MÁFIYU 8:4 - Kɛ́lɛ Niinaí

⁴ Kɛ Jísu i ɣɛa ma, “Yaá fái sí le nuu fíli má. Kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í fengɔ́ Muusé yaá í ndéngɔ. Ná lɔ́ áá kɛ nungáitii kpɛ́lɛɛ taá ɣɛ́ kɔlɔ́ ngáá kɛ yí wálonga.”

MÁFIYU 8:4 Iomraidhean Croise

MÁFIYU 10:18

Taá ɣɛ́ taa lí ngáá wú ye masa kúlo gúloaitii ngéle ɛ́ɣɛ masa ngwála walaitii. Sí kpɛ́lɛɛ pá aa ɣɛ́ sífaa wú ngáá pólu yélaa. Sí vá aa kɛ ngáá háwu sí wú kɔlɔ́ kɔwɔ́ato mbá wú súúɣɛ ti gakála ɛ́ɣɛ sítii kakála taa ngáá Júsua.

MÁFIYU 16:20

Kɛ Jísu í volú yélaitii ndaahínga ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.

MÁFIYU 17:9

Ná ti ɣɛ́i taa híɣe ngihéi wa, Jísu i ndaahí kpá kpa mboní ngáá ti ye i ɣɛ ti w̃a, “Sí wú tɔ́ngɔ ngihéi wa, a waá nde nuu fíli má í ló su kpóloo nuí síí w̃ɔ́i taa ɣɛ́ ma Nuu Búsa Goo H̃ú Loí Ngala ngí mbúyoɣe sái h̃u.”

MÁFIYU 3:15

Kɛ́ Jísu i ngoo yápoteni, i ɣɛi ma, “Bɛlɛ́ sí í ɣɛ́ h̃íí náa nɛ́nɛ, kɛinɔɔ́ sítii kái kái Ngalá ngi ndéngɔ ngáá mú tí ɣɛ, mú tí ɣɛ.” Faalɔ, Njɔú bɛ́lɛ i luw̃ái náa.

MÁFIYU 5:17

Ná vólu, kɛ Jísu i mɔɔ ndengá tí w̃a, i ɣɛ ta, “A wáá gísiya ngáá kɛ ngí váángɔ ngeleí sí wu Ngala sávai sítii kpɛmá nga í féni Muusé yáa ɛ́ɣɛ kalambongítii Ngalá ndaa háá lé mbélaitii tɔ́ɔ mbo. Ngáá váángɔ tí bɛ fááw̃a nga, kɛ́ aá ɣéle, ngí váángɔ ngáá kɛinɔɔ́ ti hítɛ nga.

MÁFIYU 6:1

Ná vólu, Jísu í mɔ́ɔ́ ɣɛ́ ti w̃a, “A w̃aah̃ú béle ngáá wú Yála faa ɣɛndái álaa ɣɛ́ nɔ́ɔ ngáá nungáá ti yaah̃ú háa. Ná wáá ná ɣɛ, wú Kɛ́ɛ́ɣɛ Ngalá ngí ngelegóóh̃u, maaỹá fíli ɛi ɣɛ ngeyá wú hááw̃a wá bɛ́lɛ nɔ.

MÁFIYU 9:30

Kɛ ngamá nɔ́ɔ tí yaah̃úi w̃aa i ɣɛa kpál̃au táá ỹanda lɔ. Jísu vá í ti laahíi kpááŋ i ɣɛ ta, “A waá faí sí le nuu fíli má!”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 13:9

Jísu í mɔ́ɔ́ ɣɛ ti w̃a, “Kɛ́ wú gísei w̃a. Tiyá lɔɔ ɣɛ́ taa wú hóu, tíwaa lí ngáá wú ye kóótii h̃u, aáva tíwaa wú léve Ngala fɛ́li máákpɔ wotaítii mbu. Tiyá lɔɔ ɣɛ́ taa lí ngáá wú ye masa kúlo gúloaitii ngelé ɛ́ɣɛ masa ngwála wálaitii. Sí kpɛ́lɛɛ pá aa ɣɛ sífaa wú ngáá pólu yélaa. Sí va aa kɛ ngáá háwu sí wú kɔ́lɔ kɔwɔ́ato mbá wú súuɣɛ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 3:12

Kɛ́ Jísu i ti laahíni ngwala, i ɣɛ ti w̃a, “A waá nde nuu fíli má ngáá kɛ ele wáá ngáá ngé.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:43

Kɛ́ Jísu i ndaahi kpá kpá mbóni ngáá ti ye, i ɣɛ ti w̃a, “A waá kɛ nuu fíli ɔ́ɔ́ ɣɛ́ faa wɔ́lɔ faí sí wa. A mɛɛní hé nyah̃alóu guloí yáa í mɛ.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 6:11

Kɛ́ aáva taa fíli sú nuu fíli ɛ́i ɣɛ́ lókoheini wú wú na, kɛlaa tɔɔ́ wólilo wú w̃á, a gulá náá wa wú náá húfulengi bɛ́kpɛlɛ gɔ́wɔ ya. Ná lɔ áá ngákɛ ngáá ti ye ngáá kɛ ti velé lálangɔɔ lé.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 7:36

Jísu i ndení nungáitii ma ngáá tálaa nde nuu fíli má. Kɛ́ kíya bɛ́lɛ í ndení tí w̃a ká ká, ná fíli sú, ti ɣɛ́i nɔ́ɔ taá maa woo híya.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 8:30

Kɛ́ Jísu i ti laahíni ngáá tálaa nde nuu fíli má ngáá kɛ laá lɔ í ngáá Ngalángi Lókolo Mbá W̃ɔ́i.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:9

Ná Jísuni ngaa polú yélai nátii ti ɣɛ́i taa híɣe ngihéi wa, Jísu i ti laahíni, i ɣɛ ti w̃a, “Sí wú suulɔngɔ́, a waá nde nuu fíli má í ló su nuí síí w̃ɔ́i taa ɣɛ́ ma Nuu Búsa Goo H̃ú Loí í yóóɣe sái h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 17:14

Ná Jísu í tí lɔní, i ɣɛi ti w̃a, “A lí wú bɔwɔ́ ɣɛ́ ngáá Ngala sááɣa gula mbélaitii, ti wú hɔ́bɛ.” Aáva ná ti ɣɛ́i peleí h̃u táá li, tí ngátɔi naa ngáá kɛ nduwu w̃aa heebɛ́i ỹɔ́u ỹɔ́ungi ná i walónga ti w̃a.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 21:13

Sí va aa kɛ ngáá háwu sí wú kɔlɔ́ kɔwɔ́ato mbá wú súúɣɛ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:41

Ná volú mɔ́ɔ, Jísu i ỹína nyɔítii tevéni nuu bíh̃iw̃aa volú. Aáva ná tɔ́ɔ ɣɛ́ taa léve nungáitii polú tɔ́ɔ ɣɛ́ taá woo gúla gbél̃eiŋ, tíwaa ɣɛ́ ta, “Yá kái kái tɔ́ yí ngáá Ngalángi H̃íỹɛndou Loí!” Kɛ́ Jísu i kpaní tí w̃a ngáá kule ngáá tí w̃áá ɣɛ ló. Aa kɛní tɔɔ yɛ́pɛ bɔw̃álale ti ɣɛ́i kɔlɔ́ ngáá láa lɔ í ngáá Ngalángi Lókolo Mbá W̃ɔ́i.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 5:14

Kɛ Jísu i ɣɛa ma, “Yaá nde nuu fíli ma, kɛ́ lí Ngala sááɣa gula mɔ́i yelé, í í hɔ́bɛ. Ná ná áá ɣɛ́, yáá sááɣai sí gúla náa kɛ kíya Ngala sávai í féni Muusé yáá í ndengɔ́. Ná lɔ áá kɛ nungáitii kpɛ́lɛɛ taá ɣɛ́ kɔlɔ́ ngáá kɛ yí wálonga.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 8:56

Nyah̃alóu guloí ná njéeni ngaa ngi kɛ́ɛ́ɣɛ ti gindáá vílingɔ i ɣɛi lá ngwala. Kɛ́ Jísu i ndení ti w̃a ngáá tálaa nde nuu fíli má sí í híyani.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 9:21

Jísu i ndaahi kpákpa mboní ngáá ti ye ngáá tálaa nde nuu fíli má ngáá ele wáá ngáá laá.

NJƆÚ 5:41

Ngáá lɛ ngóó wɔlíma nuu búsaa yaá.

NJƆÚ 7:18

Nuí áá ɣɛ áá yɛ́pɛ bɔwɔ́ haaw̃a, aa ná ɣɛ́ ngáá í ngufema w̃ááhɔlɔ bɔwɔ́ yɛ, kɛ́ nuí sí áá ɣɛ́ áá faa ɣɛ́ ngáá nuí í tɔvengɔ́ í ngufema w̃ááhɔlɔ su, maa w̃ɔ́i lɔ ngáá tɔɔỹáá w̃ɔ́ɔ, faa fíli aa na ɔ́ɔ́ ɣɛ́ ngáá ndɛɛ́ kɔwɔ́ato mba.

NJƆÚ 8:50

Aa yɛɛ́ ngáá tɛ ngóó lɔ ngíwaa kɔlí bɔwɔ́ haaw̃a, kɛ́ nuu lɔ́ na íwaa tɛ ngóó wɔ́li fááw̃a, maa w̃ɔ́i va tɔ áá kiti yéɣe áá ɣɛ́ váni fááw̃a.