FAA YÁKƐ KƆ́LƆI 1:16 - Kɛ́lɛ Niinaí

¹⁶ Temúleɣa ngɔ́felangɔ i ɣɛi hóuni ngísa lokói ya. Aáva mbowá hɔ́kpɔ yándiili ndái i mba féle i gúlai ndá. Ngaah̃úi i ɣɛi áá hólo kíya nɔ́ɔ foló yákpangɔ hólo.

FAA YÁKƐ KƆ́LƆI 1:16 Iomraidhean Croise

MÁFIYU 17:2

Naa vá tɔ Jísu ɣɛ kíli w̃aa í lóvini ná ti gakála. Ngaah̃úi i holóni kíya kpéiŋ folói í na, ɛ́ɣɛ mɔ́ɔ maa gúlai wólengɔ áá hólo kíya kpéiŋ mɛl̃ɛ mɛl̃ɛ́i í na.

TI GƐ́Ɛ́ HAÍTII 26:13

Ná í ɣɛ́i ngáá foló yákpangɔi w̃a kínɛi, Masangí Agílepa, kɛ kíya nɔ́ɔ ngí ɣɛ́i peleí w̃a ngáá lí, ngí folo hólongi lɔ́ni nɔ́ɔ í gúla ngeleyá áá hólo i lɔ́ve folói wa. I ɣɛi áá hólo má naa ní híya polu yeláitii.

Ɛ́FƐSƆ 6:17

A lokohéi ngumaawóngi wu Ngalá ngáá fé wú yáá í ɣɛ́ ngáá kɔlu wɔɔlɔ́ ɣɛ́ kíli wú wú mba. Ngalá ngói Hɛ́ɛ́ma Ỹínangi áá fe í ɣɛ́ wú yáá ngáá kɔɔ wɔ́ mbówa hɔ́kpɔ ɣɛ kíli.

HÍBULU 4:12

Ngalá kééla woí gulangɔ́ɔ́ lé ngáá ŋani ndɛɛh̃u í su aáva ngakpá tɔ́ su áá fáá ɣɛ́. Ngi hái gúlangɔɔ lé ngáá ngandíngɔɔ lé í lɔ́ve mbowá hɔ́kpɔ wa ndaí áá ɣɛ́ mba féle. Aa hombó í wála ndɛɛh̃úi lówah̃u taá nuu h̃úúyafuw̃angi. Aa wala nuu gáálɛitii su. Aa hómbo í nuu gísiyaitii nga kpɛ́kpɛ ɛ́ɣɛ nuu líívo fáitii taa ɣɛ́ nuu líí h̃u, í ngákɛ ngáá ná wɔ́lii tiyá lɔ́ pele w̃a ɔɔ taá péle w̃a.

FAA YÁKƐ KƆ́LƆI 1:20

Sí lɔ́ í ngáá faa vólu hái kɔwɔ́ato temúleɣa ngɔ́felangɔitii mba yíwaa tí lɔ hói ngísa lokói ya ɛ́ɣɛ faa vólu hái kɔwɔ́ato góóli lowa ngɔ́felangɔitii mba. Temúleɣa ngɔ́felangɔi nátii tɔ maá tí lɔ mu gí ngí hítɛ maléka ngɔ́felangɔitii mba tí Ngala fɛ́li kúúwu ngɔ́felangɔitii faaw̃a. Góóli lowa ngɔ́felangɔi nátii tɔ maá ti lɔ mu gí ngí hítɛ Ngala fɛ́li kúúwu ngɔ́felangɔitii mba.”

FAA YÁKƐ KƆ́LƆI 10:1

Ná ná í gúlani su, ngí mɔ́ɔ ngakpa máleka wala lɔní íwaa gúla ngelegóóh̃u. Njɛ bilíí i ɣɛi malékai sí w̃á kíya kula áá ɣɛ́ nuu w̃a. Ngungí w̃ááyele mbélengɔ ngáá ngele gílangi. Ngaah̃úi i ɣɛi áá hólo í ɣɛ́ foló yákpangɔ hólo, kɔwɔ́i w̃aa í ɣɛ́i áá hólo míl̃a mil̃a kíya nɔ́ɔ ngɔmbu gɛhɛ́ wála.

FAA YÁKƐ KƆ́LƆI 12:1

Kɛ káámaa haa wala i ɣɛ́a ngeleí yá. Nyah̃ápoi i ɣɛi ngeleí yá, folói i ma ngáá kulaí, ngálungi i kɔwɔ́i wu. Masa mbɔ́ɔ́lɔi i ngu mba ngáá kpahái temúleɣaitii ti vɛ́lɛi mba púú maah̃úú féle.

FAA YÁKƐ KƆ́LƆI 19:15

Mbówa hɔ́kpɔ yándiilingi sí áá vá hómboma lá ndɔwɔlɔ́itii ma ngeleí sí wu i gúlai nda. Aa bandí bándi héi ti w̃a ngí w̃ásandai h̃u aáva aa lɔ́ ti yanjɔ́wɔlɔ mbéi i ngáá Ngakpa Ngála Ngwalaí lííyaw̃al̃a walaí ỹándai áá faa bá ngwála la ná nungáitii ma ti háá ỹɔítii fááw̃a.

FAA YÁKƐ KƆ́LƆI 19:21

Ngakpa súwai sí hóyaitii kpɛ́lɛɛ ti hááni mbowa hɔ́kpɔi sí ya áá gúla nuí sí lá áá ɣɛ héini soí gɔ́ma. W̃ɔniáitii pa tí tí luwú yóitii mɛ́ni ngáá hɛmbɛ́ fíli.

FAA YÁKƐ KƆ́LƆI 2:1

I mɔɔ ɣɛi ma, “Kééla wói sí vɔ́nɛ malékai sí yéle í Ngála fɛ́li mbélaitii maah̃u ti Ɛ́fɛsɔ taa h̃u. ‘Sí lɔ́ í ngáá keela wói áá gúla síí w̃ɔ́i yáa temúleɣa ngɔ́felangɔitii tí hóuni ngísa lókoi ya ɛ́ɣɛ lɛ́i íwaa lɔ́ve tɔvé góóli lowa ngɔ́felangɔitii ndííwaa.

FAA YÁKƐ KƆ́LƆI 2:12

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii maah̃u tí Pɛgɔ́mɔ tai h̃u. ‘Sí lɔ́ í ngáá keela wói áa gúla síí w̃ɔ́i yáa mbowá hɔ́kpɔ yándiili ndái í mba féle í ndá.

FAA YÁKƐ KƆ́LƆI 2:16

A vólu yáfe wú háá ỹɔítii mba! Ná wɔ́i ɣɛ́ ná ɣɛ́ni, nyá lɔ́ vá wú yéle h̃umbuwa ngí lápi ngáá nátii ngáá mbowá hɔ́kpɔi áá gúla ndá.

FAA YÁKƐ KƆ́LƆI 3:1

I mɔɔ ɣɛi má, “Keela wói sí vɔ́nɛ malékai sí yéle í Ngala fɛ́li mbélaitii mááh̃u tí Sadé tái h̃u. ‘Sí lɔ́ í ngáá keela wói áa gúla síí w̃ɔ́i yaá Ngalángi ỹína ngɔ́felangɔitii ɛ́ɣɛ temúleɣa ngɔ́felangɔitii ti ngéya. Ngí súúwɔlɔ sí wúwaa kɛ. Aá lɔ́ núngaa gí ma ngáá kɛ wá lɔ́ ndɛɛh̃uu h̃ú, kɛ́ wú háángɔɔ lé.