MÁFIYU 8:12 - Kɛ́lɛ Niinaí

¹² Nungái nátii pa kule í ɣɛ́ngɔ ti w̃a ti ɣɛ́ Ngalá ngéle, Ngalá ngáá nátii pili kpindíi h̃u, mbéi taa ɣɛ́ na táá wɔ́lɔ, táá laangɔ́lu yámɛ.”

MÁFIYU 8:12 Iomraidhean Croise

MÁFIYU 13:38

Kpaalaí vá mbaa ngáá ngeleí sí wu. Wííti húwu vándai vá mbaa ngáá nungái sítii taa ɣɛ́ Ngalá mbu ngi w̃ásandai h̃u. Tufa gbáámangai mbaa ngáá nungái sítii taa ɣɛ́ nuí sí wú lɛ́i taá tóli ngáá Nyaama W̃ɔ́i.

MÁFIYU 13:42

Malékaitii taá ti víli njahááma, ngɔmbu yakpángɔ wálai h̃u, naí lɔ́ taa ɣɛ́ na, táá wɔ́lɔ, táá laangɔ́lu yámɛ.

MÁFIYU 13:50

Taá maa lúva vele ỹɔu yeláitii pilí njahááma wɔmbu yakpángɔ wálai h̃u. Naí lɔ taa ɣɛ́ na táa wɔ́lɔ, táá laangɔ́lu yámɛ.”

MÁFIYU 21:43

Jísu í mɔ́ɔ́ ɣɛ ta, “Faalɔ, ngí ndé wú w̃a, Ngalángi w̃ásandai lɔɔ vá gulamá wú yáá í hé nungái sítii ngéya taa híya ngáá sí Ngalá ndóngɔ tí kɛ. [

MÁFIYU 24:51

Ngi núu wálai áá faa bá ngwála la má í tɔ́ve mbéinda sítii taá ngenge fái lá yaah̃ú ti núú walaí yaah̃ú kɛ́ tɛ́i mbo, tí ná. Naa lɔ taa ɣɛ́ ná táá wɔ́lɔ, táá laangɔ́lu yámɛ.”

MÁFIYU 25:30

Ngambalá mba yénge mɔ́i sí laa, a píli ngitíí ya kpindíi h̃u. Naa lɔ áá ɣɛ́ na, áá wɔ́lɔ, áá laangɔ́lu yámɛ.’ ”

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:28

Naa hɔwɔ́ wáá ɣɛ́ wáá wɔ́lɔ wáá laangɔ́lu yamɛ́ ná wáá Lébilah̃auni tɔ taa Áise ɛ́ɣɛ Jékɔ ɛ́ɣɛ Ngalá ndaa háá lé mbélaitii kpɛ́lɛɛ tí Ngalángi w̃ásandai h̃u, wá bútei vá wú bétevengɔ náa wa.”

TI GƐ́Ɛ́ HAÍTII 3:25

Aáva wá lɔ wáa kuulóngi sítii maahɔ́lɔ Ngalá ndaa háá lé mbélai ti yɛ́pɛni kɔwɔ́ato mba. Ná vólu, kuulóngi Ngála ngí maa gɛ́lɛ ngeɣéni ti lówah̃u taa wú káwalani. Ná wáá ngáá, sí Ngalá ngí ɣɛ́i Lébilah̃au w̃a, ‘Nuí kpɛ́lɛɛ tí ngélewu taa nɛ́ɛ́ma w̃aahɔ́lɔ í láála lengái maa véle w̃a.’

LÓÓMI 9:4

Tiyá lɔ́ ti ngáá Ísulɔ yélaitii tiyɛ́i Ngalá ngí lókolongɔ tí wa ngáá ngi léngaa. Ti híyani Ngalángi yákpa maanɛɛnɛɛngí h̃u. I kɛ́lɛ ngeɣéni tí lówah̃u taá tiyéni, ná vólu, í ngí hávai hé ti yaá. Ngalá ngí pele gíte ɣɛ́ngɔ ngáá taa fɛlí ɛ́ɣɛ i mɔ́ɔ́ kúúlo tɛ́ingaa wóni ngáá ti ye.

PÍTƐ GƆ́LƆI HELE KÉLEI 2:17

Maa lɛ́ɛ́ gálambo mbo mbelái nátii ti gúlangɔɔ lé nɔ́ɔ ngáá njɛ wú suuyɛ́ɛ́lingɔ ɛ́ɣɛ njɛ bilíí sí fɛfɛngí áá lí nɔ́ɔ la ngáá pele fíli súú véle. Ngalá ngí kpindí h̃u hítɛngɔ wálai h̃uubátɛnga ti haáw̃a.

PÍTƐ GƆ́LƆI HELE KÉLEI 2:4

Ngalá ngáá suuhaalói malékai sítiini mbɛ tí faa ỹɔ́i ɣɛ́i, kɛ́ aá ɣéle, í tí vílii njahááma mbéinda tí na ngili h̃u kpindíí h̃u táá kɔsɔ́ mbááleve fóloi w̃áálɛlɛ.

Kɔlɔí Júu í pɔ́nɛni Ngala fɛ́li mbélaitii ngelé JÚU 1:13

Ngufe tálai í ti h̃u kɛɛlɛ́ ngáá mba kíya nɔ́ɔ njɛí áá ɣɛ́ áá lúndɛ ngí húúlengi áá lɛ́nga. Ti gúlangɔɔ lé ngáá temúleɣai áá ɣɛ́ káka su, Ngalá ngáá ɣɛ ỹanda bátɛni mbɛ kpindí wála h̃u áá ɣɛ́ na kúnafɔ.

FAA YÁKƐ KƆ́LƆI 22:15

Kɛ́ sítii ti ngáá nyaama yélaitii ɛ́ɣɛ súkɛ gúla mbélaitii taa kɔlɔsiyá mbélaitii ɛ́ɣɛ nuu váa mbélaitii ɛ́ɣɛ sítii taá kɔɔ kɔɔ́ ŋániitii fɛ́li ɛ́ɣɛ sítii ti longɔ ngáá ndɛɛ gɔ́ɔ́landai, tɛí lí taa walái ná h̃u kúnafɔ.