FAA YÁKƐ KƆ́LƆI 1:1 - Kɛ́lɛ Niinaí

¹ Sítii pɔnɛngɔ́i kɔlɔí sí h̃u kɔwɔ́ í tóngɔ fáitii mba Jísu Kílisitii í ngákɛni. Ngala ngí fái sítii ngakɛ́ni ngáá Jísu Kílisitii ngáá í ngákɛ ngáá ngi yénge mbeláitii. Tiyá lɔ́ ngáá faa tá ngáá táá vá ɣɛ́ma h̃umbuwá. Aáva Jísu í ngi w̃álekai lɔ́veni ngi yénge mɔí Njɔú yéle ngáá í fái sítii ngákɛ la.

FAA YÁKƐ KƆ́LƆI 1:1 Iomraidhean Croise

NJƆÚ 12:49

Tɔɔỹaá va tɔ ngáá sí bɔw̃álale ngúmaawoo laa sí ngɔ́ɔ́ ɣɛ́ ngáá nde bɔwɔ́ yákpa su. Kɛ́ Kɛɛɣɛí Ngalá lɛí í tɔ́vengɔ, laá lɔ́ í ndengá má ngáá ngí sítii nde.

NJƆÚ 15:15

Kúnafɔ ngɛ́i mɔ́ɔ́ wú lóli ngáá ngenge mbélaa bɔw̃álale ngenge mɔ́ɔ́ ɛi ɣɛ w̃aalíɣii yaá haa h̃uuwɔ́lɔ. Kɛ́ laá ɣéle, ngí wú lólinga ngáá ní mbálangaa sífaa, sí kínɛi ní Kɛ́ɛ́ɣɛ í ndéngɔ má, ngí ndénga wú w̃a.

NJƆÚ 17:8

Í gééla woítii yí ndéngɔ má ngáá ngí ndé ti w̃a, ngí ndéngɔ ti w̃a aáva tí lokohéi mbu. Tí kɔlɔ́ gíte kpál̃au ngáá kɛ ngí gúlangɔ í yéle, ná vólu, tí lángɔ la ngáá kɛ yá lɔ yí tɔ́vengɔ.

NJƆÚ 3:32

Aa faa lé kɔwɔ́ato sí wa í tɔngá, ná vólu, í mɛ́ninga, kɛ́ nuu fíli ɛi lokohéi ngi gééla woí wu.

NJƆÚ 8:26

Aáva faa bíh̃i bih̃i tɔ na ngáá nde kɔwɔ́ato wú wa, ngí wú wááleve. Kɛ́ lɛ́i va í tɔ́vengɔ, aá lɔ́ ngáá tɔwɔbáɣa w̃ɔ́ɔ. Aáva sí ngí mɛ́nini nda, laá lɔ́ ngáá nde nungái ma ngelewu.”

LÓÓMI 16:25

A mú Ngála tɛ́ lɛ́i áá kɛ ngáá háwu Ngalángi gééla woo vandaí sí ngíwaa nde kɔwɔ́ato Jísu Kílisitii wa íwaa wú h̃úúba ngi hái h̃u. Wɔ́lɔ kpɔ́lɔɔ tɔɔỹáa gééla wói sí w̃aa lɔ́ɔ́wungɔ i ɣɛngɔ la,

GALÉSIYA 1:12

Ngáá maahɔ́lɔngɔ nuu búsa yaá kɛlaa maa nuu ɔ́ɔ́ ɣɛ́ kálambongɔ la. Kɛ́ Jísu Kílisitii laa gíte lɔ í ngákɛngɔ ngáá ngé kpál̃au.

Ɛ́FƐSƆ 3:3

Sí í ɣɛ́ngɔ ngáá Ngalángi lɔ́ɔ́wu h̃u hái nuu fíli áá ɣɛ́ngɔ faa wɔ́lɔ mba Ngalá ngí kɛngɔ́ ngáá ngé kɛ kíya nɔ́ɔ ngí faa gúlo lénga kɔwɔ́ato mba kɔlɔí sí h̃u.

TÁITƆ 1:1

Nyɛ́i ngí ngáá Pɔ́ɔ, ngí ngáá Ngalángi yénge mɔɔ, ɛ́ɣɛ mɔ́ɔ́ Jísu Kílisitii géélai, nyá lɔ́ ngáá kɔlɔí sí vɔ́nɛ. Ngalá ngí lókolongɔ mbá, í tɔ́ve sítii ngelé í lókolonga ti wa ngáá ngi vóngaa ngáá ngí bɔ́ tí wa ti h̃úú í ba ti lángi h̃u. Ngí mɔ́ɔ́ bɔ ti wa ti ló tɔ́ɔ́ỹaa vélei gíte w̃á.

FAA YÁKƐ KƆ́LƆI 1:19

Faalɔ, sítii yíwaa súúlɔ, kɔ́lɔ vɔ́nɛ kɔwɔ́ato ti wa, ná wáá ngáá, sítii táa ɣɛ́ náa ɛ́ɣɛ sítii táa vá ɣɛ́ma.

FAA YÁKƐ KƆ́LƆI 1:9

Nyɛ́i ngí ngáá Njɔú, wú mbála Yalá fɛ́li mɔ́i, ɛ́ɣɛ mu báhangɔ Jísu Kílisitii wa, nyá lɔ́ mɔ́ɔ ngáá wú mbála ndiilɔlɔ́i sí h̃u múwaa kúla maanɔw̃ɔ́i sí h̃u múwaa ngéɣe sífaa mú Jísu Kílisitii w̃ásandai wu. Tí lííni ngáá ngé ndɔwɔlɔ́i sí w̃á táa tolí ngáá Patímɔ, maayelé mbélengɔ ngáá njɛí ti ndó na ngáá pelésina, sífaa ngí Ngála ngói lení Jísu í ngákɛni ngáá aá lɔ́ ngáá tɔɔỹáá.

FAA YÁKƐ KƆ́LƆI 17:1

Kɛ malékaa ngɔ́felangɔi páni ngɔ́felangɔi í ɣɛ́i ti yaá ngilángi i vaá, i ɣɛ má, “Vá, ngí fáá bámai ɣɛ́ ngáá í ye áá vá láma kɔlɔsiyá mɔ́ɔ́ walaí sí w̃á, ná wáá ngáá, taa walái ná tongɔ́ njɛ bíh̃i kpih̃ingi béla.

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.

FAA YÁKƐ KƆ́LƆI 19:9

Kɛ malékai i ɣɛa má, “Sí vɔ́nɛ. ‘Aá lɔ́ ngáá faa vánda sítii faaw̃a tí tí lolínga Mbáálai ỹáh̃a wɔlí kuí w̃a.’ ” Kɛ i mɔ́ɔ ɣɛa má, “Ngoí sítii tiyá lɔ́ɔ ngáá tɔɔỹaá gééla woo áá gúla Ngalá ngéya.”

FAA YÁKƐ KƆ́LƆI 21:2

Kɛ ngí Hɛ́ɛ́ma Láá Wálai lɔ́a, í ngáá Jɛlúsɛl̃ɛ niinaí áá gúla ngelegóóh̃u Ngalá ngelé kɛ́ kíli batɛ́ngɔ Ngalá mbɛ kíya nɔ́ɔ nyah̃á wɔ́lingɔ níína w̃aayílingɔ áá ɣɛ́ lá áá lí ngi h̃íỹɛ ngelé.

FAA YÁKƐ KƆ́LƆI 21:9

Kɛ maléka ngɔ́felangɔi ngapúmaa haa bama ngɔfelangɔi í ɣɛ́i páningi h̃u suulaahéngɔ tí yaá, ngilángi i vaá ngéle, i ɣɛ má, “Vá, ngí Mbáálai Ỹáh̃a Niinaí ɣɛ́ ngáá í yé áá vá wálama ngeyá.”

FAA YÁKƐ KƆ́LƆI 22:1

Malékai í mɔ́ɔ ndɛɛh̃ú w̃ááhɔlɔ njɛ́ wálai ɣɛ́i ngáá ngé ngaséɣengɔ kpál̃au kíya nɔ́ɔ mɛl̃ɛ mɛl̃ɛ í na. Njɛí sí i ɣɛi áá gúla mbéi Ngála ɛ́ɣɛ Mbaalaí ti w̃ása kpɔkpɔngí í na.

FAA YÁKƐ KƆ́LƆI 22:16

Jísu i mɔ́ɔ ɣɛ ta, “Nyɛ́i ngí ngáá Jísu, ngí ní w̃alékai lɔ́venga í fái sítii ndé wú kpɛ́lɛɛ má wú ngáá Ngala fɛ́li mbélaitii. Nyá lɔ́ ngáá Masangí Deevé lé kpámbii h̃uu w̃ɔ́ɔ, nyá lɔ́ múl̃ɔ ngí ngáá ngele su lémuleɣai ngáá hólo.”

FAA YÁKƐ KƆ́LƆI 22:6

Kɛ malékai i ɣɛa má, “Ngoí sítii kpɛ́lɛɛ yí mɛ́ningɔ tiyá lɔ́ ngáá tɔɔỹaá ɛ́ɣɛ tokolá ma wóo. Ndemɔí Ngála, lɛ́i í ngí Ỹínangi héngɔ laa háá lé mbélaitii ngeyá, í ngi w̃álekai lɔ́venga ngáá í ngákɛ ngáá ngi yénge mbélaitii sí kule í ma áá vá ɣɛ́ma h̃úmbuwa.”

FAA YÁKƐ KƆ́LƆI 22:8

Nyɛ́i ngí ngáá Njɔú, ngí fái sí ỹɛ́nini aáva ngi kpɛ́lɛɛ súúlɔ. Ná ngí vílai kpɛ́lɛɛ mɛ́nima ɛ́ɣɛ súúlɔma, ngí hítɛi wúmbu yá malékai sí gákala í fái sítii kɛ́ni ngáá ngé ngáá ngí fɛli.

FAA YÁKƐ KƆ́LƆI 22:9

Kɛ́ malékai i ɣɛi ma, “Yaa ná ɣɛ́! Ngalá tɔ́ nɔ́ɔ yáá fɛli. Nyá bɛ́lɛ nyá lɔ́ nɔ́ɔ ngáá Ngala ngénge mɔɔ́ kíya nɔ́ɔ yí na, ɛ́ɣɛ í mbála Yalá ndaa háá lé mbélai ɛ́ɣɛ sítii kpɛ́lɛɛ ti golongɔ́ ngoí sítii mbu tí kɔ́lɔi sí h̃u!”

FAA YÁKƐ KƆ́LƆI 4:1

Ná ná í gúlani su, ngí wɔ́lɛni ngí kó tɔ́ ndaawóngɔ ngelegóóh̃u. Ngoí sí ngí mɛ́ni hése kulangɔ́ ngáá búlu wóó ngí mɔ́ɔ mɛniní, i ɣɛ má, “Vá mbéi ngeleí yá. Nyá lɔ́ɔ vá kɛ́ma ngáá í yé sí kúle í ma í ɣɛ́ ná sí áá gúla su.”

FAA YÁKƐ KƆ́LƆI 5:7

Mbaalaí sí í liiní í kɔ́lɔ w̃ááɣalangɔi sí hóu nuí síí w̃ɔ́i yísa lokói ya í héini masa kpɔ́kpɔngi h̃u.