MÁFIYU 8:6 - Kɛ́lɛ Niinaí

⁶ I ɣɛi Jísu w̃a, “Kawálai, ní bɔ́ilopoi lɔ pɛlɛí la mɛŋɛl̃ɛ́ngɔ áá héébɛ, aáva nduwú yá tɔ́ɔ́ húúlɛ ngwala.”

MÁFIYU 8:6 Iomraidhean Croise

MÁFIYU 4:24

Kɛ maa woo í híyaa hááli hááli tataí ná h̃u taa náá lolí ngáá Síliya, faalɔ, nungáá tí líí ngéle ngáá seebɛ híí gɛvɛlɛ kɛvɛlɛ mbelaa, ndúwu ya fuulɛ́ héébɛ yelaa, sítii ỹína nyɔí í ɣɛ́i ti volú, kpɔle bɔ́le heebɛ yelaa, í báha náa bɛ́lɛ mɛŋɛl̃ɛ́ yélaa wa, aáva i ti walóni.

MÁFIYU 8:7

Kɛ Jísu i ɣɛa ma, “Nyá lɔɔ vá ngí mbaló.”

MÁFIYU 9:2

Naa lɔ í lói na nungáá lɛ́ingaa tí vá ngáá mɛŋɛl̃ɛ́ h̃íỹɛndopo yiláá ngelé. Mɛŋɛl̃ɛ́ w̃ɔ́i ná i ɣɛi lááni sakálangi w̃a. Ná Jísu í nungái sítii ti lángi h̃ɔ́ingi lɔ́ni í ɣɛ́i ti h̃u, kɛ i ɣɛa mɛŋɛl̃ɛ́ w̃ɔ́i w̃a, “Liibá, mu mbála, í háá ỹɔítii suuhaa í lónga.”

TI GƐ́Ɛ́ HAÍTII 10:7

Ná Malékai sí í yɛ́pɛni Kɔníliya yelé í lííni, kɛ Kɔníliya i ngi yénge mbelaa félengɔ lolínga taá ngu maa hóya yiláá sí í ɣɛ́i bɔwɔ́ gulaní kɛlɛ́ma Ngalá mbɛ.

TI GƐ́Ɛ́ HAÍTII 8:7

Ỹína nyɔítii tɔ́ɔ bái gbél̃eiŋ tí léve nuu bíh̃iw̃aa vólu. Ná vólu, i mɛŋɛl̃ɛ́ yélaani ngaa nɔɔnɔ yeláá bih̃íw̃aa walóni.

TI GƐ́Ɛ́ HAÍTII 9:33

Naa lɔ í siỹɛndópo yiláá mááleni na mɛŋɛl̃ɛ́ngɔ taa ɣɛ́ ma Íniyɔ. Aáva i ɣɛi náa kɛí lááni mbeteí yá ngáá fowó ngwáhakpangɔ.

KƆLƆ́SE 3:11

Náá hááw̃a, ndowah̃u kɔ́lɛ fíli áa mɔɔ sítii ndowah̃u taa ngáá Júsua ɛ́ɣɛ sítii ti ngáá Júsua, sítii ndówah̃u tí lɔ́vengɔ pɛ́lɛ vólu ɛ́ɣɛ sítii taa ti lɔ́vengɔ pɛ́lɛ vólu. Ná vólu mɔ́ɔ́, ndowah̃u kɔ́lɛ aa mɔ́ɔ sítii ndówah̃u ti ngáá ndɔwɔlɔ vékaa h̃uu yélaa ɛ́ɣɛ sítii taa wíí fáá fíli ngákɔlɔ. Ndowah̃u kɔ́lɛ aa sítii ndówah̃u ti ngáá nduwɔ lopóa taa sítii taa ngáá nduwɔ lopóa. Kɛ́ maa hái kpɛ́lɛɛ su, Kílisitii lɔ́ í ngáá faa bíkpingi, aáva aa ɣɛ Ngalá fɛ́li mbélaitii kpɛ́lɛɛ ndííh̃u.

KƆLƆ́SE 4:1

Wɛ́i wú ngáá maaliɣíaitii nduwɔ lopoáitii mááh̃u, a waayaa tí h̃úúhou ngáá pangɔ́. Wálaa ti gahá. A giséi ma ngáá kɛ wa bɛ́lɛ nɔ́ wú W̃ááliɣi lɔ́ na lɛ́i í ngelegóóh̃u.

TÍMOTI HESENDAA GƆLƆÍ 6:2

Ngala fɛ́li mbélai sítii pa taa ɣɛ́ ngáá nduwɔ lopóa sítii mbu tiyá bɛ́lɛ taa ɣɛ́ ngáá Ngala fɛ́li mbélaa, tálaa lɛ́ɣɛ ti w̃ááliɣiai nátii su ngáá sífaa nɔ́ɔ nátii bɛ́lɛ ti ngáá Ngala fɛ́li mbélaa. Kɛ́ laá ɣéle, ti gólo ti yɛ́ ngáá pangɔ́, bɔw̃álale, ti w̃ááliɣiai nátii tíwaa maa gúlasuunumai w̃aahɔ́lɔ, tiyá lɔ ngáá ti mbála Yalá fɛ́li mbélaa tiyɛ́i Ngala ndongɔ́ ngáá ti ye. Yaayaa fái sítii nde ngáá Ngalá ngoo, ná vólu, yí ɣɛ́ yáá núngaa gálambo la.

FELÉMO 1:16

Kɛ́ aáva aa mɔɔ ngáá í lúwɔ lopo nɔ́ɔ, tɔvengɔ́ɔ́ lé náa nduwɔ lopólaa wa, aá lɔ́ náá ngáá mu mbála Yalá fɛ́li mɔ́i ta. Aá lɔ́ ngáá ndíívo mɔ́ɔ́ vánda wala aáva kíya ndóngɔ la, yá lɔɔ vá lóma la í lɔ́ve mbá sífaa, aá lɔ vá ɣɛ́ma ngáá í lúwɔ ɛ́ɣɛ múl̃ɔ í mbála ndangɔ́ ngáá Ndemɔí Jísu kíya nɔ́ɔ yí na.