MÁFIYU 9:6 - Kɛ́lɛ Niinaí

⁶ Kɛ́ nyá ngáá ngakɛ́ ngáá wú ye ngáá kɛ ngakpá tɔ nuí síí w̃ɔ́i yaá taa ɣɛ ma Nuu Búsa Goo H̃ú Lói ngeleí sí wu ngáá í faa ỹɔ́itii suuhaaló.” Faalɔ, i ɣɛi mɛŋɛl̃ɛ́ w̃ɔ́i w̃a, “Yooɣé, yí í hákalangi yeɣé, yí lí í vɛ́lɛ la!”

MÁFIYU 9:6 Iomraidhean Croise

MÁFIYU 4:24

Kɛ maa woo í híyaa hááli hááli tataí ná h̃u taa náá lolí ngáá Síliya, faalɔ, nungáá tí líí ngéle ngáá seebɛ híí gɛvɛlɛ kɛvɛlɛ mbelaa, ndúwu ya fuulɛ́ héébɛ yelaa, sítii ỹína nyɔí í ɣɛ́i ti volú, kpɔle bɔ́le heebɛ yelaa, í báha náa bɛ́lɛ mɛŋɛl̃ɛ́ yélaa wa, aáva i ti walóni.

MÁFIYU 8:20

Kɛ Jísu i ngoo yápotenga, i ɣɛ ma, “Kpuulúa lɔ ndandátoa yɛ, ná vólu, taangáá tí w̃ɔníaitii mbɛ, kɛ́ ỹandá fíli aa nuí síí w̃ɔ́i yɛ taa ɣɛ́ ma Nuu Búsa Goo H̃ú Loí ɔ́ɔ́ wu ndá na.”

MÁFIYU 9:2

Naa lɔ í lói na nungáá lɛ́ingaa tí vá ngáá mɛŋɛl̃ɛ́ h̃íỹɛndopo yiláá ngelé. Mɛŋɛl̃ɛ́ w̃ɔ́i ná i ɣɛi lááni sakálangi w̃a. Ná Jísu í nungái sítii ti lángi h̃ɔ́ingi lɔ́ni í ɣɛ́i ti h̃u, kɛ i ɣɛa mɛŋɛl̃ɛ́ w̃ɔ́i w̃a, “Liibá, mu mbála, í háá ỹɔítii suuhaa í lónga.”

MÁFIYU 9:5

Bɛɛ́ lɔ nde ndáá áá báni mɛŋɛl̃ɛ́ w̃ɔ́i w̃a, sí nuu áá ɣɛ́ ma, ‘Í háá ỹɔítii suuhaa í lóngá’ baa sí nuu áá ɣɛ́ ma, ‘Yooɣé, yí híya?’

MÁFIYU 9:7

Kɛ siỹɛndópoi ná i wuyoɣénga, í lí ngi vɛ́lɛ la.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:10

Jísu í mɔ́ɔ́ ɣɛ ti w̃a, “Kɛ́ nyáá ngáá ngákɛ ngáá wú ye ngáá kɛ ngakpá tɔ nuí síí w̃ɔ́i yaá taa ɣɛ́ ma Nuu Búsa Goo H̃ú Lói ngeleí sí wú ngáá í faa ỹɔ́itii suuhaaló.” Faalɔ, i ɣɛi mɛŋɛl̃ɛ́ w̃ɔ́i w̃a,

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:7

“Ndeénii le siỹɛndópoi sí íwaa yɛ́pɛ h̃íí na? Aá lɔ́ɔ tɛɣɛsu gúla ngáá Ngalá. Nuu fíli ɛi faa ỹɔ́u h̃úúhaalo kɛ léi Ngála.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:21

Kɛ kaamɔítii Ngala sávai hááw̃a ɛ́ɣɛ Falósiaitii tí pɛ́lɛnga ndemá gí má, tíwaa ɣɛ́ ta, “Ele wáá ngáá siỹɛndópoi sí áá tɛɣɛsuí sí gúla ngáá Ngalá? Nuu fíli ɛi faa ỹɔ́u h̃úúhaalo kɛ léi Ngalá ngílaa kpé.”

NJƆÚ 10:28

Ngáá kúnafɔ lɛ́ɛ́h̃ui he ti yaá tɛí ha, aáva nuu fíli pa ɛi ti gúla ngéya.

NJƆÚ 17:2

Yí ngákpa fénga ngeyá nuu kpɛ́lɛɛ mááh̃u ngáá í kúnafɔ lɛ́ɛ́h̃ui he sítii ngeyá yí tí hengɔ́ ngeyá.

NJƆÚ 5:27

Aáva i ngakpá fénga ngeya ngáá í nungáitii kɔsɔ́ bɔw̃álale laá lɔ́ í ngáá nuí síí w̃ɔ́i taa ɣɛ́ ma Nuu Búsa Goo H̃ú Lói.

NJƆÚ 5:8

Kɛ Jísu i ɣɛa ma, “Yóóɣe, yí ló, yí í hábai yeɣé, yí híya.”

TI GƐ́Ɛ́ HAÍTII 5:31

Ngalá ngí ngu tɛngá kélei í séi ngufema ỹándai bela ngi w̃ásandai h̃u ngáá Ngutuwɔ́ ɛ́ɣɛ Ngumaawó Mɔ́i kɛinɔɔ́ ngumaawóngi í hé Ísulɔ yeláitii mbɛ tí vólu yafé ti háá ỹɔítii mba ɛ́ɣɛ ti h̃úúhaa í ló.

TI GƐ́Ɛ́ HAÍTII 9:34

Kɛ Pítɛ i ɣɛa ma, “Íniyɔ, Jísu Kílisitii i í wálonga. Faalɔ, yooɣé, yí í lááw̃ai yátɛ mba.” Ngamá nɔ́ɔ, kɛ Íniyɔ i yooɣénga.

KƆ́L̃E GƆ́LƆI HELE KÉLEI 2:10

Ná wáá nuu fíli suuhaaló ngi háá ỹɔí hááw̃a í kɛ́a, nyá bɛ́lɛ ngáá suuhaaló. Laáva ná faa fíli áá ɣɛ́ na ngáá ngí suuhaaló ngí suuhaalónga wú hááw̃a aáva Kílisitii lɔ í ngáá maa heelé

KƆ́L̃E GƆ́LƆI HELE KÉLEI 5:20

Ná hááw̃a, niỹá lɔ ni ngáá Jísu Kílisitii yaah̃úi. Maá hái gúlangɔɔ lé ngáá kíya nɔ́ɔ kpéi Ngalá ngáá ɣɛ́ ngáá wú w̃áanɛɛnɛ ni w̃áá véle w̃a. Ná ni ngáá Kílisitii yaah̃ú, niỹá lɔ wú w̃áánɛɛnɛ ngáá Ngala ngí wú lówah̃u bátɛ wáá tiyéni.

Ɛ́FƐSƆ 4:32

Kɛ́ laa ɣéle, a bɔ́ ỹɔw̃ɔ́ ỹɔ́w̃ɔ wá, wááyaa ỹɔw̃ɔ́ ỹɔ́w̃ɔ yaah̃ú w̃ááw̃aanu hóu wú wú háá ỹɔítii suuhaaló ỹɔw̃ɔ́ ỹɔ́w̃ɔ yɛ kíya nɔ́ɔ Ngalángi í mu háá ỹɔítii suuhaalóngɔ Kílisitii w̃áá véle w̃a.

KƆLƆ́SE 3:13

A ỹɔw̃ɔ́ ỹɔ́w̃ɔ háitii kúmbo h̃u, wááyaa ỹɔw̃ɔ́ ỹɔ́w̃ɔ h̃úúhaalo ná nuu háá baalɛ áá ɣɛ í gi ma kíya nɔ́ɔ Ndemɔí Jísu í mu haa ỹɔítii suuhaalóni.