MÁFIYU 8:5 - Kɛ́lɛ Niinaí

⁵ Ná Jísu í lɛ́ɛ́ni Kapɛ́ɛ́niya taí h̃u, Lóómi hóya nuu wala yiláá i vaaní ngelé. Lóómi hoya nuu walaí ná, i ɣɛi sóya hɔ́ndɔ ngiláá mááh̃u. I vaaní í Jísu w̃aanɛ́ɛ́nɛ ngáá Jísu í bɔ́mba.

MÁFIYU 8:5 Iomraidhean Croise

MÁFIYU 11:23

Wɛ́i vangí wú ngáá Kapɛ́ɛ́niya taa h̃u yélaitiini, aa lɔ́ wú gí ma ngáá wú wú nga tɔ́ɔ́ vá yóóɣema í lɛ́ í tó ngeleí wa? Kpéle, wú wú nga tɔ́ɔ́ va yéima ndɔwɔlɔ́i wa fáli. Kááma haítii ngí ti ɣɛngɔ́ wú lái h̃u, kɛbei ngí ɣɛ́i ti ɣɛí taí sí h̃u tɔ́ɔ́ naa lolí ngáá Sɔ́dɔu Ngalá ngí naa ỹáánini sífaa ti ỹáámangɔ í ɣɛ́i la, maa lái ɔ́ɔ́ ɣɛ́ ɣɛi loí na í ló su sí h̃úi í fólo!

MÁFIYU 27:54

Sóya nuu walaí ná ɛ́ɣɛ sóyai sítii ti ɣɛ́i mba táa Jísu w̃aah̃ú belé, ná tí ndɔwɔlɔ́i lɔní í bɛ́lini, ɛ́ɣɛ sí kpɛ́lɛɛ í híyai na, nduwái i vuí tí h̃u. Kɛ ti ɣɛ́a tá, “Tɔɔỹaá kái kai té, i ɣɛngɔ ngáá Ngalángi H̃íỹɛndou Loí!”

MÁFIYU 4:13

Aa loní Násɔlɛ taí h̃u, kɛ́ i liiní ngáá í ló Kapɛ́ɛ́niya taí h̃u, i Galéli Yɛ Walaí béla, Sɛ́biyul̃ɔ ɛ́ɣɛ Náfutali lataítii su.

MÁFIYU 9:1

Jísu i viliní naá kélengi h̃u, í Galéli Yɛ Walaí léve, í yángaima ngi láá h̃u.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 15:39

Sóya nuu walaí í ɣɛ́i lóóni Jísu gakála. Na í Jísu baí wói ỹɛ́nini ɛ́ɣɛ kíya Jísu lii í gúlani, kɛ i ɣɛa ta, “Tɔɔỹaá kái kái té, siỹɛndópoi sí i ɣɛngɔ ngáá Ngalángi H̃íỹɛndou Loí.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:1

Ná kuu félengɔ í gúlani su, Jísu i mɔɔ yangáimani Kapɛ́ɛ́niya taa h̃u. Kɛ nungáitii tí mɛningá ngáá Jísu i vaangá pɛlɛ́i la.

TI GƐ́Ɛ́ HAÍTII 22:25

Ná ti Pɔ́ɔ yiliní ngáá tí ndeve, kɛ Pɔ́ɔ i sóya nuu walá yiláá mɔ́ɔ́ninga lɛ́i í ɣɛ́i lóóni na, i ɣɛ ma, “Aá lɔ pele w̃a savaí h̃u ngáá ti Lóómi lɔwɔlɔ h̃uu w̃ɔ́ɔ́ leve ná wɔ́i ɣɛ́ kɔsɔní wɔ́ɔ́ tɔ ngáá aa veléni?”

TI GƐ́Ɛ́ HAÍTII 23:17

Kɛ Pɔ́ɔ i sóya nuu wala yiláá tólinga, i ɣɛ ná w̃a, “Lí lɛ́ɛ kái ngáá siỹɛndóu lói sí wú w̃ááh̃u w̃ɔ́ɔ́ walaí yéle. Njɛpɛ lɔ nda ngáá í súúɣɛ lá.”

TI GƐ́Ɛ́ HAÍTII 23:23

Kɛ sóyai ti w̃ááh̃u w̃ɔ́ɔ́ walaí i ngi hóya nuu wala wala félengɔ lolínga, i ɣɛ ti w̃a, “A nde sóya hɔ́ndɔ félengɔ w̃a ngáá tí w̃aahéi wó, ti báha sóya vúu ngɔ́felangɔ wa soo híya mbélaitii su ɛ́ɣɛ sóya hɔ́ndɔ félengɔ kpalá víli mbélaitii su ngáá ná sɛ́i áá ɣɛ́ ngáá kó sou sɔ́wɔ w̃a kpéi hááwɔ kpɔkɔ́, wáá tiyéni wú lí Sɛsɛ́liya.

TI GƐ́Ɛ́ HAÍTII 27:13

Ná fɛfɛ ndɛ́hɛ lɛhɛngí í tɔkúla héini ngáá vaalaá áá gúla ngáá seɣá h̃u veleí, i ɣɛi ti gi má ngáá sí ti ɣɛ́i ndení, i hitɛngá nga. Faalɔ, tí kelé kpúlɔ ngísaitii tɛí naa keléngi h̃u, tí pɛlɛ siyamá kpóloo njɛ wálai ná laa bákala sú í Kíliti w̃aayelé mbélengɔ.

TI GƐ́Ɛ́ HAÍTII 27:31

Kɛ Pɔ́ɔ i ndengá sóyaitii ma táa ti núú walaí, i ɣɛ ta, “Kɛ nɔ́ɔ́ léi siỹɛngái sítii tí ló keléngi h̃u ná ná láá le, táá wála lɛɛh̃úi w̃a.”

TI GƐ́Ɛ́ HAÍTII 27:43

Kɛ́ sóyaitii ti núu walaí aa ɣɛi loní Pɔ́ɔ lɛɛh̃úi ɔ́ɔ́ ỹááni. Faalɔ, i pele levéni ti lɔ́wɔ ngáá tálaa ná ɣɛ. I ndení náa sítii ma táa lɔ́mbu, ná vólu, tɔ́ɔ́ ndafé mbó ngáá nátii ti víli hése njɛí ya, ti lí kaséngi ya.

TI GƐ́Ɛ́ HAÍTII 9:38

Jɔ́pa w̃aa áá gooh̃á Léda wá. Faalɔ, ná Jísu volú yélaitii tí mɛ́nini ngáá kɛ Pítɛ i ɣɛi Léda, tí siỹɛ félengɔ lɔvení ngelé ngáá keelá kɛinɔɔ́ nátii tí maanɛ́ɛ́nɛ ngáá í máa hulá taá tiyéni ti vá.