Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:1 - Kɛ́lɛ Niinaí

¹ Keela woó vándai lɔ́kula héimai lɔ kɔwɔ́ato Ngalángi H̃íỹɛndou Loí Jísu Kílisitii wa.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 1:1 Iomraidhean Croise

MÁFIYU 14:33

Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”

MÁFIYU 17:5

Pítɛ i lói nɔ́ɔ njɛpɛí vúma, ngamá nɔ́ɔ kɛ njɛ bilíi i ɣɛ́i áá hólo ngwala i vaangá, í ti w̃áábɔlu. Kɛ ngoí ta aá tɔ áá gúla njɛ bilíi ná h̃u. Ngoí ná i ɣɛi ngáá sí, “Sí lɔ í ngáá ní H̃íỹɛndou Loí, ndóngɔ lá, aá lɔ ndíílɛingɔ fááw̃a ngwala. A wolílo ndaa wóó w̃a!”

MÁFIYU 3:17

Ná naa í ɣɛ́i kpɛ́ɛ́, kɛ ngoo tá í gulangá ngelegóóh̃u, ngoí ná va i ɣɛi ngáá sí, “Sí lɔ́ í ngáá ní H̃íỹɛndou Loí, ndóngɔ lá. Aá lɔ́ ndíílɛingɔ tɔ́ fááw̃a.”

MÁFIYU 4:3

Kɛ Ngutuwɔ́ Ỹína Nyɔí i vaangá ngéle, i ɣɛ ma, “Ná yá lɔ tí yáá ɣɛ́ ngáá Ngalángi H̃íỹɛndou Loí, kɛ nde ná kɔtuí sítiini ma ti vóte ngáá mɛɛní.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 1:35

Kɛ malékai i Mɛɛloí woo yápotenga, i ɣɛ ma, “Hɛ́ɛ́ma Ỹínangi aa va í w̃ááh̃u, aáva Ngutuwɔ́ Yála Ngwalaí aa yei í w̃a. Háwui náá hááw̃a, hɛ́ɛ́ma lói sí yíwaa vá ndéma, taá tolí ngáá Ngalángi H̃íỹɛndou Loí.

NJƆÚ 1:14

Lɛ́i vangí taa ɣɛ́ ma Keela Wói, i batɛní ngáá nuu búsa. I ɣɛi mu liiwáá aáva ní ngi yámaloulai lɔní, yamalóulai sí vá aa lɔ na Kɛɛɣɛí Ngalángi H̃íỹɛndou Lou yiláá kpéngi háaw̃a. I tɔɔỹái yakɛ́nga ngáá ni ye kpál̃au kɔwɔ́ato Ngala mba, ɛ́ɣɛ Ngalángi haa bɔwɔ́i mu haáw̃a.

NJƆÚ 1:34

Ngí faí sí ŋál̃aa lɔngɔ́ í híya aáva nyá lɔ́ ngáá maa hééle ngáá Jísu lɔ́ í ngáá Ngalángi H̃íỹɛndou Loí.”

NJƆÚ 1:49

Kɛ Natáániyɔ i ɣɛa ma, “Kaamɔ́ɔ́, yá lɔ́ yí ngáá Ngalángi H̃íỹɛndou Lói, yí ngáá Masa Ngwálai Ísulɔ yeláitii maah̃u.”

NJƆÚ 20:31

Kɛ́ sítii pɔ́nɛngɔɔ lé nɔ́ɔ ngáá wú lá lá ngáá Jísu lɔ í ngáá Ngalángi Lokoló Mbá W̃ɔ́i lɛ́i í ngáa Ngalángi H̃íỹɛndou Loí. Aáva ná ndángi ná áá ɣɛ wú h̃u, wáá ndɛ́ɛ́h̃u gítei w̃aahɔ́lɔ laá máa véle w̃a.

NJƆÚ 3:16

Sífaa, Ngalá ndóngɔ ngáá nuu búsai ngwala ná lɔ́ í kɛ́ni í ngi H̃íỹɛndou Lou yiláá kpéngi lɔ́veni ngáá nuí fíli áá lá ngáá ngi H̃íỹɛndou Loí ɛi saa w̃ááhɔlɔ kɛ́ aa kúnafɔ lɛ́ɛ́h̃ui w̃ááhɔlɔ.

NJƆÚ 6:69

Aáva ní kɔ́lɔ níỹa vá ni langɔ́ lá ngáá yá lɔ yí ngáá Ngalángi Hɛ́ɛ́ma W̃ɔ́i í í lɔ́vengɔ ngeleí sí wu.”

TI GƐ́Ɛ́ HAÍTII 13:24

Kɛ́ Jísu ɔ́ɔ́ ɣɛ́ p̃ɛ́ɛ́ í vá, Njɔú i keela woó léni kɔwɔ́ato nuu vólu yaféndai wa faa ỹɔ́i wa ɛ́ɣɛ ngúya wondái wa ngáá Ísulɔ yeláitii kpɛ́lɛɛ.

LÓÓMI 8:3

Savaí Ngalá ngí féi Muusé yáá ɛi hómbo ɔ́ɔ́ sí ɣɛ́ bɔw̃álale mu lɛ́ɛ́h̃ui sí h̃uu líívo kɛí aa kɛ ngáá háwu ngakpá ngɛ́i ɣɛ savaí yáá ɔ́ɔ́ ná ɣɛ́. Kɛ́ Ngalá ngí mú wúmaawoni ná h̃u í bɔwɔ́ bɔ́wɔ H̃íỹɛndou Loí Jísu Kílisitii lɔ́veni ngáá nuu búsa kíya nɔ́ɔ nuu búsaitii mú na ngáá í ɣɛ́ ngáá saáɣa a mu háá ỹɔítii fááw̃a. Aáva i Jísu Kílisitii gúlani ngáá saáɣa ngáá faa ỹɔí ndái álaa ndó ma.

LÓÓMI 8:32

Ná Ngála ngáá bái h̃u, kɛ́ láá ɣéle, í lókogula ngi H̃íỹɛndou Loí h̃u ngáá saáɣa a mu haáw̃a, ná ná áá ɣɛ́, kɛ bɛɛ́ lɔ́ náá hɔ́ɔ́ áá bááh̃aa lokogúlama su ngáá í fé mu yɛ? Aá ɣéle p̃ɛ́ɛ́, aa ŋani kpɛ́lɛɛ fé mú yaá ngi háá bɔwɔí w̃áá véle w̃a.