Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:4 - Kɛ́lɛ Niinaí

⁴ Ná Falósiaitii tɔ́ɔ gúla ndɔwɔ́i h̃u, tɛ́i beé laaỹɛ́ kɛ tɔ́ɔ yaa wúya. Ná vólu, faa vékaa bih̃íw̃aani ti ɣɛ́i na tɔ́ɔ kɛ sí ti káwalani tí ndéni ti w̃a ngáá ti ɣɛ́ táa kɛ. Ná wáá ngáá, kíya kule í ɣɛ́i ti w̃a ti ndaaỹɛ nyáákaitii maaw̃úỹa ɛ́ɣɛ peetiitii nguyándai.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:4 Iomraidhean Croise

MÁFIYU 23:25

Jísu í mɔ́ɔ́ ɣɛ ta, “Suu vá tɔɔ vá ɣɛ́ma ỹɔú wú w̃a wɛ́i wú ngáá kaamɔítiini Ngala sávai hááw̃a ɛ́ɣɛ Falósiaitiini, wɛ́i wáá Ngala fái la yaah̃ú kɛ́ aa wú líí h̃u! Wáá wú gɔ́pungi ɛ́ɣɛ wú ỹáákaitii maabalé fó, kɛ́ su laahéngɔ ngáá sí wú sɔlɔngɔ́ ngáá bangálima véle sífaa wá lɔ́ ngáá mɔní mɔ́ni mbélaa.

MÁFIYU 23:26

Wɛ́i wú ngáá Falósiaitii wu wólengɔ, sí í wú gɔ́pungi h̃u ɛ́ɣɛ wú ỹáákaitii, a kpalé lɛ́ɛ su hése, ná lɔ áá kɛ polú véle aa balé náa laá bɛ́lɛ!”

MÁFIYU 27:24

Ná Páilɛɛ í tɔ́i ngáá kɛ pele áá ɣɛ́i njɛpɛí sí h̃u í puí faŋaí w̃a kɛ́ kpɔɔlɔ wála í ɣɛi áá vá lɔ́kula héima, i njɛí yéɣei, í yaa wúya faŋaí yaah̃ú, i ɣɛ ta, “Siỹɛndópoi sí ỹááw̃ɔi haa aa ngáá mbáá háá pá! Wá lɔ i ngáá wú wáá háá!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:8

Jísu í mɔ́ɔ́ ɣɛ ti w̃a, “Wú híɣengɔ Ngala sávaitii polú, wú hítɛ nuu búsa hávaitii polú.”

NJƆÚ 2:6

Júsuai tí Yála fɛli kílii h̃u, savaitii tí ɣɛi na bɛ́kpɛ ti yaa kíya tɔ́ɔ́ nguyaí wo. Maa háwui ná hááw̃a, fɛí sí tɔ́ɔ́ kpatɛ́ ngáá kɔtuí njɛ vú fááw̃a su ti ɣɛ́i na wɔhíta, ti wɔ́lɔ wɔ́lɔngɔ. Ngiláángi fíli, tɛingaa libijɔúŋ nááningɔ ɔ́ɔ́ ndɔ́ɔ́lungɔ lɔ ɔ́ɔ́ vú su.

NJƆÚ 3:25

Kɛ maaɣaalí i tɔkúla héinga Njɔú vólu yélai ndowah̃u ɛ́ɣɛ siỹɛndópo yiláá í ɣɛ́i ngáá Júsuaitii ti tá kɔwɔ́ato ngúya wo kíli wa ti Yála fɛlindái h̃u.

HÍBULU 9:10

Nátii tiyá lɔ́ nɔ́ɔ́ ngáá faaní kɔwɔ́ato mɛɛníni mba ɔɔ kpɔle wɔlíngaani mba ɔɔ pele vekáitiini nuu búsa áá kɛ bɛ́kpɛ faa ỹɔ́itii ngúya fááw̃a nuu w̃a. Nátii kpɛ́lɛɛ taa ngáá faá tɔ́ɔ́ nuu búsa líí w̃áálovi, ti ɣɛ́i nɔ́ɔ́ na ngáá ti ló ná kpóloo í ló su Ngala ngí fáitii kpɛ́lɛɛ kɛ́ kíli batɛ́ vólu.

JIMISÍ 4:8

A vuuva Ngalá mba laá bɛ́lɛ aa vuuva wú wa, a yáa wúya wɛ́i wú ngáá faa ỹɔ́u yélaitii, ná vólu, wú lííwolengɔ í ɣɛ́ la fó wɛ́i wú gí má haa áá yíla.

NJƆÚ HESENDAA GƆLƆÍ 1:7

Kɛ́ ná a maa ɣɛ́ kala kála ma kíya nɔ́ɔ Ngalá kpútei í ná, í kála kála ma, ná ná áá ɣɛ́, kɛ a mu háá lɔ nɔ́ɔ su yíla. Aáva saáɣa haí Ngalángi H̃íỹɛndou Loí Jísu í mbóngɔ, aa mu wúya fó, faa ỹɔ́u fíli ɛi ɣɛ mu h̃u.