔ́ỹaa veleí aá lɔ́ áá ngákɛ ngáá kɛ tɔɔỹaá lé. Niỹá bɛ́lɛ nɔ naá yɛ́pɛ ngáá pangɔ́ kɔwɔ́ato mba, wáá vá wú kɔ́lɔ nɔ́ɔ ngáá sí náa nde tɔɔỹaá le.

FAA YÁKƐ KƆ́LƆI 1:11

Ngoí sí í léni ma i ɣɛi ngáá sí, “Sí vɔ́nɛ yáá naá lɔ, yí máá gɔ́lɔi lɔ́ve Ngala fɛ́li kúúwu ngɔ́felangɔitii su, tí taí sítii su taá ti lolí ngáá Ɛ́fɛsɔ, Símɛna, Pɛgɔ́mɔ, Tayatálɔ, Sadé, Feladɛ́fiya ɛ́ɣɛ Leyodésiya.”

FAA YÁKƐ KƆ́LƆI 1:19

Faalɔ, sítii yíwaa súúlɔ, kɔ́lɔ vɔ́nɛ kɔwɔ́ato ti wa, ná wáá ngáá, sítii táa ɣɛ́ náa ɛ́ɣɛ sítii táa vá ɣɛ́ma.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 12:11

Mu mbála Yála fɛ́li mbélai tí hómboi Ngutuwɔ́ Ỹína Nyɔí w̃á saáɣa hái w̃áá véle w̃a Jísu í mbóni tí haáw̃a ɛ́ɣɛ mɔ́ɔ tɔɔỹáá gééla woí tí ɣɛ́i taa ndé. Tí lɛɛh̃úi w̃áá lii áá vílii tí lii vólu ngáá náa hááw̃a tɔɔ́ w̃áávela sái wá.

FAA YÁKƐ KƆ́LƆI 12:17

Kaalii liiyáw̃al̃angɔ i ɣɛi náá lá nyah̃ápoi w̃á ngwala, náá hááw̃a, i hiɣeí naá nyah̃ápoi vólu ngáá í lí í lápi ngáá ngí léngaitii taa ngí láála lengáitii, ná wáá ngáá, sítii táa híya ngáá Ngalá saváitii ɛ́ɣɛ ti langɔ ngáá tɔɔỹaá gálambongi Jísu í mbóni.

FAA YÁKƐ KƆ́LƆI 20:4

Kɛ ngí mása kpɔ́kpɔngaitii tɔ́a, sítii pá ti ɣɛ́i héini ti ya, ngákpa féngɔ i ɣɛ́i lá ti yaá ngáá tí núngaa gɔ́sɔ. Ngi mɔ́ɔ́ sítii ti yáfuw̃angaitii tɔ́ni tí tí vááni sífaa tí Ngala ngói lení taá tɔ́ɔ́ỹai kɔwɔ́ato sítii kínɛi mbá Jísu í ngákɛni ngáá ti ye, ɛ́ɣɛ taá kɛí tɔ́ɔ ngakpa súwai ɔɔ kɔɔ kɔɔ́ ŋáni ta hɛlí aáva taá ngákpa súwai sí lókovongi vúi lávala ɔɔ loko h̃u. Ti vái ndɛɛh̃úi h̃u, tí ɣɛ́ ngáá masa ngwála wála taa Kílisitii fowó tásu ngiláá ndáá lówah̃u.

FAA YÁKƐ KƆ́LƆI 22:21

Bɛlɛ́ Ndemɔí Jísu haa bɔwɔí í ɣɛ́ wú kpɛ́lɛɛ mbɛ́.

FAA YÁKƐ KƆ́LƆI 6:9

Kɛ Mbaalaí í mɔ́ɔ́ tokovongí lɔ́ɔ́lu kélei w̃áálevenga. Ná ngí wɔ́lɛni na, sítii tí ɣɛ́i tí vááni ngí tí yáfuw̃angaitii tɔní Ngala sááɣa gúla tútui gakála. Tí tí vááni bɔw̃álale tí Ngalangí gééla woí léni aáva tí ló ma.