MÁFIYU 7:7 - Kɛ́lɛ Niinaí

⁷ Jísu i ɣɛ ti w̃a, “A Ngalá mɔɔní ŋani haáw̃a, aa fe wú yáa. A yakpá wú ŋani wɔlí Ngalá ngeyá, aa fe wú yáa. A Ngalángi góngi laa lúba, aa ndaawó wú yɛ́.

MÁFIYU 7:7 Iomraidhean Croise

MÁFIYU 18:19

Ngí tɔɔỹái le wú w̃á mɔ́ɔ, mbéi hɔ́wɔi fíli wú tá wáa ɣɛ́ féle ngeleí sí wu, wú luw̃á faa fíli má wú Ngala fɛ́li faaw̃a, ní Kɛ́ɛ́ɣɛ í ngelegóóh̃u, aa kɛ wú yɛ́.

MÁFIYU 21:22

Ná ndá ngáá ɣɛ́ wú h̃ú, sí fíli wáá Ngála fɛ́li faaw̃a, wáá mááhɔlɔ.”

MÁFIYU 6:33

Wá ɣéle wú béɣema háá walaí í ɣɛ́ ngáá Ngalá ngi ɣɛ́ wú w̃ááh̃u ngi w̃ásandai h̃u ɛ́ɣɛ ngí lúva vele vandaí í ɣɛ́ wú h̃ú. Ngalá tɔ áá wú béɣema wɔlingái sítii kpɛ́lɛɛ kúla kɛlɛ́ma wú yɛ́.

MÁFIYU 7:11

Kɛ kíya bɛ́lɛ wú ngáá nuu ỹɔ́u ỹɔ́ungaa, kɛ́ wú náá wɔlɔ́ kíya wáá ŋani vandá hé wú léngaitii ngeyá, kɛlaa maa wú Kɛ́ɛ́ɣɛ Ngalá í ngelegóóh̃u, laa ɣéle p̃ɛ́ɛ́ aa ŋani vanda hé bih̃í sítiini ngeyá taá mɔɔní faaw̃a!

MÁFIYU 7:8

Sífaa, nuí fíli áá Ngalá mɔ́ɔ́ni ŋani haáw̃a, maa w̃ɔ́i aa maahɔ́lɔ. Nuí fíli pá áá ŋani wɔlí Ngalá ngeyá, aa fe maa w̃ɔ́i yaá. Nuí vá áá Ngalángi góngi laa lúba, aa ndaa wó maa w̃ɔ́i yɛ.

Keela woó vándai Máa í pɔ́nɛni kɔwɔ́ato Jísu Kílisitii wa MÁI 11:24

Jísu í mɔ́ɔ ɣɛ ti w̃a, “Faalɔ, ngí ndé wú w̃á, sí fíli wáá kál̃aa w̃ɔ́ɔ́ni wú Yála fɛli ngói h̃u, a lá lá ngáá wá lɔɔ vá maahɔ́lɔma, aáva wáá mááhɔlɔ.

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 13:25

Ná léi nɔ́ɔ pɛlɛ́ w̃ɔ́i áá yóóɣe í pɛlɛ́i laabɔ́lu, wáá ɣɛ́ lóóni ngítii ya wáá pɛlɛ́i laa lúba wáá maanɛɛnɛ́ngi wo wáá ɣɛ́ tá, ‘Kawalái, pɛlɛ́i laawó kái ní lúwɔ.’ Kɛ́ aa wú wóó yápote, i ɣɛ wú w̃á, ‘Ngáá wú wɔ́lɔ kɛlaa mbéi wáá gúla na.’

Keela woó vándai Lúu í pɔ́nɛni kɔwɔ́ato Jísu Kílisitii wa LÚU 18:1

Kɛ Jísu i faanɛ́ɛ́ngi sí héinga volú yélaitii ma ngáá í ngakɛ́ ngáá ti ye ngáá ti ɣɛ́ táa Ngala fɛ́li táiŋ fíli má tálaa nduwúh̃ugula wa.

NJƆÚ 15:16

Wá láa le wɔ́ɔ́ lokolo mbá, kɛ́ nyá lɔ́ ngí lókolongɔ wú wa ngáá wú lí wú kɛ ngáá háwu ngamba bih̃íw̃aa í hɔ́lɔ wú h̃ú, ngambángi sí áá ɣɛ́ na kúnafɔ taá ngi ndá gúnafɔ. Aáva sí fíli wáá ní Kɛ́ɛ́ɣɛ hɛ́li faaw̃a ndááheingi h̃u, aa fe wú yáá.

NJƆÚ 15:7

Kɛ́ ná wɔ́lii wáá ló kpahái h̃u wú su mbá, ndáá wói va í ló wú líítii su, ná ná áá ɣɛ́, sí fíli áá wú líívo, a Ngala fɛ́li faaw̃a aáva wáá sɔ́lɔ.

NJƆÚ 4:10

Kɛ Jísu i ngoo yápotenga, i ɣɛ ma, “Bele yí ɣɛ́i Ngalá fémbɛ wɔlíngi wɔlɔ́ ɛ́ɣɛ nuí sí íwaa í w̃ɔ́ɔ́ni kpɔ́le yɛ́i hááw̃a yɔ́ɔ́ ɣɛ́ ɣɛi maa w̃ɔ́i w̃ɔ́ɔ́nini aáva ɔ́ɔ́ ndɛɛh̃ú w̃aahɔ́lɔ njɛ́i he í yáá.”

LÓÓMI 2:7

Ngalá ngáá kúnafɔ lɛ́ɛ́h̃ui hé sítii ngeya taá lɛ́ɛ́h̃ui h̃uuhíya ngáá ndiilɔlɔ́ faa vánda ɣɛ́ndai h̃u, ti gitómai aa ɣɛ ngáá Ngalangí yákpa maanɛɛnɛɛ ngwalaí ɛ́ɣɛ ngi yɛ́lɛhei, ɛ́ɣɛ kúnafɔ lɛ́ɛ́h̃ui.

LÓÓMI 3:11

Nuu yílaa kéle tɔ áá na ɔ́ɔ́ tɔ́ɔ́ỹaa háá yatɔ́ mba kɛlaa nuu yílaa kéle tɔ ɔ́ɔ́ ɣɛ́ na ɔ́ɔ́ ɣɛ́ áá Ngalá kɔ́li ngáá tɔɔ ɣɛ́ fááw̃a.

HÍBULU 11:6

Aa ngáá solowo fáá ngáá nuu áá hómbo í Ngalá ndiivó fáitii kɛ ná wɔ́lii nda ngɛ́i ɣɛ́ nuu h̃u. Bɔw̃álale, nuí fíli áá lokohéi Ngala fɛ́lindai wu, kɛ maa w̃ɔ́i í lá la ngáá kɛ Ngalá tɔ́ na aáva aa sítii maaỹá fe taa lí kakála.

JIMISÍ 5:15

Ná taa Ngala fɛ́li, ti lángi ná taa ɣɛ́ su ngáá Ngalá aa kɛ ngáá háwu maa héébɛ w̃ɔ́i í waló Ndemɔí Ngalá ngáá kɛ ngáá háwu maa w̃ɔ́i luwú h̃ú wúyangɔ í ɣɛ́ la mɔ́ɔ. Ná ná áá ɣɛ́ ɣɛ́ni faa ỹɔ́u fíli áá ɣɛ́ kɛ́ni suuhaa áá lo.

NJƆÚ HESENDAA GƆLƆÍ 3:22

Sí fíli a maá Ngála fɛ́li faaw̃a, aa fe mu yaá bɔw̃álale a mu golóngɔɔ lé ngi hávaitiini mbu ɛ́ɣɛ mú wáá fái sítiini kɛ ti ngáá ndiivó fáitii.