Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:2 - Kɛ́lɛ Niinaí

² Nungáá lɛ́ingaa ti ɣɛ́i kotái ná wu táá faa wɔ́li ngáá tí pɛ́lɛ Jísu wa. Faalɔ, ti ɣɛ́i taá ngasɔ́bɛ ngáá tí tɔ ná wɔ́lii i ɣɛi áá vá mbaló mbóma Ndɛɛlɛmbó Ngála Fɛli Fóloi w̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:2 Iomraidhean Croise

MÁFIYU 12:10

Siỹɛndópo ngílaa í ɣɛ́i kotái ná wu tokoí háángɔ mba. Nungáá lɛ́ingaa va ti ɣɛ́i na, ti ɣɛ́i taa faa wɔ́li ngáá tí pɛ́lɛ Jísu wa. Náá hááw̃a, tí mɔɔniní, ti ɣɛ́ ma, “Aá lɔ pele w̃a savaí h̃u Ngalá ngí féngɔ a mu yaá ngáá nuu áá nuu wálo a mu Lɛ́ɛ́lɛmbo Ngála Fɛli Fóloi w̃a?”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:3

Kɛ Jísu i ɣɛa siỹɛndópoi w̃a tokoí háángɔ í ɣɛ́i lá mba, “Yooɣé, yí ló ti kpɛ́lɛɛ ngááh̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 14:1

Júsuai ti Lɛ́ɛ́lɛmbo Ngála Fɛli Fólo yiláá má, Júsuai sítii taa ɣɛ́ ti w̃a Falósiai ti tá yiláá í ɣɛ́i ngáá nuu wála, i Jísu lolíni ngi vɛ́lɛi la ngáá tí laaỹɛ́ ỹanda yílaa. Kɛ́ nungái sítii pa ti ɣɛ́i na, ti ɣɛ́i taa Jísu ya sɔ́bɛ ngáá pangɔ́.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 20:20

Faalɔ, ti ɣɛ́i náa taá Jísu yasɔ́bɛ ngáá pangɔ́. Tí ngasɔ́bɛ mbélaitii tí lɛ́ingaa lɔ́veni nátii tí yɛ́i tí kulaí ngáá kɛ tiyá lɔ́ ngáá nuu vándaa. Ti gingí i ɣɛi na ngáá ti Jísu hóu ndaa wóó wá ngáá tí tɔ́ve Lóómi gɔ́mɛti nuu walaí yéle.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 6:7

Aáva Júsuai sítii taa ɣɛ́ ti w̃a Falósiai ɛ́ɣɛ kaamɔítii Ngala sávai hááw̃a ti ɣɛ́i taá faa wɔ́li ngáá tí pɛlɛ Jísu wa. Faalɔ, ti ɣɛ́i taá ngasɔ́bɛ ngáá tí tɔ ná wɔ́lii i ɣɛi áá vá mbaló mbóma Ndɛɛlɛmbó Ngála Fɛli Fóloi w̃a.

NJƆÚ 8:6

Ti mɔɔningí sí woí lá ngáá kɛinɔɔ́ tí sóu ndaa wóó wá sí tɔ́ɔ́ ló maah̃u tí sou savaí h̃u ngáá faa ỹaaní mɔ́ɔ. Kɛ́ Jísu ɣele i w̃áávɛlɛni nɔ́ɔ í pɛ́lɛ kɔlɔ vɔ́nɛma ndɔwɔlɔ́i wa ngáá loko beɣái.

NJƆÚ 9:16

Falósiaitii tí lɛ́ingaa ti ɣɛ́i náá taa ɣɛ́ ta, “Siỹɛndópoi sí aa gulangɔ́ Ngalá ngelé, sífaa aa Ndɛɛlɛmbó Ngála Fɛli Folo hávai yeɣéma.” Kɛ́ ti lɛ́ingaa ti ɣɛ́i taa ɣɛ́ ta, “Nuu áá ɣéle ɣɛ́ náá ngáá faa ỹɔ́u w̃ɔ́ɔ́ wala aáva í hómbo íwaa káámaa haa wala walaí sítii kɛ?” Faalɔ, faŋaí lowah̃u kɔ́lɛngɔ i ɣɛi lá, ti woo yáfaha fáhangɔ ma.