MÁFIYU 8:8 - Kɛ́lɛ Niinaí

⁸ Kɛ́ Lóómi hóyai ná i ɣɛi Jísu w̃a, “Kpóó, Kawálai, kpéle! Ngáá kúlaɣɛi ngáá nuu yáá vá ní vɛ́lɛ la. Nde nɔ́ɔ léi ngáá í wálo, aáva ní bɔ́ilopoi aa waló.

MÁFIYU 8:8 Iomraidhean Croise

MÁFIYU 3:11

Ngáá nguyaí wó ngáá wú ye ngáá njɛí kɛinɔɔ́ nga ngí ɣɛ́ kpál̃au ngáá kɛ wú vólu yáfenga wú háá ỹɔítii mba. Kɛ́ nuí áá vá vaamá ná ní ndá hái áá gúla su, ngakpángɔɔ lé í lɔ́ve mbá. Aa nguyaí wó ngáá wú ye ngáá Hɛ́ɛ́ma Ỹínangi ɛ́ɣɛ ngɔmbuí. Ngáá kúlaɣɛi p̃ɛ́ɛ́ ngáá nuu ngáá lí ngáá ngi gɔ́ɔ́vai.

MÁFIYU 3:14

Kɛ́ Njɔú ɣɛ́i loí í kɛ́ ngáá háwu Jísu í gi mái w̃aalóvi faí sí h̃u, faalɔ, i ɣɛi Jísu w̃a, “Kule lɔ má nyá ɣéle ngí ngúyai w̃aahɔ́lɔ ngáá í ye, yá ɣéle yí vá ngéle ná hááw̃a?”

MÁFIYU 8:3

Kɛ Jísu i loko h̃úúhulombonga, í lúba siỹɛndópoi ná wa, i ɣɛ ma, “Ngí lúw̃aa ngáá ngí í wálo. Faalɔ, wálo.” Aáva ngamá nɔ́ɔ siỹɛndópoi ná i walóni ngáá nduwu w̃aa heebɛ́ ỹɔ́u ỹɔungí ná í ɣɛ́i ma.

MÁFIYU 8:7

Kɛ Jísu i ɣɛa ma, “Nyá lɔɔ vá ngí mbaló.”

MÁFIYU 8:9

Sífaa, nyá ɣéle tɔ nyá lɔ sóya nuu wala walaítii mbu, nyá bɛ́lɛ nɔ sóyaitii tɔ mbú. Ngáá ɣɛ́ sí w̃a, ‘Lí!’ aáva í lí, ná vólu, ngáá ɣɛ́ peka w̃a, ‘Vá!’ laáva í vá. Ngí mɔ́ɔ́ ɣɛ ní bɔ́ilopoi w̃a, ‘Sí ɣɛ!’ aáva í kɛ́.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:19

Ngáá mɔ́ɔ kulaɣɛ́i ngáá nuú yáa tóli ngáá í lóu. Faalɔ, súúhou kɛ kíya yáá í yénge mbeláitii súúhou.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 15:21

Kɛ ngi lóu i ɣɛa ma, ‘Kɛɛɣɛ́, ngí fáa ỹɔ́u ɣɛ́a ngáá í ye ɛ́ɣɛ Ngalá. Ngáá mɔ́ɔ kulaɣɛí ngáá nuú yáa tolí ngáá í lóu.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:8

Ná Sáimɔ Pítɛ í fái sí ŋál̃aa lɔní, i laní Jísu yɛ, i ɣɛ ma, “Hiɣe kpéla, yí lí, kawálai. Nyá lɔ ngáá faa ỹɔ́u w̃ɔ́ɔ.”

NJƆÚ 1:27

Ná ní ndá hái áá gúla su, nuí ngí ndá hái áá ɣɛ́ nga, ngáá kulaɣɛí p̃ɛ́ɛ́ ngáá nuú ngi gɔ́ɔ́vai ɣéle tɔ ndaa húlo fááw̃a.”