Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:8 - Kɛ́lɛ Niinaí

⁸ Ngáá ngúyai wó ngáá wú ye ngáá njɛí, kɛ́ laá aa nguyaí wó ngáá wú ye ngáá Hɛ́ɛ́ma Ỹínangi.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:8 Iomraidhean Croise

MÁFIYU 3:11

Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:7

I ɣɛi áá keela woí le, íwaa ɣɛ́ ta “Nuí íwaa vá vaamá ná ní ndá hái áá gúla su, ngakpangɔ́ɔ́ lé í lɔ́ve mbá. Ngáá kulaɣɛí p̃ɛ́ɛ́ ngáa nuú ngáá ngɔ́ɔ́ w̃áá vɛ́lɛ ngi gɔ́ɔ́vai ɣéle tɔ ndaa húlo fááw̃a.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:9

Naa laa lówah̃u vá, Jísu i hiɣení Násɔlɛ taa h̃u Galéli lataí h̃u, í vá Njɔú yéle. Njɔú vá í nguyaí wóni lá Jɔ́ɔ́dɛ Yɛí h̃u.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 3:16

Kɛ́ Njɔú i ɣɛi ti kpɛ́lɛɛ má, “Ngáá nguyaí wó ngáá wú yé ngáá njɛí, kɛ́ nuí sí áá vá vaamá, ngakpángɔɔ lé í lɔ́ve mbá, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a. Aa nguyaí wo ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí.

NJƆÚ 1:26

Í mɔ́ɔ́ ti woo yápote, i ɣɛ ta, “Ngáá ngúyai wo ngáá nungáitii ngáá njɛí kɛ́ nuu lɔ́ wú lííwaa, wáá kɔlɔ́ ngáá kíya í na.

NJƆÚ 1:33

Kɛ́ ná fíli su, ngáá ɣɛ́i ngáá va ɣɛ́ma kɔlɔ́, kɛ́ Ngalá lɛ́i í tɔ́vengɔ ngáá ngí ɣɛ ngáá nungái nguya ngáá njɛ, i ndení má, i ɣɛ ta, ‘Yá lɔ́ɔ vá Hɛ́ɛ́ma Ỹínangi lɔ́ma í yéi siỹɛndópo yiláá má aáva ɛi betéve mba. Nuí yáá tɔ ná áá ɣɛ́ la, kɛ maa w̃ɔ́i lɔ áá nungái nguya ngáá Hɛ́ɛ́ma Ỹínangi.’

TI GƐ́Ɛ́ HAÍTII 1:5

Nguya Wo Mɔ́i Njɔú i ɣɛi áá nguya wo ngáá njɛí, kɛ́ kuu félengɔi h̃u, Ngalá tɔɔ vá nguyaí wóma ngáá wú ye ngáá ngi Hɛ́ɛ́ma Ỹínangi.”

TI GƐ́Ɛ́ HAÍTII 10:45

Júsuai sítii ti langɔ í ɣɛ́i la ngáá Jísu tiyɛ́i ti toní Pítɛ wa ti gúlani Jɔ́pa, ti gindáá vílingɔ i ɣɛi lá ngáá Ngalángi hé mbɛ wɔlingí, ná waa ngáá Hɛ́ɛ́ma Ỹínangi i vúni sítii su taa ngáá Júsua tiyá bɛ́lɛ.

TI GƐ́Ɛ́ HAÍTII 2:17

i ɣɛ ta, ‘Ngakɛɛlɛ́ fóloitii ma, Ngalá ngí ndéni ngáá kɛ laá lɔ́ɔ kɛ ngáá háwu ngi Hɛ́ɛ́ma Ỹínangi i ɣɛ́ nuí kpɛ́lɛɛ pólu. Laáva wú h̃íỹɛndou lengáitii ɛ́ɣɛ wú ỹáh̃alou lengáitii taá ɣɛ́ ngáá Ngalá ndaa háá lé mbélaa, ná vólu, Ngalá ngáá kɛ ngáá háwu wú h̃íỹɛ ndakpangáitii taá ɣɛ taá wú sú lɔ ɛ́ɣɛ wú káwalani taá ɣɛ taá siŋal̃áitii mbo.

TI GƐ́Ɛ́ HAÍTII 2:4

Ngalángi Hɛ́ɛ́ma Ỹínangi i yeiní ti kpɛ́lɛɛ má aáva tí tɔkúla héini naa ngáá yɛpɛndáá híí woo vekaítii su kíya nɔɔ́ Hɛ́ɛ́ma Ỹínangi ɔ́ɔ́ maa yákpangi he ti yilá ngíla mbɛ́.

KƆ́L̃E HESENDAA GƆLƆÍ 12:13

Mu lɛ́ingaa muỹá lɔ́ ngáá Júsua, mu lɛ́ingaa maá ngáá Júsua, mu lɛ́ingaa mu ngáá nduwɔ lopóa, mu lɛ́ingaa maa ngáá nduwɔ lopóa, kɛ́ Hɛ́ɛ́ma Ỹína ngilaa kpéngi lɔ mu kpɛ́lɛɛ mú nguyaí w̃ááhɔlɔngɔ maa véle w̃a, mu gúlangɔ ngáá kpusa yílaa. Aáva Hɛ́ɛ́ma Ỹína ngiláá kpéngi lɔ áá ɣɛ́ mu yilá ngílangi kpɛ́lɛɛ pólu.