MÁFIYU 8:16 - Kɛ́lɛ Niinaí

¹⁶ Ná kpindí í vɛ́lɛni, nungáá tí vááni ngáá nuu bíh̃iw̃aa ỹína nyɔí í ɣɛ́i ti volú. Jísu va i ndení ỹína nyɔítii ma ngáá ti levé ti volú aáva ti lévei ti volú. Ná vólu, i seebɛ́ yeláitii kpɛ́lɛɛ mbáloni.

MÁFIYU 8:16 Iomraidhean Croise

MÁFIYU 12:22

Nungáá lɛ́ingaa tí vái ngáá siỹɛndópo yiláá Jísu yelé mbolengɔ́, ɛ́i belé yɛ́pɛ. Siỹɛndópoi sí i ɣɛi híí ná, sífaa ỹína nyɔí lɔ́ í ɣɛ́i polú. Jísu i mbalóni ngáá ɔ́ɔ́ hómbo í yɛ́pɛ, í mɔ́ɔ́ ỹandá lɔ.

MÁFIYU 14:14

Ná Jísu í hítɛni keléngi h̃u, i faŋa walá ya tɔ́i vúúni, maaw̃áánungɔ i ɣɛi lá ti hááw̃a ngwala, i sítii mbalóni ti héébɛngɔ í ɣɛ́i la.

MÁFIYU 8:15

Faalɔ, Jísu í lubaí tokoí wa, kɛ kɔɔlɛ́hulai i benga nyah̃ápoi ná wa, í wuyoɣé, í mɛɛni hé Jísu yɛ.

MÁFIYU 8:33

Kɛ siỹɛngái sítii ti ɣɛ́i taá búbuaitii maah̃ú belé, ti víliỹɛnga tí lí taí h̃u, tí naa híya velé h̃úúɣɛ ɛ́ɣɛ mɔ́ɔ́ tí sí h̃úúɣɛ í ɣɛ́i ngáá siỹɛ́ félengɔi nátii ỹína nyɔítii ti ɣɛ́i ti volú.

MÁFIYU 9:2

Naa lɔ í lói na nungáá lɛ́ingaa tí vá ngáá mɛŋɛl̃ɛ́ h̃íỹɛndopo yiláá ngelé. Mɛŋɛl̃ɛ́ w̃ɔ́i ná i ɣɛi lááni sakálangi w̃a. Ná Jísu í nungái sítii ti lángi h̃ɔ́ingi lɔ́ni í ɣɛ́i ti h̃u, kɛ i ɣɛa mɛŋɛl̃ɛ́ w̃ɔ́i w̃a, “Liibá, mu mbála, í háá ỹɔítii suuhaa í lónga.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 2:3

Aáva siỹɛngáá lɛingáá ti ɣɛ́i taa vá ngáá mɛŋɛl̃ɛ́ h̃íỹɛndopo yiláá Jísu yelé. I ɣɛi siỹɛngáá nááningɔ yaá.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 5:8

Siỹɛndópoi i ngoí sí léni sífaa Jísu i ɣɛi áá ɣɛ́ ma, “Ỹína nyɔí, léve siỹɛndópoi sí vólu.”

Keela woó vándai Máa í pɔ́nɛni kɔwɔ́ato Jísu Kílisitii wa MÁI 9:25

Ná Jísu í tɔ́ni ngáá kɛ faŋaí lɔ́ɔ tí w̃áá laahé, i ndení ỹína nyɔí w̃a, i ɣɛ ma, “Yɛ́i yí ngáá ỹína nyɔí yáá kɛ ngáá háwu nuí wóli h̃úi í hítɛnga, ná vólu, í bááh̃aa bɔɔlɔ́ma, léve siỹɛndóu loí sí volú, kúnafɔ yálaa múl̃ɔ vɛlɛ́ pólu.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:12

Ná Jísu í tɔní, i tolíni gakala, i ɣɛ ma, “Nyah̃ápoi, ngi í w̃ááhaalonga í héébɛi sí h̃u.”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:40

Ná fóloi í ɣɛ́i áá víla, nungáitii tí vaaní ngáá seebɛ yeláitii kpɛ́lɛɛ kpɛ́lɛɛ Jísu yelé. Seebɛ híi laali taali kpɛ́lɛɛ i ɣɛi ti wa. Jísu va i loko vɛ́lɛni tí w̃a ngáá ngilá ngíla, ti kpɛ́lɛɛ pá tí wálo.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 4:41

Ná volú mɔ́ɔ, Jísu i ỹína nyɔítii tevéni nuu bíh̃iw̃aa volú. Aáva ná tɔ́ɔ ɣɛ́ taa léve nungáitii polú tɔ́ɔ ɣɛ́ taá woo gúla gbél̃eiŋ, tíwaa ɣɛ́ ta, “Yá kái kái tɔ́ yí ngáá Ngalángi H̃íỹɛndou Loí!” Kɛ́ Jísu i kpaní tí w̃a ngáá kule ngáá tí w̃áá ɣɛ ló. Aa kɛní tɔɔ yɛ́pɛ bɔw̃álale ti ɣɛ́i kɔlɔ́ ngáá láa lɔ í ngáá Ngalángi Lókolo Mbá W̃ɔ́i.

TI GƐ́Ɛ́ HAÍTII 5:15

Sífaa Ngalángi géélaitii ti ɣɛ́i taa káámaa haítii kɛ, nungáitii tí vááni ngáá seebɛ yeláitii peleítii ma tí tí la mbetéitii nga ɛ́ɣɛ sabaítii ma kɛinɔɔ́ bɛ́lɛ ná Pítɛ ɔ́ɔ́ ɣɛ́ lɔ́ve ti bélaa maa nííningi í fólo ti w̃a ti wálo.