Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:3 - Kɛ́lɛ Niinaí

³ Kɛ́ kpéle híŋa mbélai tí ngénge mɔ́i ná hóuni, tí ndéve, tí tɔve, í li ngáá yaá ỹaaká.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:3 Iomraidhean Croise

TƐSALÓNIKA HESENDAA GƆLƆÍ 2:15

Júsuai tɔ nɔ́ɔ múl̃ɔ tí Ndemɔí Jísu vaaní, tí Ngalá ndaa háá lé mbélaitii páa. Tiyá vá tɔ nɔ́ɔ tí kɛ́i ni gúlai ndɔwɔlɔ́i ná h̃uu wá. Taá ɣɛ́ taá Ngalá kpáálɛ mba háá ɣɛ, ná vólu, tiyá lɔ́ ngáá nuu kpɛ́lɛɛ mbááhilimaa yélaa.

TI GƐ́Ɛ́ HAÍTII 7:52

Ngalá ndaa háá lé mɔ́ɔ fíli aa ɣɛi na yɔ́ɔ́ ɣɛ́ wú káwalani taá faa bá ndáni ma. Ti sítii kele tɔ paaní ti yɛ́pɛni kɔwɔ́ato nuí sí wa í ɣɛ́i áá vá vaamá lɛ́i faa ỹɔ́u fíli áá su. Aáva wá bútei va wú wálanga maa wóya h̃ú wú páa.

MÁFIYU 15:22

Nyah̃ápo yiláa tɔ́ wɔ́lɔ í ɣɛ́i na, i ɣɛi ngáá taí sí h̃u w̃ɔ́ɔ́ taá náá lolí ngáá Kééna. I hiɣeí Táya ɛ́ɣɛ Sáidɔ lataí h̃u í vá Jísu yelé. I ɣɛi áá woo gúla áa ɣɛ́ Jísu w̃a, “Kawálai, yɛ́i taa í lóli ngáá Masangí Deevé Láála Loí, mááw̃aanu hóu kái! Faa bɔ́lungɔɔ lé ní ỹáh̃aloi la ngwala, maa lɔɔ nɔ́w̃ɔ ngáá ỹína nyɔí í pólu.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:2

Ná gilépii gula sɔ́wɔi í fóloni ma, kɛ kpelé w̃ɔ́i i ngi yénge mɔ́i tá yiláá tɔ́venga kpéle híŋa mbélai ngéle ngáá tí kɔ́lɛ, tí ngí ndái he ngi yénge mɔ́i yáa, í váá la ngelé.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 12:4

Kɛ kpelé w̃ɔ́i i mɔɔ ngenge mɔ́ɔ́ véka lɔvengá. Kɛ́ kpelé híŋa mbélai nátii tí ỹánda héini siỹɛndópoi wa ngu mba, tí suuhóu kíli ỹɔu wo.