MÁFIYU 8:2 - Kɛ́lɛ Niinaí

² Kɛ siỹɛndópo yiláá nduwu w̃aa heebɛ ỹɔ́u ỹɔungí í ɣɛ́i ma, i vaangá Jísu yelé, í lá mbɛ, i ɣɛ ma, “Kawálai, ngí kɔ́lɔ yáá hómbo yí mbálo ná yáá ɣɛ́ loí yí kɛ.”

MÁFIYU 8:2 Iomraidhean Croise

MÁFIYU 10:8

A seebɛ yelái mbaló, wú saa yeláitii mbuyoɣé sái h̃u. Wú nungái sítii mbaló seebɛ ỹɔ́u ỹɔ́ungi í tí luwúi w̃a. Ná vólu, sítii ỹína nyɔí í tí vólu, wú téve ti vólu. Wú ngakpángi sí w̃aahɔ́lɔnga gbááma, faalɔ, a faí sítii kɛ gbááma.

MÁFIYU 13:58

Faalɔ, Jísu aa káámaa haa bih̃íw̃aa ɣɛ́ni ngi lái h̃u, bɔw̃álale nda ngáá ɣɛ́i nungáitii su.

MÁFIYU 14:33

Kɛ Jísu volú yélaitii ti ɣɛ́i keléngi h̃u ti Jísu hɛlingá, ti ɣɛ́i ma, “Tɔɔỹaá kái kái té ngáá yá lɔ́ yí ngáá Ngalángi H̃íỹɛndou Lói.”

MÁFIYU 15:25

Ná Jísu í fái sí léni, nyah̃ápoi i vaí, í lá mbɛ, i ɣɛ ma, “Kawálai, bɔ́ mba kái!”

MÁFIYU 18:26

Kɛ́ ngenge mɔ́i i hitɛí wúmbu ya masangí gakála, í maanɛ́ɛ́nɛ, i ɣɛ ma, ‘Mááw̃aanu hóu kái. Nyá lɔ́ vá kpɛ́lɛɛ féma!’

MÁFIYU 2:11

Ti wálai náa maa vɛ́lɛi wu, tí ndoí lɔ ɛ́ɣɛ ngi njéé Mɛɛloí. Kɛ ti hítɛnga wúmbu ya, tí ngufema hé ndói yɛ. Tí tí yandɔ́ɔ́lɔ nyakáitii ndaa wói náa tí ndói w̃áábatɛngaitii fé ngeyá. Maabatɛ́ngaitii tí ɣɛí ngáá, góólii ɛ́ɣɛ ngɛ́ingai nátii ti hɔ́w̃ɔ bangɔ́ walaí taa ɣɛ́ tí w̃a filakísɛngi ɛ́ɣɛ mɛ́i.

MÁFIYU 20:20

Kɛ Sɛ́bɛdi ỹah̃aí i vaá Jísu yelé ngáá ngi h̃íỹɛndou lou félengɔi í lá Jísu yɛ í mɔ́ɔ́ni faa bɔ́wɔ haaw̃a.

MÁFIYU 26:6

Ná Jísu í ɣɛ́i taí sí h̃u taá tolí ngáá Bɛ́tani, i ɣɛi siỹɛndópo yiláá ngi vɛ́lɛi wu tɔ́ɔ́ ɣɛ ma Sáimɔ, nduwu w̃aa heebɛ́i í ɣɛ́i náa bení mba.

MÁFIYU 28:17

Ná ti Jísu lɔní, tí fɛliní, kɛ́ tí lɛ́ingaa tí nda tála gúlani.

MÁFIYU 28:9

Ti loí nɔ́ɔ liimá, kɛ ti gɔ́ɔ́laa Jísu wa, i ɣɛ ti w̃a “Ndiiheí í ɣɛ́ wú yɛ́.” Kɛ tí liingá, tí la kɔwɔ́ wu, tí sóu kɔwɔ́i wa, tí fɛ́li.

MÁFIYU 4:9

i ɣɛ Jísu w̃a, “Ngáá sítii kpɛ́lɛɛ fé í yɛ́, ná yáá hítɛ wumbú ya yí fɛ́li ngáá í yálangi.”

MÁFIYU 8:1

Ná Jísu i híɣeni ngihéi góóɣaka w̃á, faŋa walá i hitɛí polú.

MÁFIYU 8:25

Kɛ polú yélaitii tí líínga, tí maáleve, ti ɣɛ́ ma, “Kaamɔ́ɔ́, mu w̃ááwalo, bɔw̃álale a muỹá lɔ́ náa saa lowá la!”

MÁFIYU 9:18

Ná Jísu í ɣɛ́i áá fái sí lé ti w̃a, kɛ Júsuai ti wutúwɔɔ w̃ɔ́ɔ́ ta yiláa i vaangá, í lá mbɛ, i ɣɛ ma, “Ní ỹáh̃aloi i haá nɔ́ɔ kíya suu i na. Kɛ́ vá yí lóko vɛ́lɛ ma, ná áá kɛ í mɔ́ɔ́ va ndɛɛh̃úi h̃u volú.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:27

Ná vólu, nuu bíh̃iw̃aa ti ɣɛ́i Ísulɔ nduwu w̃aa heebɛí í ɣɛ́i ti w̃a Ngalá ndaa háá lé mɔ́i Iláisa ndá yéteyangi h̃u. Kɛ́ ti tá fíli taá mbaló máahɔlɔni kɛ léi siỹɛndópoi sí tɔ́ɔ́ ɣɛ́ ma Nááma í gúlani ndɔwɔlɔ́i sí h̃u tɔ́ɔ́ náá lolí ngáá Síliya.”

NJƆÚ 9:38

Kɛ siỹɛndópoi i ɣɛ́a ma, “Kɛɛɣɛ́, ndángɔɔ le ngáá í ye,” Aáva í hítɛi wumbú yá Jísu gakála.

TI GƐ́Ɛ́ HAÍTII 10:14

Kɛ Pítɛ í ngapótenga, i ɣɛi ta, “Tɔɔỹaá hááw̃a, Kɛɛɣɛ́ Ngalá, ngáá kɛmá! Nápa ngáá nɛ́ɛ ŋani ỹɔ́u ỹɛ́ni ɔɔ kpaló mba wɔ́li.”

TI GƐ́Ɛ́ HAÍTII 10:25

Ná nɔ́ɔ léi Pítɛ í ɣɛ́i áá lɛ́ pɛlɛ́i wu, Kɔníliya i ndaaw̃ɛ́ɛ́ni, í lá mbɛ ngufema h̃u.

KƆ́L̃E HESENDAA GƆLƆÍ 14:25

Ti háá ỹɔítii taa ɣɛ́ ti lií h̃u kaa ngáá híɣe ma, aáva taa hítɛ wumbú ya tí Ngalá fɛ́li, táá ɣɛ́ ta, “Ngalá tɔ́ wu vólu kái kái ngáá tɔɔỹaá!”

FAA YÁKƐ KƆ́LƆI 19:10

Ngí hítɛi wumbú yá malékai gakála ngáá ngí fɛ́li, kɛ́ i ɣɛi má, “Yaa ná ɣɛ́! Ngalá tɔ́ nɔ́ɔ yáá fɛ́li. Nyá bɛ́lɛ nyá lɔ́ nɔ́ɔ ngáá Ngalá ngénge mɔ́ɔ kíya nɔ́ɔ yí ná ɛ́ɣɛ í mbála Yála fɛ́li mbélaa, ná wáá ngáá, sítii kpɛ́lɛɛ ti langɔ́ ngáá tɔɔỹaá woí Jísu í ndéni.” Tɔɔỹaá woí Jísu í ndéni áá lɔ́ɔ í ngáá Ngalángi gééla woí wúngi Ngala ndaa háá lé mbélai taa nde.